Հա

Համայնք

01/10/2018 - 08:20

Դպրոցական տարեմուտը՝ Շահինշահրի հայոց ազգ. դպրոցներում

Կիրակի՝ 2018 թւականի սեպտեմբերի 23-ի առաւօտեան, նոր ուսումնական տարեշրջանի առթիւ Շահինշահրի հայոց ազգ. «Սրբոց Վարդանանց» երկսեռ տարրական դպրոցի սրահում համախմբւել էին Շահինշահրի հայ համայնքի հոգեւոր տեսուչ գերպ․ Տ․ Անանիա ծ․ վրդ․ Գուճանեանը, արժն․ Տ․ Սահակ քհնյ․ Մինասեանը, Թեմական ու Կրթական խորհուրդների եւ Շահինշահրի հայ համայնքի վարչութեան ներկայացուցիչները, դպրոցի աշակերտ-ուհիները, տեսչութիւնը, ուսուցչական կազմն ու ծնողները:

«alikonline.ir» - Կիրակի՝ 2018 թւականի սեպտեմբերի 23-ի առաւօտեան, նոր ուսումնական տարեշրջանի առթիւ Շահինշահրի հայոց ազգ. «Սրբոց Վարդանանց» երկսեռ տարրական դպրոցի սրահում համախմբւել էին Շահինշահրի հայ համայնքի հոգեւոր տեսուչ գերպ․ Տ․ Անանիա ծ․ վրդ․ Գուճանեանը, արժն․ Տ․ Սահակ քհնյ․ Մինասեանը, Թեմական ու Կրթական խորհուրդների եւ Շահինշահրի հայ համայնքի վարչութեան ներկայացուցիչները, դպրոցի աշակերտ-ուհիները, տեսչութիւնը, ուսուցչական կազմն ու ծնողները: Տեղեկացնում է Շահինշահրի մեր թղթակիցը:

Սկզբում ելոյթ ունեցաւ գերպ․ Տ․ Անանիա ծ․ վրդ․ Գուճանեանը, ով շնորհակալական խօսքեր ուղղելով Կրթական խորհրդին ու դպրոցի անձնակազմին, փոխանցեց իր բարեմաղթանքներն ու շնորհաւորանքները, ապա յորդորեց ուսման կողքին միմեանց սիրել ու օգնել։ Ապա շնորհաւորանքներով ու բարեմաղթանքներով հանդէս եկաւ Թեմական խորհրդի անդամ դոկտ. Նորայր Թումանեանը, որից յետոյ յանուն Կրթական խորհրդի արտայայտւեց Սաթենիկ Աւետումեանը, ով բարձր գնահատելով հայկական դպրոցներում կրթւելը, քաջալերեց աշակերտներին եւ բարի երթ մաղթեց նրանց ուսման ճանապարհին։

Ընթացքում դպրոցի աշակերտները երգերով ու ասմունքներով ելոյթ ունեցան, իսկ դպրոցի տեսչութեան կողմից գնահատագիր շնորհւեց հանգստի կոչւած հայոց լեզւի ուսուցչուհի Անահիտ Այւազեանին։ Վերջում բոլորը միասնաբար աղօթք բարձրացրին առ Աստւած եւ հնչեց ուսումնական տարեշրջանի առաջին զանգը։

Հայր Սուրբի գլխաւորութեամբ ազգայինների պատւիրակութիւնը ներկայացաւ նաեւ Շահինշահրի հայոց ազգ. «Նարեկ» մանկապարտէզ-նախակրթարան, ուր եւս տեղի ունեցաւ վերամուտի հանդիսութիւն: Ներկաներին ողջունեց դպրոցի տեսչուհի Կարինէ Մինասքանեանը, ով յոյս յայտնեց նոր ուսումնական տարեշրջանը յաջողութիւններով լի տարի է հանդիսանալու։  

Վերջում սաներն արտասանեցին Տէրունական աղօթքը, իսկ Հայր Սուրբը հնչեցրեց դպրոցական առաջին զանգը:

 

