Հա

Համայնք

09/04/2018 - 08:40

Դռնբացէքի արարողութիւնը՝ Շահինշահրում

Կիրակի՝ 2018 թւականի մարտի 25-ի երեկոյեան, Շահինշահրի Սրբոց Վարդանանց եկեղեցիում տեղի ունեցաւ Դռնբացէքի արարողութիւնը: 

«alikonline.ir» - Կիրակի՝ 2018 թւականի մարտի 25-ի երեկոյեան, Շահինշահրի Սրբոց Վարդանանց եկեղեցիում տեղի ունեցաւ Դռնբացէքի արարողութիւնը: Տեղեկացնում է Շահինշահրի մեր թղթակիցը:

Արարողութիւնը մատուցւեց Շահինշահրի հայ համայնքի Հոգեւոր տեսուչ գերպ. Տ. Անանիա ծ. վրդ. Գուճանեանի նախագահութեամբ եւ կատարողութեամբ. ժամերգութեանը մասնակից էր նաեւ արժն. Տ. Սահակ քհնյ. Մինասեանը:

Աւետարանական ընթրցումներից եւ շարականներից յետոյ, Հայր Սուրբը ս. խորան բարձրացաւ եւ փակ վարագոյրի առջեւ ծնկի եկած աղօթեց Բարձրեալին, ապա բացւեց Մեծ պահքի ընթացքում փակ մնացած վարագոյրը՝ ի նշան  նոր կեանքի սկզբի։

Վերջում Հայր Սուրբն իր հայրական պատգամը փոխանցեց ներկաներին, ուր բացատրելով Դռնբացէքի արարողութեան իմաստը նշեց, որ այսօր մեղքերը քաւելու եւ Քրիստոսի հետ յարաբերութեան մէջ մտնելու օրն է։ Նա մաղթեց, որ մեզանից  իւրաքանչիւրի հոգին յագենայ Աստծոյ արդարութեամբ եւ առիթ ունենանք Աստծոյ ողորմութեանն արժանանալու։

Ընթացքում  երգեցողութեամբ հանդէս եկաւ Շահինշահրի «Նարեկ» երգչախումբը:

Պատարագին ներկայ էին Շահինշահրի հայ համայնքի Վարչութեան ներկայացուցիչներն ու մեծաթիւ ժողովուրդ:

Յարակից լուրեր

  • Մարութեան եւ գեղեցկութեան տօնը՝ Շահինշահրում
    Մարութեան եւ գեղեցկութեան տօնը՝ Շահինշահրում

    Կիրակի, 2019 թւականի ապրիլի 7-ի կէսօրից յետոյ, Շահինշահրի Հայ Կանանց եկեղեցասիրաց միութեան նախաձեռնութեամբ, կազմակերպւել էր միջոցառում՝ Մարութեան եւ գեղեցկութեան տօնի առթիւ, ուր ներկայ էին «Նարեկ» երգչախմբի անդամուհիները, համայնքի ուսուցչուհիներն ու մայրերը եւ մի շարք այլ հրւիրեալներ։

  • Միջինքի առիթով միջոցառում՝ Շահինշահրում
    Միջինքի առիթով միջոցառում՝ Շահինշահրում

    Չորեքշաբթի, 2019 թւականի մարտի 27-ի առաւօտեան, Շահինշահրի Սրբոց Վարդանանց եկեղեցում, արժն․ Տ․ Սահակ քհնյ․ Մինասեանի միջոցով տեղի ունեցաւ Արեւագալի արարողութիւնը, ապա Հայ Կանանց եկեղեցասիրաց միութեան նախաձեռնութեամբ «Սրբոց Վարդանանց» դպրոցի սրահում իրականացւեց միջոցառում՝ Միջինքի առիթով։

  • Սրբոց Վարդանանց տօնը՝ Շահինշահրում
    Սրբոց Վարդանանց տօնը՝ Շահինշահրում

    Սրբոց Վարդանանց ու միեւնոյն ժամանակ Շահինշահրի համանուն եկեղեցու անւանակոչութեան տօների առթիւ, ուրբաթ եւ շաբաթ՝ 2019 թւականի մարտի 1 եւ 2-ին համայնքի «Սրբոց Վարդանանց» եկեղեցում, տեղի ունեցան երկօրեայ արարողութիւններ։ 

  • Տեառնընդառաջի նախատօնակը՝ Շահինշահրում
    Տեառնընդառաջի նախատօնակը՝ Շահինշահրում

    Չորեքշաբթի՝ 2019 թւականի փետրւարի 13-ի երեկոյեան, Շահինշահրի Սրբոց Վարդանանց եկեղեցում տեղի ունեցաւ եկեղեցական ժամերգութիւն՝ մանուկ Յիսուս Քրիստոսի տաճար ընծայելու տօնի՝ Տեառնընդառաջի նախատօնակի առթիւ։ 

  • Ն.Ս.Օ.Տ.Տ. Արամ Ա Վեհափառ Հայրապետի Հայ մամուլի տարւայ հայրապետական գրի ընթերցումը Շահինշահրում
    Ն.Ս.Օ.Տ.Տ. Արամ Ա Վեհափառ Հայրապետի Հայ մամուլի տարւայ հայրապետական գրի ընթերցումը Շահինշահրում

    Շաբաթ՝ 2019 թւականի յունւարի 19-ին, նախագահութեամբ Սպահանի հայոց թեմի առաջնորդ գերշ․ Տ․ Սիփան եպս․ Քէչէճեանի՝ կիրակնամուտի ժամերգութիւն իրականացւեց Շահինշահրի «Սրբոց Վարդանանց» եկեղեցում։

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։