Հա

Համայնք

11/08/2018 - 12:40

Նորջուղայեցի երիտասարդների դէպի Երեւան հեծանւարշաւը՝ ՀՀ հիմնադրման 100-ամեակի եւ Լիսբոնի հինգ մարտիկների նահատակութեան 35-ամեակի առթիւ

Հայաստանի Հանրապետութեան հիմնադրման 100-ամեակի եւ Լիսբոնում զոհւած հինգ անձնազոհ մարտիկների նահատակութեան 35-ամեակի առիթները նորջուղայեցի երիտասարդներ՝ Արմօ Մինասեանի ու Թէոդիկ Շահիջանեանի համար խթան հանդիսացան՝ իրականացնելու իւրօրինակ ծրագիր՝ դէպի Երեւան տանող հեծանւարշաւ, որն իրագործւեց հենց այս երկու ընկերների միջոցով։

«alikonline.ir» - Հայաստանի Հանրապետութեան հիմնադրման 100-ամեակի եւ Լիսբոնում զոհւած հինգ անձնազոհ մարտիկների նահատակութեան 35-ամեակի առիթները նորջուղայեցի երիտասարդներ՝ Արմօ Մինասեանի ու Թէոդիկ Շահիջանեանի համար խթան հանդիսացան՝ իրականացնելու իւրօրինակ ծրագիր՝ դէպի Երեւան տանող հեծանւարշաւ, որն իրագործւեց հենց այս երկու ընկերների միջոցով։ Տեղեկացնում է Նոր Ջուղայի մեր թղթակիցը:

Սիրողական հեծանւորդներն իրենց արշաւն սկսեցին Իրան-Հայաստան սահմանից՝ «Նորդուզ»-ից, 2018 թւականի յուլիսի 25-ին։ Նրանք յաղթահարելով բնութեան ու ճանապարհային անբարենպաստ պայմանները, սահմանից Երեւան տանող 530 կիլոմետրանոց ճանապարհը յաջողեցին հատել՝ չորս օր շարունակ հեծանիւ վարելով։ Տղաներն իրենց հետ կրում էին արշաւի նպատակը բացատրող պաստառներ։

Արմոյի եւ Թէոդիկի այս նախաձեռնութեան վերջին կանգառն էր Երեւանի մետրոյի «Հանրապետութեան հրապարակ» կայարանի վերգետնեայ տարածքը, որտեղ վերջերս տեղադրւեց Հայաստանի Հանրապետութեան հիմնադիր Արամ Մանուկեանի արձանը։ Գիտակից երիտասարդներն իրենց արշաւը եզրափակեցին գաղափարական եւ հայրենասէր այս մարդու յիշատակին յարգանքի տուրք մատուցելով։

Հարկ է նշել, որ Արմօ Մինասեանի եւ իր աւագ եղբօր Ռուբէն Մինասեանի գեղեցիկ մտայղացմամբ թւայնացւել են հին եւ մշակութային արժէք ներկայացնող 35 հայերէն գրքեր. գրքերի թւայնացւած տարբերակը նւիրւելու է Հ.Յ.Դ. պաշտօնաթերթ «Դրօշակ»-ի խմբագրութեանը՝ ՀՀ հիմնադրման 100-ամեակի եւ Լիսբոնեան ակտի 35-ամեակի առիթներով։

Յարակից լուրեր

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։