Հա

Համայնք

17/05/2018 - 13:00

Պարսիկ հայրենակիցների ներկայութեամբ Հայոց Ցեղասպանութեան 103-րդ տարելիցին նւիրւած դասախօսական-գեղարւեստական երեկոյ՝ Նոր Ջուղայում

Նոր Ջուղայի Հայ Դատի գրասենեակի նախաձեռնութեամբ եւ Հայոց Ցեղասպանութեան 103-րդ տարելիցի ոգեկոչման յանձնախմբի հովանաւորութեամբ, չորեքշաբթի՝ 2018 թւականի մայիսի 16-ի երեկոյեան, Նոր Ջուղայի Հայ Մ. Մ. «Արարատ» միութեան սրահում, դասախօսական-գեղարւեստական միջոցառում իրականացւեց՝ Հայոց Ցեղասպանութեան 103-րդ տարելիցը ոգեկոչելու համար։

«alikonline.ir» - Նոր Ջուղայի Հայ Դատի գրասենեակի նախաձեռնութեամբ եւ Հայոց Ցեղասպանութեան 103-րդ տարելիցի ոգեկոչման յանձնախմբի հովանաւորութեամբ, չորեքշաբթի՝ 2018 թւականի մայիսի 16-ի երեկոյեան, Նոր Ջուղայի Հայ Մ. Մ. «Արարատ» միութեան սրահում, դասախօսական-գեղարւեստական միջոցառում իրականացւեց՝ Հայոց Ցեղասպանութեան 103-րդ տարելիցը ոգեկոչելու համար։ Տեղեկացնում է Նոր Ջուղայի մեր թղթակիցը:

Ծրագրին ներկայ էին՝ Սպահանի քաղխորհրդի անդամ դոկտ. Շարիաթինիան, պետական պաշտօնատարեր, համալսարանների դասախօսներ, ուսանողներ, արւեստագէտներ եւ այլ հիւրեր։

 Երեկոյի մեկնարկը տրւեց Իրանի Իսլ. Հանրապետութեան օրհներգով։ Դասախօսական ելոյթով հանդէս եկաւ Սպահանի Ազատ համալսարանի դասախօս դոկտ. Շահին, ով անդրադարձ ունենալով Հայոց Ցեղասպանութեան իրողութեանը, վերլուծական ակնարկ ունեցաւ թուրքիայի նախկին եւ ներկայ կառավարութիւնների կողմից որդեգրւած երկակի քաղաքականութիւններին՝ որպէս պարադոքսներ։ Այս ծիրում նշեց սահմանադրականութեանը եւ առաջադիմութեանը ձգտող երիտ-թուրքական կառավարութիւնը, որը ծրագրեց եւ իրագործեց Հայոց Ցեղասպանութիւնը, ինչպէս նաեւ Թուրքիայի ներկայ կառավարութիւնը, որը ժողովրդավար երկիր կոչւելով, ժխտողական քաղաքականութիւն է վարում Հայոց Ցեղասպանութեան կապակցութեամբ եւ անտեսում երկրի փոքրամասնութիւնների՝ ի մսանաւորի հայերի իրաւունքներն ու ազատութիւնները։

Երեկոյի գեղարւեստական կատարումներն իրականացւեցին Թեհրանի «Ակունք» պարախմբի, Ս. Ամենափրկիչ վանքի «Կոմիտաս» երիտասարդական եւ աւագ երգչախմբերի եւ Ն. Ջ. Հայ Մ. Մ. «Աարարտ» միութեան Մշակութային միաւորի «Կռունկ» ասմունքի խմբի անդամների միջոցով։

Ծրագրի հաղորդավարութիւնը կատարեց Մարտունի Խաչիկեանը։

Մանրամասնութիւնները՝ հետագայում։

Յարակից լուրեր

  • Ս. Ծննդեան եւ Աստւածայայտնութեան տօների առթիւ ս. եւ անմահ պատարագ մատուցւեց Նոր Ջուղայի եկեղեցիներում
    Ս. Ծննդեան եւ Աստւածայայտնութեան տօների առթիւ ս. եւ անմահ պատարագ մատուցւեց Նոր Ջուղայի եկեղեցիներում

