Հա

Համայնք

02/03/2019 - 09:20

ՀՀ վարչապետ Նիկոլ Փաշինեանի այցելութիւնը Ս. Ամենափրկիչ վանք

Հայաստանի Հանրապետութեան վարչապետ Նիկոլ Փաշինեանը Իրանի Իսլ. Հանրապետութիւն կատարած իր պաշտօնական այցի շրջագծում, իր տիկնոջ Աննա Յակոբեանի եւ իրեն ուղեկցող բարձրաստիճան պաշտօնատարներից կազմւած պատւիրակութեան ընկերակցութեամբ, հինգշաբթի՝ փետրւարի 28-ի առաւօտեան, ժամանեց Սպահան։ ՀՀ վարչապետը նոյն օրը կէսօրից յետոյ ժամը 4։00-ին այցելեց Նոր Ջուղայի առաջնորդանիստ Ս. Ամենափրկիչ վանք։

«alikonline.ir» - Հայաստանի Հանրապետութեան վարչապետ Նիկոլ Փաշինեանը Իրանի Իսլ. Հանրապետութիւն կատարած իր պաշտօնական այցի շրջագծում, իր տիկնոջ Աննա Յակոբեանի եւ իրեն ուղեկցող բարձրաստիճան պաշտօնատարներից կազմւած պատւիրակութեան ընկերակցութեամբ, հինգշաբթի՝ փետրւարի 28-ի առաւօտեան, ժամանեց Սպահան։ ՀՀ վարչապետը նոյն օրը կէսօրից յետոյ ժամը 4։00-ին այցելեց Նոր Ջուղայի առաջնորդանիստ Ս. Ամենափրկիչ վանք։ Տեղեկացնում է Նոր Ջուղայի մեր թղթակիցը:

Վանքի մուտքի մօտ Նիկոլ Փաշինեանին, իր տիկնոջն ու միւս հիւրերին դիմաւորեցին՝ Սպահանի հայոց թեմի առաջնորդ գերշ. Տ. Սիփան եպս. Քէչէճեանը, Իսլ. խորհրդարանում Սպահանի եւ հարաւային իրանահայութեան պատգամաւոր Ժորժիկ Աբրահամեանը եւ թեմի ազգային մարմինների ու շրջանի Հայ Դատի յանձնախմբի ներկայացուցիչները։

Նիկոլ Փաշինեանն ու Աննա Յակոբեանը աւանդական աղ ու հացով դիմաւորւելուց յետոյ, ներկայ գտնւեցին վանքի շրջափակում վեր խոյացած Հայոց Ցեղասպանութեան յուշարձանի մօտ, ուր ծաղիկներ զետեղելով իրենց յարգանքի տուրքը մատուցեցին բիւրաւոր սուրբ նահատակների յիշատակին։ Նրանք այցելեցին նաեւ վանքի «Ս. Յովսէփ Արեմաթացի» եկեղեցի եւ թանգարան, որտեղ առաւել ծանօթացան Նոր Ջուղայի հինաւուրց հայ համայնքի հոգեւոր եւ պատմա-մշակութային արժէքներին։

Շրջայցի աւարտին պրն. Փաշինեանը գրառում կատարեց թանգարանի պատւաւոր հիւրերի յուշամատեանում, որից յետոյ մեկնեց Ն. Ջ. Հայ Մ. Մ. «Արարատ» միութիւն, ուր ժողովրդական հանդիպմամբ եզրափակւեց ՀՀ վարչապետի Իրան կատարած այցելութիւնը։

Յարակից լուրեր

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։