Հա

Համայնք

08/05/2018 - 10:00

ՀՀ հիմնադրման 100-ամեակի ոռիթով ժողովրդական տօնախմբութիւն՝ Նոր Ջուղայում

Ուրբաթ՝ 2018 թւականի մայիսի 4-ին, նախաձեռնութեամբ ՀՀ հիմնադրման 100-ամեակի տօնակատարութեան Նոր Ջուղայի ենթայանձնախմբի եւ համագործակցութեամբ համայնքի բոլոր միութիւնների, Նոր Ջուղայի Հայ Մ. Մ. «Արարատ» միութեան շրջափակում տեղի ունեցաւ ժողովրդական տօնախմբութիւն:

«alikonline.ir» - Ուրբաթ՝ 2018 թւականի մայիսի 4-ին, նախաձեռնութեամբ ՀՀ հիմնադրման 100-ամեակի տօնակատարութեան Նոր Ջուղայի ենթայանձնախմբի եւ համագործակցութեամբ համայնքի բոլոր միութիւնների, Նոր Ջուղայի Հայ Մ. Մ. «Արարատ» միութեան շրջափակում տեղի ունեցաւ ժողովրդական տօնախմբութիւն: Տեղեկացնում է Նոր Ջուղայի մեր թղթակիցը:

Միջոցառմանը ներկայ էին՝ Սպահանի հայոց թեմի առաջնորդ գերշ. Տ. Սիփան եպս. Քէչէճեանը, թեմի ՀՀ հիմնադրման 100-ամեակի Կենտ. յանձնախմբի, ազգային մարմինների եւ շրջանի Հայ Դատի յանձնախմբի ներկայացուցիչները եւ հոծ թւով ժողովուրդ:

Երեկոն բացւած յայտարարւեց ՀՀ օրհներգի յոտնկայս ունկնդրութեամբ, որից յետոյ ողջոյնի եւ բարի գալստեան խօսքով հանդէս եկաւ հանդիսավար Անի Ղազարեանը:

Կազմակերպիչ ենթայանձախմբի խօսքն ընթերցեց Անի Շահիջանեանը, ով ակնարկ կատարելով մայիսեան յաղթանակին, նշեց, թէ Մայիս 28-ը ոչ միայն Հայաստանի Առաջին Հանրապետութեան հիմնադրման, այլեւ հայկական պետականութեան վերականգնման տօնն է. պետականութիւն, որի հիմքերի վրայ կառուցւեց նաեւ Հայաստանի այսօրւայ հանրապետութիւնը. պետականութիւն, որն իր ազատ եւ ժողովրդավար դրւածքով ու կառավարման համակարգով դարձել է օրինակելի:

Տօնախմբութեանն առաւել աշխուժութիւն եւ խանդավառութիւն հաղորդեց Կարէն Օհանեանը ազգային եւ հայրենասիրական երգերի գեղեցիկ կատարմամբ: Կարէնին ընկերակցում էր «Անի» նւագախումբը:

Ընթացքում ցուցադրւեց ՀՀ հիմնադրմանն անդրադարձող տեսանիւթ, պարային կատարումներով հանդէս եկան Փերիոյ Կրթ. միութեան «Նայիրի» պարախմբի անդամուհիներ՝ Ալինէ Յարութիւնեանն ու Սիւնէ Ուղուրեանը, իսկ հայկական շուրջպարերով մթնոլորտն աւելի ջերմացրեց ժողովուդրը:

ՀՅԴ «Թադէոս Թադէոսեան» պատանեկան միութեան միջոցով նախատեսւել էր կրպակ, ուր հայկական եռագոյնի գոյներով դաճւեցին մանուկների դէմքերը եւ փոքրիկները նկարեցին «Հայրենիք» թեմայով գեղեցիկ նկարչութիւններ։ Աւանդական ճաշատեսակների եւ ուտելիքների պատրաստման աշխատանքն ստանձնել էին՝ Փերիոյ Կրթ. եւ Ն. Ջ. Հայ կանանց գթութեան միութիւնները, Ն. Ջ. Հայուհեաց բարեգործական ընկերութիւնը, Հայ Ուս. «Չհարմահալ» միութեան Նոր Ջուղայի մասնաճիւղը եւ Ն. Ջ. Հայ Մ. Մ. «Արարատ» միութեան Երէցների միաւորը:

