Հա

Համայնք

07/04/2018 - 10:40

Իրանահայ երեք թեմերի երիտասարդների մասնակցութեամբ՝ «Պատուհան» ճանաչողական ֆորումը կայացաւ Նոր Ջուղայում

Սպահանի հայոց թեմի Թեմական խորհրդի նախաձեռնութեամբ, ուրբաթ՝ 2018 թւականի ապրիլի 6-ին, Նոր Ջուղայի Հայ Մ. Մ. «Արարատ» միութեան սրահում կայացաւ «Պատուհան» խորագիրը կրող ճանաչողական ֆորումը, որին իրենց մասնակցութիւնն էին բերել 17-ից 35 տարեկան շուրջ 120 երիտասարդներ՝ Թաւրիզից, Ուրմիայից, Թեհրանից, Շահինշահրից եւ Նոր Ջուղայից։

«alikonline.ir» - Սպահանի հայոց թեմի Թեմական խորհրդի նախաձեռնութեամբ, ուրբաթ՝ 2018 թւականի ապրիլի 6-ին, Նոր Ջուղայի Հայ Մ. Մ. «Արարատ» միութեան սրահում կայացաւ «Պատուհան» խորագիրը կրող ճանաչողական ֆորումը, որին իրենց մասնակցութիւնն էին բերել 17-ից 35 տարեկան շուրջ 120 երիտասարդներ՝ Թաւրիզից, Ուրմիայից, Թեհրանից, Շահինշահրից եւ Նոր Ջուղայից։ Տեղեկացնում է Նոր Ջուղայի մեր թղթակիցը:

Միջոցառման պաշտօնական բացումը կատարւեց առաւօտեան ժամը 9։30-ին։ Բացման հանդիսութեան բաժնում հնչեց կազմակերպիչ յանձնախմբի խօսքը՝ Անասիկ Ծառուկեանի միջոցով, Սպահանի հայոց թեմի առաջնորդ գերպ. Տ. Սիփան ծ. վրդ. Քէչէճեանի նախագահութեամբ արտասանւեց Տէրունական աղօթքը, երիտասարդութեան զարգացման եւ ազգային կեանքում նրանց ներգրաււածութեան ուղղութեամբ Սպահանի հայոց թեմի Թեմական խորհրդի նախագծի մասին ընդհանուր ծանօթացումներ տւեցին նոյն խորհրդի անդամներ Սոնիկ Բաղումեանն ու դոկտ. Նորայր Թումանեանը, իսկ ֆորումի նախապատրաստական աշխատանքների ու ծրագրի մասին բացատրութեամբ հանդէս եկաւ մեդիա դաշտի մասնագէտ, ՀՀ հանրային հեռուստատեսութեան արտաքին բաժնի կապերի ղեկավար եւ սոյն ֆորումի համակարգող Էրիկ Անթառանեանը։

Այս ծրագրի համար Հայաստանից հրաւիրւել էին տեղեկատւական տեխնոլոգիաների, մեդիա դաշտի, կիբեռ անվտանգութեան եւ կառավարման բնագաւառների փորձառու մասնագէտներ եւ կենտրոնների ղեկավարներ՝ Արաքսիա Մարտիրոսեանը, Սամւէլ Մարտիրոսեանը, Ամալիա Ղարաքեշիշեանը եւ Իզաբելլա Մանասարեանը։ Մասնագէտներն առանձին ելոյթներ ծաւալեցին իրենց ոլորտի վերաբերեալ, ապա վարեցին նախատեսւած 10 աշխատանոցները։

Յանձնախմբի հրաւէրով Նոր Ջուղա էր ժամանել նաեւ «Ալիք» օրաթերթի կայքի խմբագիր Արամ Շահնազարեանը, որը պրն. Անթառանեանի հետ միասին օժանդակեց մասնագէտներին աշխատանոցներն առաւել աշխոյժ վարելու գործում։

Մանրամասնութիւնները՝ հետագայում։

Յարակից լուրեր

  • «Կարիերայի կառավարում» խորագրով գործնական սեմինարը՝ Նոր Ջուղայում
    «Կարիերայի կառավարում» խորագրով գործնական սեմինարը՝ Նոր Ջուղայում

