Հա

Համայնք

23/05/2018 - 11:00

Սպահանի հայոց թեմի առաջնորդ գերշ. Տ. Սիփան եպս. Քէչէճեանը մատուցւած իր առաջին եպիսկոպոսական ս. պատարագը Նոր Ջուղայում

Կիրակի՝ 2018 թւականի մայիսի 20-ի առաւօտեան, Նոր Ջուղայի Ս. Ստեփանոս եկեղեցում, Սպահանի հայոց թեմի ազգային մարմինների ու Հայ Դատի յանձնախմբի ներկայացուցիչների, ինչպէս նաեւ հոծ բազմութեան ներկայութեամբ, թեմակալ առաջնորդ գերշ. Տ. Սիփան եպս. Քէչէճեանը մատուցեց իր անդրանիկ եպիսկոպոսական ս. պատարագը: 

«alikonline.ir» - Կիրակի՝ 2018 թւականի մայիսի 20-ի առաւօտեան, Նոր Ջուղայի Ս. Ստեփանոս եկեղեցում, Սպահանի հայոց թեմի ազգային մարմինների ու Հայ Դատի յանձնախմբի ներկայացուցիչների, ինչպէս նաեւ հոծ բազմութեան ներկայութեամբ, թեմակալ առաջնորդ գերշ. Տ. Սիփան եպս. Քէչէճեանը մատուցեց իր անդրանիկ եպիսկոպոսական ս. պատարագը: Տեղեկացնում է Նոր Ջուղայի մեր թղթակիցը:

Ս. պատարագին մասնակցում էին նաեւ Շահինշահրի հայ համայնքի հոգեւոր տեսուչ գերպ. Տ. Անանիա ծ. վրդ Գուճանեանը եւ եկեղեցական դասը: Պատարագի երգեցողութիւնը կատարեց Ս. Ամենափրկիչ վանքի «Կոմիտաս» երգչախումբը՝ Արմէն Ամիրխանեանի ղեկավարութեամբ:

Յընթացս ս. եւ անմահ պատարագի առաջնորդ Սրբազան Հայրն փոխանցեց իր քարոզը, ուր նախ փառք ու գոհունակութիւն յայտնեց Աստծուն եւ շնորհակալական խօսք ուղղեց Մեծի Տանն Կիլիկիոյ Կաթողիկոս Ն.Ս.Օ.Տ.Տ. Արամ Ա. Վեհափառ Հայրապետին՝ իր ցուցաբերած հայրական խնամքի, հոգածութեան ու գուրգուրանքի համար:

Շարունակութեան մէջ քարոզիչ հայրը բացատրեց Հոգեգալստեան տօնի մասին եւ նշեց. «Շատ հետաքրքիր է ընտրւած բնաբանը, որն ասում է.- «Երբ Պենտեկոստէի օրը հասաւ, բոլոր հաւատացեալները միասնաբար մէկտեղւած էին»: Այստեղ մեր ուշադրութիւնը գրաւող բառերը աշակերտների ու առաքեալների միասնութիւնն ու մէկտեղումն է, որ ուզում եմ մեր խորհրդածութեան առանցքը դարձնել»: Սրբազան Հայրը մի այլ բաժնում ասաց. «Այստեղ ուզում եմ իւրայատուկ կերպով ընդգծել բոլոր առաքինութիւնների ու շնորհների կարեւորագոյն, գլխաւոր ու աւագ երեքը, որոք են՝ հաւատքը, յոյսն ու սէրը: Ինչո՞ւ: Որովհետեւ սրանք դարձան պատճառն ու հիմքը՝ աշակերտների ու առաքեալների մէկտեղւելու»:

Պատարագի աւարտին հաւատացեալները հաղորդութիւն ստացան, ապա համախմբւեցին եկեղեցու բակում, ուր Սրբազան Հօր եպիսկոպոսական ձեռնադրութեան եւ օծման առթիւ իրականացւեց միջոցառում:

Ծրագրում ձեռնադրութեան մասին բացատրութեամբ եւ յանուն թեմի ազգային մարմինների շնորհաւորանքի խօսքով հանդէս եկաւ Պատգ. Ժողովի ատենապետ Թաթուլ Օհանեանը, որից յետոյ ազգային մարմինների կողմից պատրաստւած նւէրները՝ լանջախաչը, պանակէն եւ առաջնորդական գաւազանը շնորհւեց գերշ. Տ. Սիփան եպս. Քէչէճեանին: Իսկ Նոր Ջուղայի Հայոց Առաքելական Եկեղեցեաց վարչութեան անունից շնորհաւորանքի խօսք ընթերցեց Լիդա Սիմոնեանը:

Գերշ. Տ. Սիփան եպս. Քէչէճեանը եւս իր հերթին հանդէս եկաւ շնորհակալական խօսքերով:

Միջոցառման աւարտին ներկաները մօտենալով Սրբազան Հօրն իրենց ջերմ շնորհաւորանքներն ու մաղթանքները փոխանցեցին նրան:

