Հա

Համայնք

16/01/2018 - 11:40

Տօնական խրախճանք Շահինշահրում՝ ամանորեայ միջոցառումների ծիրում

Կիրակի՝ 2018 թւականի յունւարի 14-ի երեկոյեան՝ Ամանորեայ միջոցառումների ծիրում՝ Շահինշահրի Հայ կանանց եկեղեցասիրաց միութեան վարչութիւնը կազմակերպել էր տօնական խրախճանք՝ համայնքի «Սրբոց Վարդանանց» դպրոցի սրահում: Ձեռնարկին հրաւիրւած էին համայնքի հոգեւոր տեսուչ գերպ. Տ. Անանիա ծ. վրդ. Գուճանեանը, արժ. Տ. Սահակ քհնյ. Մինասեանը, կազմակերպիչ միութեան անդամները եւ հրաւիրեալները: 

«alikonline.ir» - Կիրակի՝ 2018 թւականի յունւարի 14-ի երեկոյեան՝ Ամանորեայ միջոցառումների ծիրում՝ Շահինշահրի Հայ կանանց եկեղեցասիրաց միութեան վարչութիւնը կազմակերպել էր տօնական խրախճանք՝ համայնքի «Սրբոց Վարդանանց» դպրոցի սրահում: Ձեռնարկին հրաւիրւած էին համայնքի հոգեւոր տեսուչ գերպ. Տ. Անանիա ծ. վրդ. Գուճանեանը, արժ. Տ. Սահակ քհնյ. Մինասեանը, կազմակերպիչ միութեան անդամները եւ հրաւիրեալները: Տեղեկացնում է Շահինշահրի հայ համայնքի վարչութեան թղթակից Վ. Յարութիւնեանը:

Սկզբում միութեան նախագահուհի տկն. Անահիտ Օհանեանը իր ողջոյնի խօսքն ուղղելով ներկաներին շնորհաւորեց Ամանորի եւ Սբ. Ծննդեան տօների կապակցութեամբ եւ մաղթելով բոլորին բարեբեր, բարեյաջող եւ երջանկաբեր տարի՝ խօսքը փոխանցեց Հայր Սուրբին, ով իր գոհունակութիւնը յայտնելով այս գեղեցիկ խրախճանքի կապակցութեամբ՝ ինչպէս միշտ իր բարձր գնատանքի խօսքն ուղղեց «Հայ կանանց եկեղեցասիրաց» միութեան անդամներին, ովքեր միշտ ժրաբար աշխատում են եւ իրենց կազմակերպած նախաձեռնութիւններով համայնքում ստեղծում են խանդավառութիւն: Հայր Սուրբն եւս մաղթելով, որ 2018 թւականը հանդիսանայ նորանոր ձեռքբերումների եւ առաջադիմութիւնների տարի օրհնեց եւ ուղորդեց բոլորին, որպէսզի բարձր գնահատեն Յիսուս Քրիստոսի՝ մարդկութեանը պարգեւած չորս հարստութիւնը՝ լոյսը, յոյսը, հաւատը եւ խաղաղութիւնը:

«Զանգակներ» երաժշտութեան եւ ներկաների ուրախ բացականչութիւնների ներքոյ ձմեռ պապն ու ձմեռ տատը մուտք գործեցին սրահ, ովքեր աւելի համեմեցին կազմակերպւած Ամանորեայ միջոցառումը եւ մրգեր նւիրեցին հանդէսում ներկայ մանուկներին:

Ամանորին նւիրւած բանաստեղծութիւններով արտայայտւեցին անդամուհիներ Քարմէն Յակոբեանը, Նւարդ Փանոսեանը, Նարմիկ Դէհբաշեանը եւ Հերմինէ Մանուկեանը:

Օրւայ առիթով նաեւ ելոյթ ունեցաւ արժն. քհնյ. Հայրը, ով աղօթք բարձրացնելով Բարձրեալին՝ շնորհաւորեց Ամանոր եւ Սբ. Ծնունդը եւ մաղթեց միութեանը առաւել ոյժ ու կորով եւ յաջող ու բարի գործունէութիւն: 

Միութեան նախագահուհին իր շնորհակալական խօսքն ուղղելով Հայր Սուրբին՝ միութիւնը հովանաւորելու, առաջնորդելու եւ քրիստոնէական դաստիարակութեան գործում կատարած ներդրումի համար, ինչպէս նաեւ Քահանայ Հօրը՝ միութեանը ցուցաբերած ցուցումների եւ խորհուրդների համար, մաղթեց նրանց քաջառողջութիւն, արեւշատութիւն եւ երկար տարիների բարի ծառայութիւն: Տկն. Օհանեանը շնորհակալութիւն յայտնեց նաեւ «Հայ Համայնքի Վարչութեանը»՝ ձեռնարկը հովանաւորելու եւ սրահը տրամադրելու համար:

Խրախճանքի ընթացքում բոլոր ներկաները վայելեցին կազմակերպւած գեղեցիկ հիւրասիրութիւնը եւ հայկական երգ ու պարով առաւել ջերմացրին մթնոլորտը:

Յարակից լուրեր

  • Հ.Օ.Մ.-ի Ուրմիայի մասնաճիւղի ճաշկերոյթ-ժողովը Ամանորի առթիւ
    Հ.Օ.Մ.-ի Ուրմիայի մասնաճիւղի ճաշկերոյթ-ժողովը Ամանորի առթիւ

    Կիրակի, 27 յունւար 2019 թ.-ին Հ.Օ.Մ-ի Ուրմիայի մասնաճիւղի վարչութեան նախաձեռնութեամբ կազմակերպւեց ճաշկերոյթ, Նոր տարւայ եւ Ս. Ծնունդի առիթով:

  • Ամանորեան այցելութիւններ ծերանոցներում
    Ամանորեան այցելութիւններ ծերանոցներում

    Հովանաւորութեամբ թեմիս բարեխնամ առաջնորդ՝ գերշ. Տ. Սեպուհ արք. Սարգսեանի եւ Թեհրանի հայոց թեմի Կրօնական խորհրդի Քրիստոնէական դաստիարակութեան յանձնախմբի նախաձեռնութեամբ, նաեւ Կարիքաւորներին օժանդակող մարմնի համագործակցութեամբ այս տարի եւս Ամանորի եւ Սուրբ Ծննդեան տօների առիթով, տեղի ունեցաւ այցելութիւն ծերանոց-հանգստեան տներում բնակւող հայ եւ քրիստոնեայ բնակիչներին: 

  • Ն.Ս.Օ.Տ.Տ. Արամ Ա Վեհափառ Հայրապետի Հայ մամուլի տարւայ հայրապետական գրի ընթերցումը Շահինշահրում
    Ն.Ս.Օ.Տ.Տ. Արամ Ա Վեհափառ Հայրապետի Հայ մամուլի տարւայ հայրապետական գրի ընթերցումը Շահինշահրում

    Շաբաթ՝ 2019 թւականի յունւարի 19-ին, նախագահութեամբ Սպահանի հայոց թեմի առաջնորդ գերշ․ Տ․ Սիփան եպս․ Քէչէճեանի՝ կիրակնամուտի ժամերգութիւն իրականացւեց Շահինշահրի «Սրբոց Վարդանանց» եկեղեցում։

  • Ամանորի եւ Ս. Ծննդեան տօնի առիթով Շահինշահրի պետական բարձրաստիճան պաշտօնատարների այցը՝ Սպահանի հայոց թեմի պատասխանատուներին
    Ամանորի եւ Ս. Ծննդեան տօնի առիթով Շահինշահրի պետական բարձրաստիճան պաշտօնատարների այցը՝ Սպահանի հայոց թեմի պատասխանատուներին

    Շաբաթ՝ 2019 թւականի յունւարի 12-ի առաւօտեան, Ամանորի եւ Ս. Ծննդեան տօնի առիթով, Շահինշահրի ուրբաթօրեայ աղօթապետ հոջ. Մալեքեանը, քաղաքապետ պրն. Էշղին եւ գաւառապետարանի ու քաղխորհրդի մի շարք բարձրաստիճան պաշտօնատարներ քաղաքավարական այցելութեամբ ներկայացան Ն. Ջ. Հայ Մ. Մ. «Արարատ» միութեան մասնաճիւղի կենտրոնատեղի՝ տեսակցելու Սպահանի հայոց թեմի առաջնորդ գերշ. Տ. Սիփան եպս. Քէչէճեանին, Շահինշահրի ծխատէր արժ. Տ. Սահակ քհնյ. Մինասեանին եւ Թեմական խորհրդի ու Շահինշահրի հայ համայնքի վարչութեան ներկայացուցիչներին։

  • Ամանորի նախատօնակ՝ Շահինշահրի դպրոցում
    Ամանորի նախատօնակ՝ Շահինշահրի դպրոցում

    Կիրակի՝ 2018 թւականի դեկտեմբերի 30-ի առաւօտեան Շահինշահրի հայոց ազգ․ «Սրբոց Վարդանանց» երկսեռ տարրական դպրոցի տեսչութեան, ուսուցչական կազմի եւ Ծնողական խորհրդի նախաձեռնութեամբ, Ամանորի եւ Ս. Ծննդեան տօների առթիւ, կազմակերպւել էր ուրախ ժամանց, ուր ներկայ էին՝ արժն․ Տ․ Սահակ քհնյ․ Մինասեանը, Շահինշահրի հայ համայնքի վարչութեան ներկայացուցիչներն ու դպրոցների աշակերտ-ուհիները։ 

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։