Հա

Համայնք

23/06/2019 - 12:10

1975-ին Սպահանում կառուցւած Հայոց Ցեղասպանութեան յուշարձանն անհանգստացրել է թուրք լրագրողին

Իրանի հայաշատ Սպահան քաղաքի Նոր Ջուղա թաղամասում է գտնւում Հայ Առաքելական Սուրբ Ամենափրկիչ եկեղեցին, որը յայտնի է նաեւ պարզապէս Վանք անունով։ Այն կառուցւել է 1655 թւականին՝ Շահ Աբբաս 2-րդ Սեֆիի օրօք։

«alikonline.ir» - Իրանի հայաշատ Սպահան քաղաքի Նոր Ջուղա թաղամասում է գտնւում Հայ Առաքելական Սուրբ Ամենափրկիչ եկեղեցին, որը յայտնի է նաեւ պարզապէս Վանք անունով։ Այն կառուցւել է 1655 թւականին՝ Շահ Աբբաս 2-րդ Սեֆիի օրօք։

Վանք այցելած թուրք լրագրող Էրեն Ֆըրաթը թուրքական «Aydınlık» թերթում հրատարակած իր յօդւածում երկար պատմում է Սպահանում հայերի դարաւոր ներկայութեան, հայկական եկեղեցու հիմնման պատմութեան, ճարտարապետական մոտիւների ու առանձնայատկութիւնների մասին։ Տեղեկացնում է «Ermenihaber.am»-ը:

«Շահ Աբբասի ժամանակաշրջանում Արաքսի յարակից տարածքներից մեծ թւով քրիստոնեայ հայեր տեղափոխւեցին Սպահան։ Նրանք այստեղ մի եկեղեցի են կառուցել, որն արտաքին տեսքով մզկիթի է նման։ Հայերը առեւտրով են զբաղւել, հիմնականում մետաքսի առեւտրով։ Այն ժամանակ Վիեննայում Իրանի դեսպանը հայ էր, ինչի շնորհիւ Վանքի որմնանկարների մեծ մասը հեղինակել են իտալացի վարպետները։ Հետեւաբար դրանցում իտալական մոտիւներ էլ են օգտագործւել»,- գրում է յօդւածի հեղինակը։

Վերջինս այնքան տպաւորւած է Սուրբ Ամենափրկիչ եկեղեցու շքեղութեամբ, որ մէկ առ մէկ անդրադառնում է որմնանկարների ու քանդակների բովանդակութեանը, դրանց ոճին, պատմութեանը, առանձնայատկութիւններին։

Բայց եկեղեցու բակում կայ մի յուշակոթող, որը «անհանգստացրել» է թուրք զբօսաշրջիկներին։ Խօսքը 1975 թ․ կառուցւած Հայոց Ցեղասպանութեան յուշարձանի մասին է։ Յուշարձանը ներառում է Թուրքիայի քարտէզը, որի վրայ ցուցադրւած են Հայոց Ցեղասպանութեան օջախները: Կայ նաեւ փորագրութիւն. «Պահանջում ենք, ճանաչել Օսմանեան Թուրքիայում հայերի դէմ իրականացւած անհերքելի Ցեղասպանութիւնը եւ պատասխանատւութիւն ստանձնել»:

Թուրք լրագրողը դժգոհութիւն է յայտնում այս կապակցութեամբ՝ գրելով. «Այս կերպ նրանք պախարակում են Օսմանեան կայսրութիւնը։ Աւելի քան երեք միլիոն բնակչութիւն ունեցող Սպահանը Իրանի ամենահայաշատ քաղաքն է, իսկ Վանքը միեւնոյն ժամանակ հակաթուրքական թանգարան է»:

Յօդւածի հեղինակը կոչ է անում ակնարկ յղել «եղբայրական Իրանին» այն մասին, որ նման կառոյցն աննպատակայարմար է:




 

Յարակից լուրեր

  • Սուրբ եւ անմահ պատարագ Աստւածամօր ծննդեան տօնի առթիւ՝ Նոր Ջուղայում
    Սուրբ եւ անմահ պատարագ Աստւածամօր ծննդեան տօնի առթիւ՝ Նոր Ջուղայում

