Հա

Համայնք

19/07/2018 - 10:30

Հայաստանից ժամանած ուխտաւոր խմբի այցը Շիրազ. Ս. եւ անմահ պատարագի մատուցում Շիրազի Ս. Աստւածածին եկեղեցում

Երեւանի Ս. Յովհաննէս եկեղեցու ծխատէր քահանայ հայր, արժ. Տ. Տիրայր աւ. քհնյ. Սաիրադեանը, 10 տարի է ինչ ուխտագնացութիւն է կազմակերպում դէպի Իրան՝ ս. Թադէոս վանքի տարեկան եռօրեայ արարողութիւններին մասնակցելու նպատակով, իսկ վերջին հինգ տարիներին, քահանայ հօր գլխաւորած ուխտաւոր խումբը ս. Թադէոս վանքի տօնից օրեր առաջ է ժամանում Իրան՝ երկրի հայ համայնքներ այցելելու եւ պատկան սրբավայրերը մօտիկից տեսնելու համար։

«alikonline.ir» - Երեւանի Ս. Յովհաննէս եկեղեցու ծխատէր քահանայ հայր, արժ. Տ. Տիրայր աւ. քհնյ. Սաիրադեանը, 10 տարի է ինչ ուխտագնացութիւն է կազմակերպում դէպի Իրան՝ ս. Թադէոս վանքի տարեկան եռօրեայ արարողութիւններին մասնակցելու նպատակով, իսկ վերջին հինգ տարիներին, քահանայ հօր գլխաւորած ուխտաւոր խումբը ս. Թադէոս վանքի տօնից օրեր առաջ է ժամանում Իրան՝ երկրի հայ համայնքներ այցելելու եւ պատկան սրբավայրերը մօտիկից տեսնելու համար։ Մինչեւ այսօր խումբը եղել է Ռաշտում, Անզալիում, Նոր Ջուղայում, Սպահանի Փերիոյ գաւառի գիւղերում եւ մի քանի այլ հայաբնակ շրջաններում, իսկ այս տարի՝ Շիրազում։

Իրականացւած ուխտագնացութիւններն առաւել խորհրդաւոր են դարձել յատկապէս արժ. Տ. Տիրայր աւ. քհնյ. Սաիրադեանի ձեռամբ իրանահայ համայնքների եկեղեցիներում մատուցւած Ս. եւ անմահ պատարագի շնորհիւ։

Այս տարի ուխտաւոր խմբին մաս էին կազմել 13 Հայաստանի քաղաքացիներ, ովքեր նախքան Ս. Թադէոս վանք մեկնելը, երկուշաբթի՝ յուլիսի 9-ին, ժամանեցին Շիրազ, որտեղ կատարեցին եռօրեայ շրջագայութիւն՝ այցելելով համայնքի հայկական կենտրոններ եւ քաղաքի տեսարժան վայրեր։ Շիրազ եղած ժամանակահատւածում խումբը հանգրւանեց «Հայ տուն»-ում եւ վայելեց տեղի հայ համայնքի վարչութեան եւ ժողովրդի ջերմ վերաբերմունքը, իսկ երեքշաբթի՝ յուլիսի 10-ի առաւօտեան, քահանայ հօր ձեռամբ Ս. եւ անմահ պատարագ մատուցւեց Շիրազի Ս. Աստւածածին եկեղեցում, որին ներկայ էին՝ ուխտաւորներն ու համայնքի ներկայացուցիչները։

Հոգեպարար արարողութեան կազմակերպման գործում խմբի հետ համագործակցութիւն էր ցուցաբերել Սպահանի հայոց թեմի Կրօնական խորհուրդը։ Խորհրդի կարգադրութեամբ բրշ. սարկաւագներ՝ Ալբերտ Ղազարեանն ու Արա Բաղումեանը մեկնել էին Շիրազ մասնակցելու Ս. պատարգին։

Խումբը հինգշաբթի՝ յուլիսի 12-ին, աւարտելով Շիրազում իր այցելութիւնները մեկնեց դէպի Ատրպատականի հայոց թեմ։

 

Նիւթը կազմեց «Ալիք» օրաթերթի Նոր Ջուղայի թղթակիցը՝ ուխտաւոր խմբի անդամ, իրանահայ Անահիտ Եղիայեանի փոխանցած տեղեկութիւնների համաձայն

