Հա

Համայնք

23/05/2018 - 12:30

Ժողովրդական տօնախմբութիւն նւիրւած ՀՀ հիմնադրման 100-ամեակին

Նախաձեռնութեամբ Սպահանի հայոց թեմի ՀՀ հիմնադրման 100-ամեակի Կենտ. յանձնախմբի, վերանկախացման այս պանծալի տօնը նշւեց ժողովրդական տօնախմբութեամբ, երեքշաբթի՝ 2018 թւականի մայիսի 22-ի երեկոյեան, Նոր Ջուղայի Հայ Մ. Մ. «Արարատ» միութեան մարզասրահում։

«alikonline.ir» - Նախաձեռնութեամբ Սպահանի հայոց թեմի ՀՀ հիմնադրման 100-ամեակի Կենտ. յանձնախմբի, վերանկախացման այս պանծալի տօնը նշւեց ժողովրդական տօնախմբութեամբ, երեքշաբթի՝ 2018 թւականի մայիսի 22-ի երեկոյեան, Նոր Ջուղայի Հայ Մ. Մ. «Արարատ» միութեան մարզասրահում։ Տեղեկացնում է Նոր Ջուղայի մեր թղթակիցը:

Ծրագրում հնչեցին Իրանի Իսլ. եւ Հայաստանի Հանրապետութիւնների օրհներգերը, տեղի ունեցաւ դրօշակի արարողութիւն եւ Հանրապետական մաղթանք՝ թեմի առաջնորդ գերշ. Տ. Սիփան եպս. Քէչէճեանի նախագահութեամբ, իսկ ազգային մարմինների, Հայ Դատի յանձնախմբի, միութիւնների ու հայոց դպրոցների մասնակցութեամբ իրականացւեց ամենամեայ շքերթ-տողանցքը։

Երեկոյի դասախօսն էր Պատգամաւորական ժողովի եւ միեւնոյն ժամանակ ՀՀ հիմնադրման 100-ամեակի Կենտ. յանձնախմբի ատենապետ Թաթուլ Օհանեանը, ով իր ելոյթը ծաւալեց՝ անդրադառնալով անկախութեան գաղափարին եւ յանուն անկախութեան հայ ժողովրդի գործողութիւնների տեսակներին։ Ներկաներին իր հայրական պատգամը փոխանցեց թեմակալ առաջնորդ Սրբազան Հայրը։

Գեղարւեստական բաժնում խանդավառ երգերի կատարմամբ հանդէս եկաւ «Արցախի ձայներ» երաժշտական համոյթը։

Յատկանշական է, որ վերոնշեալ յայտագրով տօնախմբութիւն կայացաւ նաեւ Շահինշահրում երկուշաբթի՝ մայիսի 21-ի երեկոյեան, Ն. Ջ. Հայ Մ. Մ. «Արարատ» միութեան Շահինշահրի մասնաճիւղի «Արամ Մանուկեան» սրահում։ Իւրաքանչիւր համայնքի տօնական միջոցառման կազմակերպական գործն ի կատար էր ածւել պատկան ենթայանձնախմբի միջոցով։

Մանրամասնութիւնները՝ հետագայում։

Լուսանկարիչ՝ Գեւիկ եւ Անդրէ Խաչատրեաններ

Յարակից լուրեր

  • Ս. Ծննդեան եւ Աստւածայայտնութեան տօների առթիւ ս. եւ անմահ պատարագ մատուցւեց Նոր Ջուղայի եկեղեցիներում
    Ս. Ծննդեան եւ Աստւածայայտնութեան տօների առթիւ ս. եւ անմահ պատարագ մատուցւեց Նոր Ջուղայի եկեղեցիներում

    Շաբաթ՝ 2019 թւականի յունւարի 5-ի երեկոյեան, Նոր Ջուղայի Ս. Յովհաննու Կարապետ, Ս. Ստեփանոս, Ս. Ներսէս եւ Ս. Աստւածածին եկեղեցիներում, ս. եւ անմահ պատարագ մատուցւեց՝ Ծննդեան եւ Աստւածայայտնութեան տօների նախատօնակի՝ Ճրագալոյցի առիթով։ Ս. Յովհաննու Կարապետ եկեղեցու պատարագը մատուցւեց Սպահանի հայոց թեմի առաջնորդ գերշ. Տ. Սիփան եպս. Քէչէճեանի ձեռամբ։ 

