Հա

Համայնք

28/07/2018 - 09:40

Նպաստաւոր պայմաններ են ստեղծւել Սպահանի պետական համալսարանի Հայոց լեզւի եւ գրականութեան ճիւղում ուսումը շարունակել ցանկացող իրանահայ զաւակների համար

Սպահանի հայոց թեմի Պատգամաւորական ժողովի, Թեմական խորհրդի ու Համալսարանական կրթաթօշակների հոգաբարձութեան որոշումների հիման վրայ նպաստաւոր պայմաններ են ստեղծւել Սպահանի Պետական համալսարանի Հայոց լեզւի եւ գրականութեան ճիւղում ուսումը շարունակել ցանկացող իրանահայ զաւակների համար:

«alikonline.ir» - Սպահանի հայոց թեմի Պատգամաւորական ժողովի, Թեմական խորհրդի ու Համալսարանական կրթաթօշակների հոգաբարձութեան որոշումների հիման վրայ նպաստաւոր պայմաններ են ստեղծւել Սպահանի Պետական համալսարանի Հայոց լեզւի եւ գրականութեան ճիւղում ուսումը շարունակել ցանկացող իրանահայ զաւակների համար: Տեղեկացնում է Նոր Ջուղայի մեր թղթակիցը:

Հարկ է նշել, որ Սպահանի Պետական համալսարանի աւելի քան 50 տարի անցեալ ունեցող Հայոց լեզւի եւ գրականութեան ամբիոնի հիմնադրման եւ բարգաւաճման, ինչպէս նաեւ պատկան ֆակուլտետի շէնքի կառուցման գործում իր դերակատարութիւնն ու ներդրումն է ունեցել թեմիս ազգային իշխանութիւնը: Դժբախտաբար վերջին տարիներին ֆակուլտետի աշխատանքների սահուն ընթացքը խանգարել են երկու հանգամանքներ՝ ամբիոնի գիտական խորհրդում դոկտորայի աստիճանով դասախօսների եւ բաւարար թւով ուսանողների պակասը: 

Ամբիոնի պատասխանատուների նախաձեռնութեամբ քայլեր են իրականացւել դասախօսական կազմի համալրման ուղղութեամբ, ըստ որի գերլիսանս ունեցող երկու ուսանողներ (մէկը հայ) ներկայացւել են Երեւանի Պետական համալսարան՝ դոկտորայի մակարդակում ուսանելու. այս հարցին ժամանակաւորապէս լուծում տալու նպատակով՝ թեմիս ազգային իշխանութեան համագործակցութեամբ եւ հովանաւորութեամբ Հայաստանից հրաւիրւել են դասախօսներ:

Հայոց լեզւի եւ գրականութեան ճիւղում ընդունւելու պայմաններին ծանօթանալու համար՝ Թեմական խորհրդի նախաձեռնութեամբ, շաբաթ՝ 2018 թւականի յուլիսի 14-ի երեկոյեան, Ս. Ամենափրկիչ վանքի Ծաղկեայ դահլիճում կայացաւ հանդիպում, ուր ներկայ էին Նոր Ջուղայի եւ Շահինշահրի հայ համայնքներից անդամներ՝ ի մասնաւորի երիտասարդներ: 

Հանդիպումն սկիզբ առաւ Թեմական խորհրդի անդամուհի Սոնիկ Բաղումեանի խօսքով, ով բացատրութեամբ հանդէս եկաւ այս ճիւղն աւարտածների համար Իրանում եւ Հայաստանում առկայ աշխատանքային հնարաւորութիւնների մասին: 

Այնուհետեւ դոկտ. Նորայր Թումանեանը, ով նոյնպէս լինելով Թեմական խորհրդի անդամ, միեւնոյն ժամանակ հանդիսանում է որպէս թեմի Համալսարանական կրթաթօշակների հոգաբարձութեան նախագահ, անդրադառնալով ամբիոնի ներկայ դժւարութիւններին, լուսաբանեց այն նպաստաւոր պայմանները, որոնք ստեղծւել են ազգային իշխանութեան կողմից՝ այս ճիւղում առաւել չափով հայ ուսանողներ ընդգրկւելու համար: 

Ընթացքում հնչած տեղեկութիւնների համաձայն լուսաբանւեց, որ Հայոց լեզու եւ գրականութիւն ճիւղում ուսանել ցանկացողները պէտք է ունենան միջնակարգ դպրոցի դիպլոմ, իսկ արւեստի դպրոց աւարտածները՝ որեւէ ճիւղի գերդիպլոմ: Ընդունւելու համար հարկաւոր է մասնակցել ընդհանուր կոնկուրսի շրջագծում օտար լեզուների բաժնի մուտքի քննութեանը. քննութիւնում չյաջողելու պարագային հաշւի է առնւում մասնակցի հայ լինելը, ինչի շնորհիւ էլ հնարաւորութիւն է ընձեռւում ուսումը շարունակելու համար:

