Հա

Համայնք

15/04/2018 - 09:50

Հայ մայրերի տօնի առթիւ մեծարման երեկոյ՝ Ն. Ջ. հայոց ազգ. մանկապարտէզ-նախակրթարանի սաների մայրերի ու տատիկների մասնակցութեամբ

Մայրութեան եւ գեղեցկութեան տօնին նւիրւած գողտրիկ միջոցառմամբ մեծարւեցին Նոր Ջուղայի հայոց ազգ. մանկապարտէզ-նախակրթարանի սաների մայրերն ու տատիկները, կիրակի՝ 2018 թւականի ապրիլի 8-ի երեկոյեան, Ն. Ջ. հայոց ազգ. կրթահամալիրի «Ալենուշ Տէրեան» սրահում։ Նախաձեռնութիւնը պատկանում էր դպրոցի տնօրինութեանը, ուսուցչական կազմին եւ ծնողական խորհրդին։

«alikonline.ir» - Մայրութեան եւ գեղեցկութեան տօնին նւիրւած գողտրիկ միջոցառմամբ մեծարւեցին Նոր Ջուղայի հայոց ազգ. մանկապարտէզ-նախակրթարանի սաների մայրերն ու տատիկները, կիրակի՝ 2018 թւականի ապրիլի 8-ի երեկոյեան, Ն. Ջ. հայոց ազգ. կրթահամալիրի «Ալենուշ Տէրեան» սրահում։ Նախաձեռնութիւնը պատկանում էր դպրոցի տնօրինութեանը, ուսուցչական կազմին եւ ծնողական խորհրդին։ Տեղեկացնում է Նոր Ջուղայի մեր թղթակիցը:

Սրահում ներկայ բոլոր մայրերի ձեռքերը զարդարւած էին գունագեղ եւ ծաղկազարդ մատանիներով, որոնք սաները պատրաստել էին ուսուցիչների օգնութեամբ եւ որպէս ամենաիւրայատուկ նւէր՝ պարգեւել իրենց թանկագին մայրերին։ 

Երեկոն սկիզբ առաւ ծնողական խորհրդի ադնամուհիներ Արազ Դաւթեանի ու Նոռա Մանուկեանի միջոցով՝ մօրը ձօնւած գեղեցիկ խօսքերով ու մաղթանքներով եւ յատկապէս մայրական սէրը գովերգող ու հայ մայրերի յատկանիշներին անդրադարձող բանախօսական ելոյթով։

Մի հատւած բանախօսութիւնից.

«Հայ մայրերն ու կանայք իրենց խոնարհութեան, համեստութեան, համբերատարութեան, անսահման սիրոյ եւ նւիրումի համար՝ բոլոր ժամանակաշրջաններում համեմատւել են Աստւածամօրը։ Մեր պատմութեան դժւարին հանգրւաններում հայ մայրը որպէս զինւոր՝ պաշտպանել է սրբութիւնները, ինչի վկան է Աւարայրը, Սարդարապատը, Արցախ աշխարհն ու …»։

Յուզիչ ելոյթին յաջորդեց մանկական երգերով ու արտասանութիւններով յագեցած ծրագիրը. մանկապարտէզի Վարդագոյն եւ Դեղին խմբակների, ինչու չէ նաեւ նախակրթարանի աշակերտները, բեմ ներկայանալով, իրենց որդիական սէրն ու երախտագիտութիւնը յայտնեցին երգերի ու արտասանութիւնների բառերի ներքոյ։

Ծրագրի շարունակութեան մէջ դպրոցի տնօրինուհի Քառոլին Դիլանչեանը ներկաներին փոխանցեց իր ջերմ շնորհաւորանքները՝ տօնի առթիւ, ապա մայրերի մասնակցութեամբ իրականացւեցին մրցոյթներ, որոնց արդիւնքում պարգեւատրւեցին յաղթողները։

Երեկոն աւարտւեց հիւրասիրութեամբ, եւ մայրերին նւիրւեցին յուշանւէրներ։

Լուսանկարիչ՝ Գեւիկ Խաչատրեան

Յարակից լուրեր

  • Մայրերի տօնի հանդիսաւոր նշումը՝ Նոր Ջուղայում
    Մայրերի տօնի հանդիսաւոր նշումը՝ Նոր Ջուղայում

    Հինգշաբթի՝ 2019 թւականի ապրիլի 11-ի երեկոյեան Ն. Ջ. Հայ Մ. Մ. «Արարատ» միութեան դահլիճում, նախաձեռնութեամբ Նոր Ջուղայի Հայուհեաց Բարեգործական ընկերութեան, ամենամեայ միջոցառմամբ նշւեց Հայ Մայրերի տօնը:

  • Մայրութեան եւ գեղեցկութեան տօնի առթիւ մեծարման երեկոյ՝ Նոր Ջուղայի հայոց ազգ. մանկապարտէզ-նախակրթարանի սաների մայրերի ու տատիկների մասնակցութեամբ
    Մայրութեան եւ գեղեցկութեան տօնի առթիւ մեծարման երեկոյ՝ Նոր Ջուղայի հայոց ազգ. մանկապարտէզ-նախակրթարանի սաների մայրերի ու տատիկների մասնակցութեամբ

    Նոր Ջուղայի հայոց ազգ. մանկապարտէզ-նախակրթարանի տնօրինութեան, ուսուցչական կազմի եւ Ծնողական խորհրդի համատեղ ջանքերի շնորհիւ, չորեքշաբթի՝ 2019 թւականի ապրիլի 10-ի երեկոյեան, ազգ. կրթահամալիրի «Ալենուշ Տէրեան» սրահում, Մայրութեան եւ գեղեցկութեան տօնի առթիւ կազմակերպւեց գողտրիկ միջոցառում՝ սրբութեան ու զոհողութեան տիպար հայ մայրերին մեծարելու համար։

  • Մարութեան եւ գեղեցկութեան տօնը՝ Շահինշահրում
    Մարութեան եւ գեղեցկութեան տօնը՝ Շահինշահրում

    Կիրակի, 2019 թւականի ապրիլի 7-ի կէսօրից յետոյ, Շահինշահրի Հայ Կանանց եկեղեցասիրաց միութեան նախաձեռնութեամբ, կազմակերպւել էր միջոցառում՝ Մարութեան եւ գեղեցկութեան տօնի առթիւ, ուր ներկայ էին «Նարեկ» երգչախմբի անդամուհիները, համայնքի ուսուցչուհիներն ու մայրերը եւ մի շարք այլ հրւիրեալներ։

  • Մայրութեան խորհուրդը
    Մայրութեան խորհուրդը

    Արարիչն Աստւած իր ստեղծագործութեան փառքն ու պսակը եղող կինը՝ մայրը արարեց ու այն սրբագործեց նրա որովայնը դարձնելով իրեն համար ժամանակաւոր բնակարան, որից մի օր հրեշտականման մանկան կերպարով պիտի ժպտար աշխարհին։ Ժպիտն այդ անմեղ ու անարատ պիտի լինէր կեանք, դէպի յաւերժութիւն ընթացող կեանքի ընթացք։

  • Ձախողւած մտադրութիւն
    Ձախողւած մտադրութիւն

    Ես ամբողջ ճամփին միտք էի անում.
    Ի՞նչ պիտի ասեմ իմ մօրը բարի,
    Ա՜խ , չէ՞ որ նրան՝ իմ հարազատին,
    Չեմ տեսել արդէն ես քանի տարի։

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։