Յարակից լուրեր

  • Ն.Ս.Օ.Տ.Տ. Արամ Ա Վեհափառ Հայրապետի Հայ մամուլի տարւայ Հայրապետական գիրն ընթերցւեց՝ Նոր Ջուղայի Ս. Յովհաննու եկեղեցում
    Ն.Ս.Օ.Տ.Տ. Արամ Ա Վեհափառ Հայրապետի Հայ մամուլի տարւայ Հայրապետական գիրն ընթերցւեց՝ Նոր Ջուղայի Ս. Յովհաննու եկեղեցում

    Կիրակի՝ 2019 թւականի յունւարի 13-ի առաւօտեան, Ս. Յովհաննէս Կարապետի ծննդեան եւ Նոր Ջուղայի համանուն եկեղեցու անւանակոչութեան տօների առիթով, ս. եւ անմահ պատարագ մատուցւեց Ս. Յովհաննու եկեղեցում՝ նախագահութեամբ Սպահանի հայոց թեմի առաջնորդ գերշ. Տ. Սիփան եպս. Քէչէճեանի։ 

  • Ս. Ծննդեան եւ Աստւածայայտնութեան տօների առթիւ ս. եւ անմահ պատարագ մատուցւեց Նոր Ջուղայի եկեղեցիներում
    Ս. Ծննդեան եւ Աստւածայայտնութեան տօների առթիւ ս. եւ անմահ պատարագ մատուցւեց Նոր Ջուղայի եկեղեցիներում

    Շաբաթ՝ 2019 թւականի յունւարի 5-ի երեկոյեան, Նոր Ջուղայի Ս. Յովհաննու Կարապետ, Ս. Ստեփանոս, Ս. Ներսէս եւ Ս. Աստւածածին եկեղեցիներում, ս. եւ անմահ պատարագ մատուցւեց՝ Ծննդեան եւ Աստւածայայտնութեան տօների նախատօնակի՝ Ճրագալոյցի առիթով։ Ս. Յովհաննու Կարապետ եկեղեցու պատարագը մատուցւեց Սպահանի հայոց թեմի առաջնորդ գերշ. Տ. Սիփան եպս. Քէչէճեանի ձեռամբ։ 

  • 2019 թւականի դիմաւորումը՝ Նոր Ջուղայում
    2019 թւականի դիմաւորումը՝ Նոր Ջուղայում

    Յունւարի 1-ի առաջին պահերին՝ ժամը 00:30-ին, Ս. Ամենափրկիչ վանքի Ս. Յովսէփ Արիմաթացի եկեղեցում, Սպահանի հայոց թեմի առաջնորդ գերշ. Տ. Սիփան եպս. Քէչէճեանի նախագահութեամբ եւ եկեղեցական դասի մասնակցութեամբ, Գոհաբանական աղօթք մատուցւեց՝ 2019 թւականի Ամանորի առթիւ: 

  • Երաշխաւորելով մեր հայրենիքի, ազգի ու սփիւռքի ապագան
    Երաշխաւորելով մեր հայրենիքի, ազգի ու սփիւռքի ապագան

    Մօտ երկու հազարամեակ առաջ, Սիրիայի կառավարիչ՝ Կիւրենիոսի օրերին, մարդահամարի նպատակով Օգոստոս Կայսեր հրապարակած մի հրամանագրի անսալու եւ օրէնքին ենթակայ լինելու համար, Յովսէփ, Դաւիթի ցեղից եւ ազգատոհմից, ուրիշների նման, ինք եւս Գալիլիայի Նազարէթ քաղաքից ելաւ եւ իր անունն արձանագրել տալու համար, գնաց Հրէաստանի Բեթղեհէմ քաղաքը՝ Դաւիթ թագաւորի ծննդավայրը: Նրան ուղեկցում էր իր նշանածը՝ Մարիամը, որը յղի էր:

  • Հայրենիքը մեր անձերի զոհաբերութեամբ է կերտւում, մինչ սփիւռքը՝ մեր անձերի նւիրաբերումով է գոյատեւում
    Հայրենիքը մեր անձերի զոհաբերութեամբ է կերտւում, մինչ սփիւռքը՝ մեր անձերի նւիրաբերումով է գոյատեւում

    Ընտրեալ բնաբանը քաղւել է Մատթէոսի Աւետարանից, ուր, Աւետարանչի վկայութեամբ, Յիսուս Քրիստոսի երկրաւոր առաքելութեան եռամեայ ժամանակաշրջանի սկզբնաւորութեան ընթացքում, երբ Նա շրջում էր Գալիլիոյ նահանգի բոլոր գիւղերն ու քաղաքները, ուսուցանում էր ժողովարաններում եւ ժողովրդին, Աստծու արքայութեան աւետիսն էր տալիս եւ բժշկում էր ժողովրդի բոլոր ախտերն ու հիւանդութիւնները, մի առիթով, տեսնելով ժողովրդի բազմութիւնը, գթաց նրանց եւ Իր աշակերտներին արտայայտւեց աստւածային իղձը հանդիսացող աշխարհի մարդկութեան էական ու հիմնական պահանջքը:

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։