Հա

Համայնք

06/05/2018 - 09:50

Աշխատաւորութեան միջազգային օրւայ առթիւ միջոցառում՝ Շահինշահրում

Ն. Ջ. Հայ Մ. Մ. «Արարատ» միութեան Շահինշահրի մասնաճիւղի վարչութեան նախաձեռնութեամբ եւ նոյն մասնաճիւղի Երէցների ու Մարզական միաւորների կազմակերպութեամբ, երեքշաբթի՝ 2018 թւականի մայիսի 1-ի երեկոյեան, պատկան կենտրոնատեղիի սրահում նշւեց Աշխատաւորների միջազգային օրը: Ծրագրին ներկայ էին համայնքի անդամները՝ ի մասնաւորի աշխատաւորները: 

«alikonline.ir» - Ն. Ջ. Հայ Մ. Մ. «Արարատ» միութեան Շահինշահրի մասնաճիւղի վարչութեան նախաձեռնութեամբ եւ նոյն մասնաճիւղի Երէցների ու Մարզական միաւորների կազմակերպութեամբ, երեքշաբթի՝ 2018 թւականի մայիսի 1-ի երեկոյեան, պատկան կենտրոնատեղիի սրահում նշւեց Աշխատաւորների միջազգային օրը: Ծրագրին ներկայ էին համայնքի անդամները՝ ի մասնաւորի աշխատաւորները: Տեղեկացնում է Շահինշահրի մեր թղթակիցը:

Երեկոն բացւած յայտարարեց Վարդուհի Պօղոսեանը, ով սկզբում շնորհաւորելով տօնի առթիւ եւ բացատրելով, թէ ի՞նչ հանգամանքների բերումով է մայիսի 1-ը աշխատաւորների օր անւանւել, մատնանշեց հայ ժողովրդի աշխատասիրութիւնը, ինչի պատճառով էլ յայտնի է եւ գովեստի արժանի:

Ծրագրում համայնքի զաւակներից, աստղագէտ Արգիստ Ղարիբեանը, ով իր բարձրագոյն կրթութիւնն ստացել է Անգլիայում եւ ներկայիս իր մասնագիտութեան ոլորտում գործունէութիւն է ծաւալում Իրանի զանազան քաղաքներում, լուսանկարներով ելոյթ ունեցաւ իր կենսագրական գծերի եւ մասնագիտութեան մասին, այնուհետեւ երկու գիտական տեսանիւթերի ցուցադրմամբ առաւել պատկերաւոր ձեւով անդրադարձ կատարեց աստղագիտութեան մի շարք տերմիններին ու երեւոյթներին:

Շարունակութեան մէջ կենտրոնատեղիի բակում, աստղագէտի ղեկավարութեամբ տեղի ունեցաւ գիտական աշխատանոց, ուր ցանկացողները աստղադիտակով դիտեցին լուսինն ու Իւպիտեր մոլորակը:

Ջերմ ու մտերմիկ մթնոլորտով երեկոյի ընթացքում հնչեց ուրախ երաժշտութիւն եւ ներկաները վայելեցին Երէցների միաւորի միջոցով պատրաստւած զանազան կերակրատեսակները: Մարզական միաւորի կազմակերպութեամբ տեղի ունեցան զւարճալի եւ հետաքրքիր մրցոյթներ, որոնք հաճելի կերպով վարեց Ռազմիկ Մարկոսեանը:

Տօնի առթիւ իւրաքանչիւր աշխատաւորի նւիրւեց յուշանւէր:

Յարակից լուրեր

  • Մարութեան եւ գեղեցկութեան տօնը՝ Շահինշահրում
    Մարութեան եւ գեղեցկութեան տօնը՝ Շահինշահրում

    Կիրակի, 2019 թւականի ապրիլի 7-ի կէսօրից յետոյ, Շահինշահրի Հայ Կանանց եկեղեցասիրաց միութեան նախաձեռնութեամբ, կազմակերպւել էր միջոցառում՝ Մարութեան եւ գեղեցկութեան տօնի առթիւ, ուր ներկայ էին «Նարեկ» երգչախմբի անդամուհիները, համայնքի ուսուցչուհիներն ու մայրերը եւ մի շարք այլ հրւիրեալներ։

  • Միջինքի առիթով միջոցառում՝ Շահինշահրում
    Միջինքի առիթով միջոցառում՝ Շահինշահրում

    Չորեքշաբթի, 2019 թւականի մարտի 27-ի առաւօտեան, Շահինշահրի Սրբոց Վարդանանց եկեղեցում, արժն․ Տ․ Սահակ քհնյ․ Մինասեանի միջոցով տեղի ունեցաւ Արեւագալի արարողութիւնը, ապա Հայ Կանանց եկեղեցասիրաց միութեան նախաձեռնութեամբ «Սրբոց Վարդանանց» դպրոցի սրահում իրականացւեց միջոցառում՝ Միջինքի առիթով։

  • Սրբոց Վարդանանց տօնը՝ Շահինշահրում
    Սրբոց Վարդանանց տօնը՝ Շահինշահրում

    Սրբոց Վարդանանց ու միեւնոյն ժամանակ Շահինշահրի համանուն եկեղեցու անւանակոչութեան տօների առթիւ, ուրբաթ եւ շաբաթ՝ 2019 թւականի մարտի 1 եւ 2-ին համայնքի «Սրբոց Վարդանանց» եկեղեցում, տեղի ունեցան երկօրեայ արարողութիւններ։ 

  • Տեառնընդառաջի նախատօնակը՝ Շահինշահրում
    Տեառնընդառաջի նախատօնակը՝ Շահինշահրում

    Չորեքշաբթի՝ 2019 թւականի փետրւարի 13-ի երեկոյեան, Շահինշահրի Սրբոց Վարդանանց եկեղեցում տեղի ունեցաւ եկեղեցական ժամերգութիւն՝ մանուկ Յիսուս Քրիստոսի տաճար ընծայելու տօնի՝ Տեառնընդառաջի նախատօնակի առթիւ։ 

  • Դպրոցական նախաձեռնութիւններ եւ Ամանորեայ միջոցառումներ՝ Շահինշահրի հայոց ազգ. «Նարեկ» մանկապարտէզ-նախակրթարանում
    Դպրոցական նախաձեռնութիւններ եւ Ամանորեայ միջոցառումներ՝ Շահինշահրի հայոց ազգ. «Նարեկ» մանկապարտէզ-նախակրթարանում

    2018 թւականի նոյեմբերի 29-ին, Շահինշահրի հայոց ազգ․ «Նարեկ» մանկապարտէզ-նախակրթարանում տիրում էր խանդավառ մթնոլորտ։ Դպրոցի տեսչութիւնը եւ ծնողական խորհրդի անդամուհիներ՝ Ժաննա Շահբազեանն ու Արսինէ Ոսկանեանը սաների համար իրականացրեցին «Համառ բադիկ» խորագրով տիկնիկային ներկայացումը՝ անմոռանալի պահեր պարգեւելով փոքրիկներին։

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։