    Սպահանի հայոց թեմի Թեմական խորհրդի նախաձեռնութեամբ եւ Հայաստանի Այ Էյ Բի բիզնեսի միջազգային ակադեմիայի համագործակցութեամբ, 2019 թւականի յունւարի 27-ից մինչեւ փետրւարի 6-ը, Նոր Ջուղայի Հայ Մ. Մ. «Արարատ» միութեան շրջափակում իրանահայ թեմերի երիտասարդների մասնակցութեամբ կազմակերպւեց «Նախագծերի կառավարում» (Project management) դասընթացը, որի մասին ժամանակին իրազեկւել են ընթերցողները, իսկ այս շրջագծում փետրւարի 7-ի առ. ժամը 9-ից իրականացւեց «Կարիերայի կառավարում» խորագրով գործնական սեմինարը, որի մանրամասնութիւնները լուսարձակի տակ ենք առնում հետեւեալ տողերով։

  • Երիտասարդների հմտութիւնները զարգացնող դասընթացներ՝ Նոր Ջուղայում
    Երիտասարդների հմտութիւնները զարգացնող դասընթացներ՝ Նոր Ջուղայում

    Սպահանի հայոց թեմի Թեմական խորհրդի նախաձեռնութեամբ, իրանահայ թեմերի երիտասարդների համար կազմակերպւած «Պատուհան» անւամբ ճանաչողական ֆորումին յաջորդող փուլում, կազմակերպւում են երիտասարդների հմտութիւնները զարգացնող ծրագրեր։ Այս շրջագծում 2019 թւականի յունւարի 27-ից մինչեւ փետրւարի 6-ը, Նոր Ջուղայում, Հայաստանի Այ Էյ Բի բիզնեսի միջազգային ակադեմիայի հետ համագործակցաբար կազմակերպւեց «Նախագծերի կառավարում» դասընթացը (Project management)։

  • Նպաստաւոր պայմաններ են ստեղծւել Սպահանի պետական համալսարանի Հայոց լեզւի եւ գրականութեան ճիւղում ուսումը շարունակել ցանկացող իրանահայ զաւակների համար
    Նպաստաւոր պայմաններ են ստեղծւել Սպահանի պետական համալսարանի Հայոց լեզւի եւ գրականութեան ճիւղում ուսումը շարունակել ցանկացող իրանահայ զաւակների համար

    Սպահանի հայոց թեմի Պատգամաւորական ժողովի, Թեմական խորհրդի ու Համալսարանական կրթաթօշակների հոգաբարձութեան որոշումների հիման վրայ նպաստաւոր պայմաններ են ստեղծւել Սպահանի Պետական համալսարանի Հայոց լեզւի եւ գրականութեան ճիւղում ուսումը շարունակել ցանկացող իրանահայ զաւակների համար:

  • Հաղորդագրութիւն
    Հաղորդագրութիւն

    Այսու յայտնում ենք մեր ժողովրդին, որ հայ ժողովրդի անկախութեան եւ Հայաստանի Հանրապետութեան 100-ամեակը արժանավայել կերպով տօնելու համար Սպահանի հայոց թեմի Թեմական խորհուրդը կեանքի է կոչել Կենտրոնական յանձնախումբ, որը իր անդրանիկ նիստում կատարել է աշխատանքի բաժանում ըստ հետեւեալի.

  • Սպահանի հայոց թեմի Թեմական խորհրդի մարդասիրական օգնութիւնն երկրաշարժի տուժածներին
    Սպահանի հայոց թեմի Թեմական խորհրդի մարդասիրական օգնութիւնն երկրաշարժի տուժածներին

    Սպահանի հայոց թեմի Թեմական խորհուրդը Իրանի արեւմտեան շրջաններում տեղի ունեցած աղէտալի երկրաշարժի տուժածներին մարդասիրական օգնութիւն ցուցաբերելու նպատակով, 10 միլիոն թուման արժէքով գոյք է տրամադրել Սպահանի Կարմիր մահիկ ընկերութեանը, որն արդէն ուղարկւել է աղէտի գօտի:

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։