Լուսանկարները տրամադրեցին Սեւադա Իսաղուլեանն ու Միրօ Յովհաննիսեանը

Յարակից լուրեր

  • Հաղորդագրութիւն
    Հաղորդագրութիւն

    Այսու տեղեկացնում ենք, որ Սպահանի հայոց թեմի 16-րդ նստաշրջանի Պատգամաւորական ժողովի արտահերթ նիստում, գումարեալ 2019 թ. յուլիսի 3-ին, Շահինշահրի հայոց ազգ. «Սրբոց Վարդանանց» երկսեռ տարրական դպրոցի մասին օրակարգի կէտի ներքոյ, ժողովը քննութեան ենթարկեց նշեալ դպրոցի ընդհանուր իրավիճակը, որն համայնքի աշակերտների թւի տարեցտարի նւազելու հետեւանքով մանկավարժական եւ ուսումնադաստիարակչական ծրագրերը լաւապէս իրականացնելու ուղղութեամբ բազմաթիւ խնդիրներ է դիմագրաւում։

  • Դպրոցական նախաձեռնութիւններ եւ Ամանորեայ միջոցառումներ՝ Շահինշահրի հայոց ազգ. «Նարեկ» մանկապարտէզ-նախակրթարանում
    Դպրոցական նախաձեռնութիւններ եւ Ամանորեայ միջոցառումներ՝ Շահինշահրի հայոց ազգ. «Նարեկ» մանկապարտէզ-նախակրթարանում

    2018 թւականի նոյեմբերի 29-ին, Շահինշահրի հայոց ազգ․ «Նարեկ» մանկապարտէզ-նախակրթարանում տիրում էր խանդավառ մթնոլորտ։ Դպրոցի տեսչութիւնը եւ ծնողական խորհրդի անդամուհիներ՝ Ժաննա Շահբազեանն ու Արսինէ Ոսկանեանը սաների համար իրականացրեցին «Համառ բադիկ» խորագրով տիկնիկային ներկայացումը՝ անմոռանալի պահեր պարգեւելով փոքրիկներին։

  • Ամանորի նախատօնակ՝ Շահինշահրի դպրոցում
    Ամանորի նախատօնակ՝ Շահինշահրի դպրոցում

    Կիրակի՝ 2018 թւականի դեկտեմբերի 30-ի առաւօտեան Շահինշահրի հայոց ազգ․ «Սրբոց Վարդանանց» երկսեռ տարրական դպրոցի տեսչութեան, ուսուցչական կազմի եւ Ծնողական խորհրդի նախաձեռնութեամբ, Ամանորի եւ Ս. Ծննդեան տօների առթիւ, կազմակերպւել էր ուրախ ժամանց, ուր ներկայ էին՝ արժն․ Տ․ Սահակ քհնյ․ Մինասեանը, Շահինշահրի հայ համայնքի վարչութեան ներկայացուցիչներն ու դպրոցների աշակերտ-ուհիները։ 

  • Դպրոցական տարեմուտի առաջին զանգը՝ Զէյթուն քաղաքամասում
    Դպրոցական տարեմուտի առաջին զանգը՝ Զէյթուն քաղաքամասում

    Երէկ՝ սեպտեմբերի 23-ին համայն Իրանում հնչեց դպրոցական առաջին զանգը եւ միլիոնաւոր աշակերտներ, այդ թւում իրանահայ աշակերտ-աշակերտուհիներ յաճախեցին դպրոց եւ կրթօջախներ: Թեհրանի հայոց թեմում 2000 աշակերտ-աշակերտուհիներ մանկապարտէզից մինչեւ միջնակարգ սկսեցին վերամուտը:

  • Ողջոյնի խօսք տարրական դպրոցների աշակերտութեան
    Ողջոյնի խօսք տարրական դպրոցների աշակերտութեան

    Սիրելի աշակերտ-աշակերտուհիներ,

    Քրիստոնէական ու հայրական ջերմ սիրով ողջունում եմ ձեզ բոլորիդ, բարի գալուստ եմ մաղթում ձեզ ձեր դպրոցում, շնորհաւորում ու յաջողութիւն մաղթում բոլորիդ։

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։