Լուսանկարները տրամադրեցին՝ բրշ. սրկ. Ալբերտ Ղազարեանն ու Անահիտ Եղիայեանը

Յարակից լուրեր

  • Փերիա գաւառի «Լուսահանգիստ» սրբավայրում տեղի ունեցաւ ամենամեայ հոգեհանգստեան արարողութիւնը
    Փերիա գաւառի «Լուսահանգիստ» սրբավայրում տեղի ունեցաւ ամենամեայ հոգեհանգստեան արարողութիւնը

    Սպահանի հայոց թեմի Կրօնական խորհրդի նախաձեռնութեամբ, ամենամեայ կարգով Ս. Յարութեան տօնին յաջորդող կիրակի օրը՝ Կրկնազատկին, Փերիա գաւառի Ներքեւի Խոյգան գիւղի մօտակայքում գտնւող «Լուսահանգիստ» կոչւող սրբավայրում կատարւում է հոգեհանգստեան արարողութիւն, իսկ վերջին տարիներին մեծաթիւ ուխտաւորների մասնակցութիւնն ապահովելու նպատակով սոյն կարգը տեղի է ունենում Կրկնազատկին նախորդող ուրբաթ օրը։ «Լուսահանգիստ»-ում է գտնւում 17-րդ դարի սկզբում քրիստոնէական հաւատի ճանապարհին նահատակւած Գրիգոր Արփայեցիի շիրիմը։

  • ՀՀ հիմնադրման 100-ամեակի առիթով ձեռնարկ՝ Շիրազում
    ՀՀ հիմնադրման 100-ամեակի առիթով ձեռնարկ՝ Շիրազում

    Սպահանի հայոց թեմի ՀՀ հիմնադրման 100-ամեակի Կենտ. յանձնախմբի նախաձեռնութեամբ, սոյն յոբելեանական պանծալի առիթով Նոր Ջուղայում իրականացւած ձեռնարկներից մի գողտրիկ փունջը ներկայացւեց շիրազահայութեան ներկայութեամբ, հինգշաբթի՝ 2019 թւականի մարտի 7-ի երեկոյեան, Շիրազի «Հայ տուն»-ի սրահում։ Երեկոյի կազմակերպման գործը վստահւել էր ՀՀ հիմնադրման 100-ամեակի տօնակատարութեան Նոր Ջուղայի ենթայանձնախմբին։ 

  • Իրաքում յարձակման է ենթարկւել իրանցի ուխտաւորների աւտոբուսը
    Իրաքում յարձակման է ենթարկւել իրանցի ուխտաւորների աւտոբուսը

    Իրաքում յարձակման է ենթարկւել իրանցի ուխտաւորներ տեղափոխող աւտոբուսը:

  • Նոր Ջուղայի Հայ Դատի գրասենեակի նախաձեռնութեամբ դասախօսական երեկոյ՝ Շիրազում
    Նոր Ջուղայի Հայ Դատի գրասենեակի նախաձեռնութեամբ դասախօսական երեկոյ՝ Շիրազում

    Ուրբաթ՝ 2018 թւականի ապրիլի 20-ի առաւօտեան, Շիրազի «Հայ տուն»-ում, տեղի հայ համայնքի ներկայութեամբ իրականացւեց դասախօսական ծրագիր, Նոր Ջուղայի Հայ Դատի գրասենեակի նախաձեռնութեամբ։ 

  • Սպահանի հայոց թեմի Կրօնական խորհրդի նախաձեռնութեամբ քահանայ հայրերի վերապատրաստման սեմինար՝ Նոր Ջուղայում
    Սպահանի հայոց թեմի Կրօնական խորհրդի նախաձեռնութեամբ քահանայ հայրերի վերապատրաստման սեմինար՝ Նոր Ջուղայում

    Սպահանի հայոց թեմի Կրօնական խորհրդի նախաձեռնութեամբ քահանայ հայրերի վերապատրսատման նպատակով երկօրեայ սեմինար կազմակերպւեց երեքշաբթի եւ չորեքշաբթի՝ 2018 թւականի փետրւարի 27 եւ 28-ին, Նոր Ջուղայի Հայ Դատի յանձնախմբի կենտրոնատեղիի սրահում։

    Ծրագրին որպէս ունկնդիր հրաւիրւել էին՝ թեմիս եկեղեցական դասը եւ ազգային մարմինների, եկեղեցիների երեցփոխների ու Տիկնանց յանձնախմբերի եւ Նոր Ջուղայի ու Շահինշահրի Կանանց հոգեւոր լսարանների ներկայացուցիչները։

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։