Հա

Համայնք

ԱՊՐԻԼԻ 24
%AM, %13 %277 %2018 %09:%Փտր

Սրբոց Ղեւոնդեանց քահանայից եւ Վարդանանց տօների նշումը՝ Նոր Ջուղայում

Երեքշաբթի՝ փետրւարի 6-ի առաւօտեան, սրբոց Ղեւոնդեանց քահանաների տօնի առթիւ սուրբ եւ անմահ պատարագ մատուցւեց Նոր Ջուղայի Ս. Մինաս եկեղեցում՝ նախագահութեամբ Սպահանի հայոց թեմի առաջնորդ գերպ. Տ. Սիփան ծ. վրդ. Քէչէճեանի: Օրւայ պատարագիչն էր Շահինշահրի հայ համայնքի հոգեւոր տեսուչ գերպ. Տ. Անանիա ծ. վրդ. Գուճանեանը: Հոգեզմայլ պատարագին մասնակցում էին թեմիս քահանայից ու դպրաց դասերը: Ներկայ էին նաեւ ազգային մարմինների ներկայացուցիչներն ու ժողովուրդ: 

«alikonline.ir» - Երեքշաբթի՝ փետրւարի 6-ի առաւօտեան, սրբոց Ղեւոնդեանց քահանաների տօնի առթիւ սուրբ եւ անմահ պատարագ մատուցւեց Նոր Ջուղայի Ս. Մինաս եկեղեցում՝ նախագահութեամբ Սպահանի հայոց թեմի առաջնորդ գերպ. Տ. Սիփան ծ. վրդ. Քէչէճեանի: Օրւայ պատարագիչն էր Շահինշահրի հայ համայնքի հոգեւոր տեսուչ գերպ. Տ. Անանիա ծ. վրդ. Գուճանեանը: Հոգեզմայլ պատարագին մասնակցում էին թեմիս քահանայից ու դպրաց դասերը: Ներկայ էին նաեւ ազգային մարմինների ներկայացուցիչներն ու ժողովուրդ: Տեղեկացնում է Նոր Ջուղայի մեր թղթակիցը:

Պատարագիչ Հայր Սուրբն օրւայ առթիւ իր պատգամում նշելով, թէ ինչպէս Վարդանանց պատերազմից առաջ Ղեւոնդ Երէցն իր քարոզով Աստծոյ շունչը փոխանցեց հաւատի ճամբին պատերազմողներին, աւելացրեց, որ մեր եկեղեցին չենք կարող բաժանել հոգեւոր եւ ազգային իմաստների, քանի որ Ղեւոնդ Երէցն ու իր հետեւորդները հոգեւորն ու ազգայինը հաստատեցին՝ որպէս մէկ ամբողջութիւն: Հայր Սուրբն իր խօսքի աւարտին շեշտելով, որ քահանան Աստծոյ սպասաւորն է եւ եկեղեցու պաշտօնեան, իր ուրախութիւնը յայտնեց թեմիս հոգեւորականների եւ ժողովրդի միջեւ յարգանքի, սիրոյ եւ վստահութեան վրայ հիմնւած փոխ-յարաբերութեան համար, ապա շնորհաւորելով առիթի կապակցութեամբ, յոյս յայտնեց, որ թեմիս հոգեւորականներին ինչպէս միշտ տեսնելու ենք ղեւոնդեանց քահանաների հոգով ու նւիրումով:

Ս. պատարագին յաջորդեց եկեղեցու սրահում ընդունելութիւնը, ուր օրւայ առթիւ խօսքերով ու շնորհաւորանքներով հանդէս եկան եկեղեցու երեցփոխուհի Ռիթա Մկրտչեանն ու Նոր Ջուղայի Հայոց Առաքելական եկեղեցեաց վարչութեան անդամուհի Լիդա Սիմոնեանը: Վերջում արտայայտւեց նաեւ գերպ. Տ. Սիփան ծ. վրդ. Քէչէճեանը՝ քահանայից տօնը շնորհաւորելով եւ պատարագի ու միջոցառման գործն ի կատար ածողներին շնորհակալութիւն յայտնելով:

Սրբոց Վարդանանց տօնը նշւեց հինգշաբթի՝ փետրւարի 8-ի առաւօտեան, Նոր Ջուղայի Ս. Ամենափրկիչ վանքի Ս. Յովսէփ Արիմաթացի եկեղեցում՝ ս. եւ անմահ պատարագի մատուցմամբ: Պատարագը կատարեց արժ. Տ. Խաչատուր քհնյ. Զարգարեանը՝ եկեղեցական դասի մասնակցութեամբ:

Ժողովրդից բացի ներկայ էին՝ ազգային մարմինների ներկայացուցիչները, «Արմէն» տարրական երկսեռ կրթահամալիրի 5-րդ ու 6-րդ դասարանների եւ «Քանանեան» ու «Կատարինեան» միջնակարգ դպրոցների աշակերտ-աշակերտուհիները եւ պատասխանատուները:

Պատարագիչ քահանայ հայրն օրւան պատշաճ իր քարոզում անդրադառնալով գիտակցաբար մահւանը, ինչու չէ նաեւ Վարդանանց պատերազմին ու այդ հերոսական իրագործումի պատգամին, աւելացրեց, որ այսօր էլ ականատեսն ենք հայրենասէր հայորդիների սխրագործութիւնների, ովքեր իրենց նախնիներից ժառանգած ոգով եւ թանկագին արեան գնով Արցախում պաշտպանում են մեր սուրբ հայրենիքի սահմանները թշնամու ոտնձգութիւններից: Պատարագիչ հայրն ընդգծելով, որ Վարդանանց հերոսներն իրենց մահւամբ կենդանութիւն եւ յաւերժութիւն պարգեւեցին Հայաստանին ու հայ ժողովրդին, կոչ արեց յատկապէս նոր սերնդին՝ օրինակ վերցնելով նրանցից, եկեղեցին, ազգն ու հայրենիքը վեր դասել ցանկացած բանից:

Զոյգ պատարագների երգեցողութիւնը կատարեց Ս. Ամենափրկիչ վանքի «Կոմիտաս» երգչախումբը:

اخبار مرتبط

  • Հայոց Ցեղասպանութեան 103-ամեակի ոգեկոչման ծրագրերի շարանում՝ արեան տւչութեան աշխատանքը կազմակերպւեց Սպահանի Արեան փոխներարկման կազմակերպութեան կենտրոնում
    Հայոց Ցեղասպանութեան 103-ամեակի ոգեկոչման ծրագրերի շարանում՝ արեան տւչութեան աշխատանքը կազմակերպւեց Սպահանի Արեան փոխներարկման կազմակերպութեան կենտրոնում

    Հայոց Ցեղասպանութեան 103-ամեակի ոգեկոչման Նոր Ջուղայի յանձնախմբի գեղեցիկ մտայղացմամբ այս տարի առաջին անգամը լինելով, արեան տւչութեան ծրագիրն իրականացւեց Սպահանի Արեան փոխներարկման կազմակերպութեան կենտրոնում, հինգշաբթի՝ ապրիլի 19-ի առաւօտեան։ Նորջուղայեցիներից կազմւած 35 հոգանոց այս պատւիրակութեանը գլխաւորում էին արժ. հոգեւոր հայրեր՝ Տ. Խաչատուր քհնյ. Զարգարեանն ու Տ. Սահակ քհնյ. Մինասեանը եւ ոգեկոչման յանձնախմբի ներկայացուցիչները։

  • Հոգեհանգստեան արարողութիւն՝ Փերիա գաւառի «Լուսահանգիստ» սրբավայրում
    Հոգեհանգստեան արարողութիւն՝ Փերիա գաւառի «Լուսահանգիստ» սրբավայրում

    Ուրբաթ՝ 2018 թւականի ապրիլի 13-ի առաւօտեան, Սպահանի հայոց թեմի Կրօնական խորհրդի նախաձեռնութեամբ, Փերիա գաւառի Ներքեւի Խոյգան գիւղի մօտակայքում, բլրի վրայ գտնւող «Լուսահանգիստ» սրբավայրում, ուր գտնւում է հաւատի ճանապարհին նահատակւած Գրիգոր Արփայեցիի շիրիմը, Շահինշահրի հայ համայնքի հոգեւոր տեսուչ գերպ. Տ. Անանիա ծ. վրդ. Գուճանեանի նախագահութեամբ տեղի ունեցաւ ամենամեայ հոգեհանգստեան կարգը։

  • ՀՀ 100-ամեակին նւիրւած Հայ մայրերի մեծարման երեկոյ՝ Շահինշահրում
    ՀՀ 100-ամեակին նւիրւած Հայ մայրերի մեծարման երեկոյ՝ Շահինշահրում

    Շահինշահրի հայ համայնքի հոգեւոր տեսուչ գերպ. Տ. Անանիա ծ. վրդ. Գուճանեանի հովանաւորութեամբ եւ Փերիոյ Կրթասիրաց միութեան Շահինշահրի մասնաճիւղի վարչութեան նախաձեռնութեամբ, կիրակի՝ 2018 թւականի ապրիլի 8-ի երեկոյեան «Սրբոց Վարդանանց» սրահում, Մայրութեան եւ գեղեցկութեան տօնի առթիւ կազմակերպւել էր հայ մայրերի մեծարման երեկոյ՝ նւիրւած ՀՀ անկախութեան 100-ամեակին: 

  • Մայրերի մեծարման երեկոյ Նոր Ջուղայում
    Մայրերի մեծարման երեկոյ Նոր Ջուղայում

    Նախաձեռնութեամբ Նոր Ջուղայի Հայուհեաց Բարեգործական ընկերութեան շաբաթ՝ թւականիս ապրիլի 7-ի երեկոյեան, Ն. Ջ. Հայ Մ. Մ. «Արարատ» միութեան դահլիճում նշւեց Մայրերի տօնը՝ ՀՀ հիմնադրման 100-ամեակին նւիրւած։ 

  • Տօնահանդէս-հաւկթախաղ Ս. Զատկի առթիւ՝ Նոր Ջուղայում
    Տօնահանդէս-հաւկթախաղ Ս. Զատկի առթիւ՝ Նոր Ջուղայում

    Կիրակի, ապրիլի 1-ի երեկոյեան, Նոր Ջուղայի Հայ Մ. Մ. «Արարատ» միութեան կենտրոնատեղիում նշւեց Սուրբ Յարութեան տօնը: Հաւկթախաղ-տօնահանդէսի տեսքով իրականացւած հանդիսութեան կազմակերպողը նոյն միութեան Երէցների միաւորն էր:

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։