Հայոց լեզւի եւ գրականութեան ճիւղում կրթւելն անվճար է, սակայն Սպահանի հայոց թեմի Թեմական խորհուրդն այս ճիւղի իրանահայ ուսանողներին յատկացնելու է մէկ միլիոն թուման նիւթական օժանդակութիւն՝ իւրաքանչիւր կիսամեակի դիմաց: Բոլորը կարող են օգտւել այս նպաստաւոր հնարաւորութիւնից բացառաբար այն անհատները, ովքեր նախապէս լիսանս են ստացել Իրանի որեւէ պետական համալսարանից:

Օգտաշատ բացատրութիւններ իրազեկելուց յետոյ, հանդիպումն ընթացաւ հարց ու պաստասխանի ձեւով, ուր ներկաներն իրենց յուզող հարցերի պատասխաններն ստացան խորհրդի ներկայացուցիչներից:

Հարկ է նշել, որ լրացուցիչ տեղեկութիւնների համար` կարելի է դիմել Սպահանի հայոց թեմի ազգային առաջնորդարանի Հանրային կապի գրասենեակ:

Յարակից լուրեր

  • Սպահանի հայոց թեմի գործադիր մարմինների միամեայ գործունէութեան վերաբերեալ զեկոյցը՝ թեմի ժողովրդին
    Սպահանի հայոց թեմի գործադիր մարմինների միամեայ գործունէութեան վերաբերեալ զեկոյցը՝ թեմի ժողովրդին

    Սպահանի հայոց թեմի Պատգամաւորական ժողովի Դիւանի նախաձեռնութեամբ, չորեքշաբթի՝ 2018 թւականի ապրիլի 11-ի երեկոյեան ժամը 8։00-ին, Ն. Ջ. Հայ Մ. Մ. «Արարատ» միութեան սրահում տեղի ունեցաւ ժողովրդական հանդիպում, ուր թեմիս Թեմական եւ Կրօնական խորհուրդները զեկոյցով հանդէս եկան իրենց կատարած միամեայ գործունէութեան շուրջ։ 

  • Իրանահայ երեք թեմերի երիտասարդների մասնակցութեամբ՝ «Պատուհան» ճանաչողական ֆորումը կայացաւ Նոր Ջուղայում
    Իրանահայ երեք թեմերի երիտասարդների մասնակցութեամբ՝ «Պատուհան» ճանաչողական ֆորումը կայացաւ Նոր Ջուղայում

    Սպահանի հայոց թեմի Թեմական խորհրդի նախաձեռնութեամբ, ուրբաթ՝ 2018 թւականի ապրիլի 6-ին, Նոր Ջուղայի Հայ Մ. Մ. «Արարատ» միութեան սրահում կայացաւ «Պատուհան» խորագիրը կրող ճանաչողական ֆորումը, որին իրենց մասնակցութիւնն էին բերել 17-ից 35 տարեկան շուրջ 120 երիտասարդներ՝ Թաւրիզից, Ուրմիայից, Թեհրանից, Շահինշահրից եւ Նոր Ջուղայից։

  • Խորհրդակցական հանդիպում՝ Շահինշահրում
    Խորհրդակցական հանդիպում՝ Շահինշահրում

    Կիրակի՝ 2018 թւականի փետրւարի 25-ի երեկոյեան ժամը 6-ին՝ նախաձեռնութեամբ Սպահանի հայոց թեմի Պատգամաւորական ժողովի դիւանի տեղի ունեցաւ խորհրդակցական հանդիպում Շահինշահրի «Սրբոց Վարդանանց» համայնքային կենտրոնում: 

  • Հաղորդագրութիւն
    Հաղորդագրութիւն

    Այսու յայտնում ենք մեր ժողովրդին, որ հայ ժողովրդի անկախութեան եւ Հայաստանի Հանրապետութեան 100-ամեակը արժանավայել կերպով տօնելու համար Սպահանի հայոց թեմի Թեմական խորհուրդը կեանքի է կոչել Կենտրոնական յանձնախումբ, որը իր անդրանիկ նիստում կատարել է աշխատանքի բաժանում ըստ հետեւեալի.

  • Սպահանի հայոց թեմի Թեմական խորհրդի մարդասիրական օգնութիւնն երկրաշարժի տուժածներին
    Սպահանի հայոց թեմի Թեմական խորհրդի մարդասիրական օգնութիւնն երկրաշարժի տուժածներին

    Սպահանի հայոց թեմի Թեմական խորհուրդը Իրանի արեւմտեան շրջաններում տեղի ունեցած աղէտալի երկրաշարժի տուժածներին մարդասիրական օգնութիւն ցուցաբերելու նպատակով, 10 միլիոն թուման արժէքով գոյք է տրամադրել Սպահանի Կարմիր մահիկ ընկերութեանը, որն արդէն ուղարկւել է աղէտի գօտի:

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։