Յարակից լուրեր

  • Սուրբ եւ անմահ պատարագ Աստւածամօր ծննդեան տօնի առթիւ՝ Նոր Ջուղայում
    Սուրբ եւ անմահ պատարագ Աստւածամօր ծննդեան տօնի առթիւ՝ Նոր Ջուղայում

    Կիրակի՝ 2019 թւականի սեպտեմբերի 8-ի առաւօտեան, Ս. Աստւածածնի ծննդեան տօնի առթիւ, նախագահութեամբ Սպահանի հայոց թեմի առաջնորդ գերշ. Տ. Սիփան եպս. Քէչէճեանի եւ ձեռամբ հիւրաբար Թեհրանից Նոր Ջուղա ժամանած արժ. Տ. Վրթանէս քհնյ. Բաբախանեանի, սուրբ եւ անմահ պատարագ մատուցւեց Նոր Ջուղայի Ս. Աստւածածին եկեղեցում։

  • Գնահատւեց Հայագիտական համահայկական 9-րդ օլիմպիադային մասնակցած Նոր Ջուղայի պատւիրակութիւնը
    Գնահատւեց Հայագիտական համահայկական 9-րդ օլիմպիադային մասնակցած Նոր Ջուղայի պատւիրակութիւնը

    Նախաձեռնութեամբ Սպահանի հայոց թեմի Թեմական եւ Կրթական խորհուրդների, երեքշաբթի՝ 2019 թւականի սեպտեմբերի 3-ին, Ս. Ամենափրկիչ վանքի Ծաղկեայ դահլիճում, գնահատւեցին Հայաստանում կայացած Հայագիտական համահայկական 9-րդ օլիմպիադային մասնակից Նոր Ջուղայի հայոց ազգ. «Քանանեան-Կատարինեան» միջնակարգ դպրոցի վեց աշակերտ-ուհիներն ու պատկան ուսուցչական կազմը:

  • Իրանահայ երիտասարդ լեռնագնացը դժբախտ պատահարի զոհ դարձաւ
    Իրանահայ երիտասարդ լեռնագնացը դժբախտ պատահարի զոհ դարձաւ

    Օգոստոսի 20-ին Նոր Ջուղայից երիտասարդ լեռնագնաց Էդմոնդ Թահմազեանը 12 հոգանոց խմբով մեկնել է Չհարմահալ Բախտիարիի Քիար քաղաքի «Թանգէ Զենդան» կոչւող տարածքի բարձրունքները, որը գտնւում է «Սաբզքուհ» բարձրաբերձ լեռների պահպանւած տարածքում, բայց ցաւօք մէկ օր անց դժբախտ պատահարի զոհ է դառնում:

  • «Քայլ դէպի տուն» ծրագրի մասնակիցները վերադարձան Նոր Ջուղա
    «Քայլ դէպի տուն» ծրագրի մասնակիցները վերադարձան Նոր Ջուղա

    Երկուշաբթի՝ 2019 թւականի օգոստոսի 12-ի կէսօրից յետոյ, ՀՀ Սփիւռքի յանձնակատարի գրասենեակի միջոցով կազմակերպւած «Քայլ դէպի տուն» ծրագրին մասնակցած 17 նորջուղայեցի պատանիները գեղեցիկ տպաւորութիւններով ու յուշերով վերադարձան Նոր Ջուղա։ «Քայլ դէպի տուն»-ը տեղի ունեցաւ յուլիսի 29-ից օգոստոսի 11-ը, Ծաղկաձորում։

  • Նոր Ջուղայի աշակերտական պատւիրակութիւնը փայլեց Հայագիտական համահայկական 9-րդ օլիմպիադայում
    Նոր Ջուղայի աշակերտական պատւիրակութիւնը փայլեց Հայագիտական համահայկական 9-րդ օլիմպիադայում

    ՀՀ կրթութեան եւ գիտութեան նախարարութեան նախաձեռնութեամբ, 2019 թւականի օգոստոսի 5-11-ը, Աղւերանում անցկացւած Հայագիտական համահայկական 9-րդ օլիմպիադայի արդիւնքում, ինչպէս նախորդ օլիմպիադաները, փայլուն յաջողութիւններ արձանագրեց Նոր Ջուղայի աշակերտական վեց հոգանոց պատւիրակութիւնը։

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։