Հա

Համայնք

23/01/2018 - 10:40

Ջրօրհնէքի արարողութիւն՝ Ղարղուն գիւղում

Փերիոյ գաւառի Ղարղուն գիւղի Ս. Նշան եկեղեցու վարչութեան նախաձեռնութեամբ եւ կազմակերպութեամբ, ուրբաթ՝ 2018 թւականի յունւարի 19-ի առաւօտեան, ձեռամբ Սպահանի հայոց թեմի առաջնորդ գերպ. Տ. Սիփան ծ. վրդ. Քէչէճեանի եւ մասնակցութեամբ արժ. Տ. Մեսրոպ աւ. քհնյ. Գալստանեանի ու սարկաւագների, նոյն եկեղեցում իրականացւեց Ջրօրհնէքի արարողութիւն: 

«alikonline.ir» - Փերիոյ գաւառի Ղարղուն գիւղի Ս. Նշան եկեղեցու վարչութեան նախաձեռնութեամբ եւ կազմակերպութեամբ, ուրբաթ՝ 2018 թւականի յունւարի 19-ի առաւօտեան, ձեռամբ Սպահանի հայոց թեմի առաջնորդ գերպ. Տ. Սիփան ծ. վրդ. Քէչէճեանի եւ մասնակցութեամբ արժ. Տ. Մեսրոպ աւ. քհնյ. Գալստանեանի ու սարկաւագների, նոյն եկեղեցում իրականացւեց Ջրօրհնէքի արարողութիւն: Տեղեկացնում է Նոր Ջուղայի մեր թղթակիցը:

Հոգեպարար կարգին ներկայ էին՝ թեմիս Կրօնական խորհրդի անդամներ՝ ատենապետ Վարուժ Մովսիսեանը եւ Սաքօ Տէր-Յովհաննիսեանը, Ս. Նշան եկեղեցու վարչութիւնը եւ Նոր Ջուղայից ու Շահինշահրից, ինչու չէ նաեւ Փերիոյ գաւառի զանազան գիւղերից ժամանած հաւատացեալ ժողովուրդ:

Արարողութեան ընթացքում նախքան եզրափակիչ «Տէրունական աղօթքը»,  քարոզեց թեմակալ առաջնորդ Հայր Սուրբը: Նա անդրադառնալով օրւայ խորհրդին եւ յատկապէս բնաբան ունենալով 29-րդ սաղմոսի 3-րդ համարը՝  «Ձայն Տեառն ի վերայ ջուրց…»-ը, որն արտասանւում է Ջրօրհնէքի արարողութեան սկիզբը, կարեւորութեամբ ընդգծեց, թէ այս հատւածը մեզ յիշեցնում է, որ Աստւած ամէն բանից առաջ գոյութիւն ունեցող հզօրագոյն ուժն է եղել եւ նա է տիեզերքի ստեղծիչն ու արարիչը, Տիրոջ պատւիրաններին ուշադրութիւն չդարձնելու պարագային ենթարկւելու ենք աստւածային պատուհասի, իսկ լինելով նրա հաւատարիմ զաւակները, կեանքը շարունակելու ենք դրախտային վայրում, ուր ջրառատ է եւ Աստւած մշտապէս ներկայութիւն ունի:

Գերպ. Տ. Սիփան ծ. վրդ. Քէչէճեանն իր խօսքի մի այլ բաժնում անդրադառնալով նաեւ, որ եկեղեցու մէջ օրհնւող ջուրը բաժանւում է հաւատացեալներին՝ որպէս բուժիչ դեղ եւ զանազան բարիքների խորհրդանիշ, կոչ արեց ներկաներին՝ լսելով աստւածային պատւիրանները, լինել Տիրոջ հաւատարիմ զաւակները եւ չհետեւել չարին:

Յատկանշական է, որ թեմակալ առաջնորդն ու նրան ընկերակցող Կրօնական խորհրդի անդամները, նոյն օրը ժամանեցին նաեւ Խոյգան գիւղ, ուր սկզբում աղօթեցին Ս. Աստւածածին եկեղեցում, ապա այցելելով գիւղի Ս. Ներսէս եւ Ս. Յովհաննու եկեղեցիներ՝ մօտիկից ականատեսը եղան այս երկու սրբավայրերում իրականացւած նորոգութեան աշխատանքներին, որը կատարւել է Ֆերէյդունշահրի Մշակութային ժառանգութեան, ձեռարւեստի եւ զբօսաշրջութեան կազմակերպութեան միջոցով:

Լուսանկարները տրամադրեց՝
Սաքօ Տէր-Յովհաննիսեանը

Յարակից լուրեր

  • Համբարձման տօնի առթիւ ս. եւ անմահ պատարագ՝ Փերիոյ գաւառի Սնկերտ գիւղում
    Համբարձման տօնի առթիւ ս. եւ անմահ պատարագ՝ Փերիոյ գաւառի Սնկերտ գիւղում

    Սպահանի հայոց թեմի Կրօնական խորհրդի նախաձեռնութեամբ եւ Փերիոյ գաւառի Սնկերտ գիւղի Ս. Ստեփանոս եկեղեցու վարչութեան կազմակերպութեամբ, հինգշաբթի՝ 2018 թւականի մայիսի 10-ի առաւօտեան, Յիսուս Քրիստոսի Համբարձման տօնի առթիւ, ս. եւ անմահ պատարագ մատուցւեց նշւած եկեղեցում՝ նախագահութեամբ թեմակալ առաջնորդ գերշ. Տ. Սիփան եպս. Քէչէճեանի։ 

  • Հայոց Ցեղասպանութեան 103-րդ տարելիցը ոգեկոչւեց Փերիոյ շրջանի հայաբնակ Բոլորան գիւղում
    Հայոց Ցեղասպանութեան 103-րդ տարելիցը ոգեկոչւեց Փերիոյ շրջանի հայաբնակ Բոլորան գիւղում

    Սպահանի հայոց թեմի պատգամաւորական ժողովի Փերիոյ շրջանի պատգամաւոր Ջանի Նազարեանից տեղեկացանք, որ սոյն գաւառի հայբանակ Բոլորան գիւղի բնակիչները Հայոց Ցեղասպանութեան 103-րդ տարելիցը ոգեկոչելու նպատակով, գիւղում կազմակերպել են մոմավառութեան արարողութիւն եւ բողոքի համահաւաք։

  • Մայրերի մեծարման երեկոյ Նոր Ջուղայում
    Մայրերի մեծարման երեկոյ Նոր Ջուղայում

    Նախաձեռնութեամբ Նոր Ջուղայի Հայուհեաց Բարեգործական ընկերութեան շաբաթ՝ թւականիս ապրիլի 7-ի երեկոյեան, Ն. Ջ. Հայ Մ. Մ. «Արարատ» միութեան դահլիճում նշւեց Մայրերի տօնը՝ ՀՀ հիմնադրման 100-ամեակին նւիրւած։ 

  • Ծաղկազարդ տօնի եւ Դռնբացէքի արարողութիւնները՝ Սպահանի հայոց թեմի եկեղեցիներում
    Ծաղկազարդ տօնի եւ Դռնբացէքի արարողութիւնները՝ Սպահանի հայոց թեմի եկեղեցիներում

    Ծաղկազարդը՝ Քրիստոսի Երուսաղէմ կատարած յաղթական մուտքի յիշատակման տօնը՝ հանդիսութեամբ նշւեց Նոր Ջուղայի Ս. Մինաս, Ս. Ստեփանոս, Ս. Գրիգոր Լուսաւորիչ եւ Ս. Յովհաննու Կարապետ ու Շահինշահրի Սրբոց Վարդանանց եկեղեցիներում, կիրակի՝ մարտի 25-ի առաւօտեան։

  • Սպահանի հայոց թեմի առաջնորդի Ս. Զատկւայ պատգամը
    Սպահանի հայոց թեմի առաջնորդի Ս. Զատկւայ պատգամը

    Նոր Կտակարանի բոլոր Աւետարանները, անխտիր, պատմում են Քրիստոսի երկրաւոր կեանքի ամենահիմնական եւ ամենից էական բաժինը՝ Յարութեան դէպքը։ Իր խորքի մէջ թէեւ ընդհանրական, սակայն իւրաքանչիւր Աւետարան իրեն իւրայատուկ նուրբ ու փոքր տարբերութիւններով ներկայացրել են Քրիստոսի Յարութեան դէպքը, այնպիսի «տարբերութեամբ», որ կարծէք մէկը միւսին ամբողջացնում է։

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։