    Կիրակի՝ 2019 թւականի սեպտեմբերի 8-ի առաւօտեան, Ս. Աստւածածնի ծննդեան տօնի առթիւ, նախագահութեամբ Սպահանի հայոց թեմի առաջնորդ գերշ. Տ. Սիփան եպս. Քէչէճեանի եւ ձեռամբ հիւրաբար Թեհրանից Նոր Ջուղա ժամանած արժ. Տ. Վրթանէս քհնյ. Բաբախանեանի, սուրբ եւ անմահ պատարագ մատուցւեց Նոր Ջուղայի Ս. Աստւածածին եկեղեցում։

  • Գնահատւեց Հայագիտական համահայկական 9-րդ օլիմպիադային մասնակցած Նոր Ջուղայի պատւիրակութիւնը
    Գնահատւեց Հայագիտական համահայկական 9-րդ օլիմպիադային մասնակցած Նոր Ջուղայի պատւիրակութիւնը

    Նախաձեռնութեամբ Սպահանի հայոց թեմի Թեմական եւ Կրթական խորհուրդների, երեքշաբթի՝ 2019 թւականի սեպտեմբերի 3-ին, Ս. Ամենափրկիչ վանքի Ծաղկեայ դահլիճում, գնահատւեցին Հայաստանում կայացած Հայագիտական համահայկական 9-րդ օլիմպիադային մասնակից Նոր Ջուղայի հայոց ազգ. «Քանանեան-Կատարինեան» միջնակարգ դպրոցի վեց աշակերտ-ուհիներն ու պատկան ուսուցչական կազմը:

  • Իրանահայ երիտասարդ լեռնագնացը դժբախտ պատահարի զոհ դարձաւ
    Իրանահայ երիտասարդ լեռնագնացը դժբախտ պատահարի զոհ դարձաւ

    Օգոստոսի 20-ին Նոր Ջուղայից երիտասարդ լեռնագնաց Էդմոնդ Թահմազեանը 12 հոգանոց խմբով մեկնել է Չհարմահալ Բախտիարիի Քիար քաղաքի «Թանգէ Զենդան» կոչւող տարածքի բարձրունքները, որը գտնւում է «Սաբզքուհ» բարձրաբերձ լեռների պահպանւած տարածքում, բայց ցաւօք մէկ օր անց դժբախտ պատահարի զոհ է դառնում:

  • Հայերի բնաջնջման մասին առաջին որոշումը կայացւել է 1914 թ․ դեկտեմբերի 1-ին
    Հայերի բնաջնջման մասին առաջին որոշումը կայացւել է 1914 թ․ դեկտեմբերի 1-ին

    Անւանի թուրք ցեղասպանագէտ Թաներ Աքչամն ընդդիմադիր «T24» լրատւամիջոցում հրապարակած իր յօդւածում անդրադարձել է Թուրքիայի արխիւներում պահւող մի փաստաթղթի, որը հայերի մասսայական ոչնչացման վերաբերեալ մինչ օրս յայտնի ամենահին օսմանեան փաստաթուղթն է։

  • «Քայլ դէպի տուն» ծրագրի մասնակիցները վերադարձան Նոր Ջուղա
    «Քայլ դէպի տուն» ծրագրի մասնակիցները վերադարձան Նոր Ջուղա

    Երկուշաբթի՝ 2019 թւականի օգոստոսի 12-ի կէսօրից յետոյ, ՀՀ Սփիւռքի յանձնակատարի գրասենեակի միջոցով կազմակերպւած «Քայլ դէպի տուն» ծրագրին մասնակցած 17 նորջուղայեցի պատանիները գեղեցիկ տպաւորութիւններով ու յուշերով վերադարձան Նոր Ջուղա։ «Քայլ դէպի տուն»-ը տեղի ունեցաւ յուլիսի 29-ից օգոստոսի 11-ը, Ծաղկաձորում։

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։