  • 2019 թւականի դիմաւորումը՝ Նոր Ջուղայում
    2019 թւականի դիմաւորումը՝ Նոր Ջուղայում

    Յունւարի 1-ի առաջին պահերին՝ ժամը 00:30-ին, Ս. Ամենափրկիչ վանքի Ս. Յովսէփ Արիմաթացի եկեղեցում, Սպահանի հայոց թեմի առաջնորդ գերշ. Տ. Սիփան եպս. Քէչէճեանի նախագահութեամբ եւ եկեղեցական դասի մասնակցութեամբ, Գոհաբանական աղօթք մատուցւեց՝ 2019 թւականի Ամանորի առթիւ: 

  • ՀՅԴ 128 եւ Հայաստանի Առաջին Հանրապետութեան անկախութեան 100-ամեակներին նւիրւած տօնախմբութիւն` Գամիշլիում
    ՀՅԴ 128 եւ Հայաստանի Առաջին Հանրապետութեան անկախութեան 100-ամեակներին նւիրւած տօնախմբութիւն` Գամիշլիում

    Գամիշլիահայութիւնը աննախընթաց խանդավառութիւն մը ապրեցաւ՝ ներկայ գտնուելով ազգային-ժողովրդական երգերու մեկնաբան Ներսիկ Իսպիրեանի եւ «Տարօն» նուագախուբի համերգին։ Պատերազմի դառնութիւնը ապրած գամիշլիահայութիւնը ոգեւորիչ պահեր ապրեցաւ, հոգեփոխուեցաւ, երբ իւրաքանչիւր երգի հետ թեւածեց դէպի Հայրենիք, պատմական Հայաստան, դէպի Արցախ ու ծափողջոյններով իր երախտագիտութիւնը յայտնեց սիրուած երգիչ Ներսիկ Իսպիրեանին ու անոր ընկերակցող արհեստավարժ նուագախումբին։

  • Հայաստանի «Տօնացոյց» մշակութային կենտրոնի եւ «Քաշանի տիկնիկների թանգարան»-ի համատեղ ներկայացումը՝ Նոր Ջուղայում
    Հայաստանի «Տօնացոյց» մշակութային կենտրոնի եւ «Քաշանի տիկնիկների թանգարան»-ի համատեղ ներկայացումը՝ Նոր Ջուղայում

    Համագործակցութեամբ Ս. Ամենափրկիչ վանքի «Ս. Ներսէս Շնորհալի» գրադարանի եւ Առաջնորդարանի Հանրային կապի գրասենեակի պատասխանատուների, երեքշաբթի՝ 19 դեկտեմբեր 2018 թւականի երեկոյեան, Նոր Ջուղայի հայոց ազգ. կրթահամալիրի «Ալենուշ Տէրեան» դահլիճում իրականացւեց տիկնիկային թատրոն եւ շւաքախաղ՝ Հայաստանի «Տօնացոյց» մշակութային կենտրոնի եւ «Քաշանի տիկնիկների թանգարան»-ի համագործակցութեամբ։

  • 1988-ի Հայաստանի աւերիչ երկրաշարժի զոհերի յիշատակին հոգեհանգիստ՝ Նոր Ջուղայում
    1988-ի Հայաստանի աւերիչ երկրաշարժի զոհերի յիշատակին հոգեհանգիստ՝ Նոր Ջուղայում

    Սպահանի հայոց թեմի Կրօնական խորհրդի նախաձեռնութեամբ, շաբաթ՝ 2018 թ. դեկտ. 8-ի երեկոյեան, Նոր Ջուղայի Ս. Գէորգ եկեղեցում մատուցւած կիրակնամուտի արարողութեան աւարտին, թեմակալ առաջնորդ գերշ. Տ. Սիփան եպս. Քէչէճեանի նախագահութեամբ ու հոգեւորականաց դասի մասնակցութեամբ, 1988 թ.-ի Հայաստանի աւերիչ երկրաշարժի 30-ամեակի առիթով, հոգեհանգստեան պաշտօն տեղի ունեցաւ՝ սոյն աղէտի զոհերի յիշատակին։

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։