    Շաբաթ՝ 2019 թւականի յունւարի 5-ի երեկոյեան, Նոր Ջուղայի Ս. Յովհաննու Կարապետ, Ս. Ստեփանոս, Ս. Ներսէս եւ Ս. Աստւածածին եկեղեցիներում, ս. եւ անմահ պատարագ մատուցւեց՝ Ծննդեան եւ Աստւածայայտնութեան տօների նախատօնակի՝ Ճրագալոյցի առիթով։ Ս. Յովհաննու Կարապետ եկեղեցու պատարագը մատուցւեց Սպահանի հայոց թեմի առաջնորդ գերշ. Տ. Սիփան եպս. Քէչէճեանի ձեռամբ։ 

  • 2019 թւականի դիմաւորումը՝ Նոր Ջուղայում
    2019 թւականի դիմաւորումը՝ Նոր Ջուղայում

    Յունւարի 1-ի առաջին պահերին՝ ժամը 00:30-ին, Ս. Ամենափրկիչ վանքի Ս. Յովսէփ Արիմաթացի եկեղեցում, Սպահանի հայոց թեմի առաջնորդ գերշ. Տ. Սիփան եպս. Քէչէճեանի նախագահութեամբ եւ եկեղեցական դասի մասնակցութեամբ, Գոհաբանական աղօթք մատուցւեց՝ 2019 թւականի Ամանորի առթիւ: 

  • Հայաստանի «Տօնացոյց» մշակութային կենտրոնի եւ «Քաշանի տիկնիկների թանգարան»-ի համատեղ ներկայացումը՝ Նոր Ջուղայում
    Հայաստանի «Տօնացոյց» մշակութային կենտրոնի եւ «Քաշանի տիկնիկների թանգարան»-ի համատեղ ներկայացումը՝ Նոր Ջուղայում

    Համագործակցութեամբ Ս. Ամենափրկիչ վանքի «Ս. Ներսէս Շնորհալի» գրադարանի եւ Առաջնորդարանի Հանրային կապի գրասենեակի պատասխանատուների, երեքշաբթի՝ 19 դեկտեմբեր 2018 թւականի երեկոյեան, Նոր Ջուղայի հայոց ազգ. կրթահամալիրի «Ալենուշ Տէրեան» դահլիճում իրականացւեց տիկնիկային թատրոն եւ շւաքախաղ՝ Հայաստանի «Տօնացոյց» մշակութային կենտրոնի եւ «Քաշանի տիկնիկների թանգարան»-ի համագործակցութեամբ։

  • 1988-ի Հայաստանի աւերիչ երկրաշարժի զոհերի յիշատակին հոգեհանգիստ՝ Նոր Ջուղայում
    1988-ի Հայաստանի աւերիչ երկրաշարժի զոհերի յիշատակին հոգեհանգիստ՝ Նոր Ջուղայում

    Սպահանի հայոց թեմի Կրօնական խորհրդի նախաձեռնութեամբ, շաբաթ՝ 2018 թ. դեկտ. 8-ի երեկոյեան, Նոր Ջուղայի Ս. Գէորգ եկեղեցում մատուցւած կիրակնամուտի արարողութեան աւարտին, թեմակալ առաջնորդ գերշ. Տ. Սիփան եպս. Քէչէճեանի նախագահութեամբ ու հոգեւորականաց դասի մասնակցութեամբ, 1988 թ.-ի Հայաստանի աւերիչ երկրաշարժի 30-ամեակի առիթով, հոգեհանգստեան պաշտօն տեղի ունեցաւ՝ սոյն աղէտի զոհերի յիշատակին։

  • Նախաձեռնութեամբ «ՀՈՒՍԿ» հաստատութեան՝ դասախօսական երեկոյ. «Երկրի տնտեսական ներկայ վիճակն ու հեռանկարները»
    Նախաձեռնութեամբ «ՀՈՒՍԿ» հաստատութեան՝ դասախօսական երեկոյ. «Երկրի տնտեսական ներկայ վիճակն ու հեռանկարները»

    Նախաձեռնութեամբ Հայկական Հարցերի Ուսումնասիրութեան Կենտրոն «ՀՈՒՍԿ» հաստատութեան, երէկ, դեկտ. 10-ի երեկոյեան հաստատութեան կենտրոնատեղիում կազմակերպւել էր հերթական դասախօսական երեկոյ, հետեւեալ խորագրով. «Երկրի տնտեսական ներկայ վիճակն ու հեռանկարները»: Դասախօս էր հրաւիրւել «Ալզահրա» համալսարանի տնտեսագիտութեան դասախօս դոկտ. Հոսէյն Ռաղֆարը, որին լսարանին ծանօթացրեց Հայ Դատի գրասենեակի նախագահ Իսիկ Իւնանէսեանը:

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։