Հա

Համայնք

24/09/2016 - 10:30

Խօսք՝ աշակերտութեան

Սիրելի աշակերտ-աշակերտուհիներ,
Վերամուտ է կրկին:
Ամէն տեղ ուրախութիւն ու հրճւանք եւ մի քիչ էլ լաց ու կոծ, ճիչ ու անմեղ կանչ, յատկապէս մանկապարտէզներում, որտեղ շատերը նոր դպրոց են մտնում։
Գեղեցիկ տեսարան է, եւ սա գրեթէ ամենուրեք է, աշխարհի չորս կողմերում:

2016-2017 դպրոցական տարեշրջանի առիթով


Սիրելի աշակերտ-աշակերտուհիներ,
Վերամուտ է կրկին:
Ամէն տեղ ուրախութիւն ու հրճւանք եւ մի քիչ էլ լաց ու կոծ, ճիչ ու անմեղ կանչ, յատկապէս մանկապարտէզներում, որտեղ շատերը նոր դպրոց են մտնում։
Գեղեցիկ տեսարան է, եւ սա գրեթէ ամենուրեք է, աշխարհի չորս կողմերում: Միւս կողմից տարրականի ու միջնակարգերի աշակերտ-աշակերտուհիները սիրոյ ու կարօտի զգացումներով դպրոց են մտնում, նոյնքան կարօտով ողջունում են միմեանց եւ իրենց ուսուցիչներին պարզելով մի գեղեցիկ տեսարան: Երեւի գտնւեն ոմանք էլ, որ ամառւայ արձակուրդից յետոյ, որոշ դժգոհութեամբ կամ չկամութեամբ են առաջին օրը դպրոց գալիս:
Վերամուտը ամէն պարագայում շատ հաճելի պահեր ու տրամադրութիւն է ստեղծում բոլորի մօտ։ Արդարեւ քրիստոնէական սիրոյ ջերմ զգացումներով ողջունում եմ ձեզ սիրելի աշակերտ-աշակերտուհիներ, տեսուչներ, փոխտեսուչներ, ուսուցիչներ եւ ծնողներ, որ այս պահին երջանիկ եւ վառ ապագայի անմեռ յոյսով կանգնած դիտում էք ձեր զաւակներին, թերեւս վերյիշելով ու վերապրելով ձեր վերամուտները։
Գեղեցիկ զուգադիպութեամբ այս տարեշրջանը 2016-2017-ն համընկնում է Ս. Գէորգ զօրավարի տօնին, մի Սուրբ, որ ողջ քրիստոնէական աշխարհում, ամենաժողովրդական սրբերից է եւ որի անունով հազարաւոր եկեղեցիներ են կառուցւել պատմութեան ընթացքում:
Ձեր դպրոցական առաջին օրը ս. պատարագ եմ մատուցելու Ս. Գէորգ եկեղեցում եւ յատուկ կերպով աղօթելու եմ ձեզ համար, որպէսզի ձեր 2016-2017 դպրոցական տարեշրջանը լինի յաջողութեամբ եւ Աստծու օրհնութեամբ օծուն, որպէսզի փորձանքներից հեռու մնաք, որպէսզի լինէք աշխատասէր, կարգապահ եւ ձեր տեսչութեան, ուսուցիչների եւ ընդհանրապէս մեծերի հանդէպ յարգալից ու հնազանդ։
Ս. պատարագի ընթացքում աղօթելու եմ, որ ձեր բոլոր դասերում լինէք աշխատասէր, մանաւանդ ձեր հայերէն լեզւի, կրօնի, պատմութեան դասերում լինէք գերազանցապէս օրինակելի: Մի մոռացէք, որ հայոց լեզուն մեր պաշտպանութեան վահանն է, մեզ իրարու կապող ու միացնող ոսկեայ օղակն է. իսկ քրիստոնէական մեր հաւատը մեզ զօրացնող, ամրացնող, այն ուժն է, որով կը կարողանանք յաղթահարել ամէն տեսակ նեղութիւնների եւ վերջապէս մեր պատմութիւնը մեր հայրենիքի, մեր ժողովրդի կեանքն է:
Այս բոլորը մեզ սովորեցնում է հայ դպրոցը, որ միջնաբերդն է մեր գոյութեան եւ հարազատ տունը հայի, որի առաջին ուսուցչապետը եղաւ եւ կը մնայ Ս. Մեսրոպ Մաշտոցը՝ յօրինողը հայոց գրերի։ Վառ ու կենդանի պահելու ենք մեր դպրոցները, որպէս երաշխիք մեր ժողովրդի յաւերժութեան:
Վերամուտի առիթով շնորհաւորում եմ ձեզ սիրելիներ եւ ցանկանում եմ բոլորիդ ամենից լաւն ու կատարեալը: Մի մոռացէք, որ զաւակներն էք մի ժողովրդի, որ ունեցել է եւ ունի փառաւոր պատմութիւն, մշակոյթ եւ նաեւ Ազատ ու Անկախ Հայրենիք եւ Արցախ, որոնք տօնում են իրենց Անկախութեան 25-ամեակը: Եւ վերջապէս իմացէք, որ դուք քաղաքացիներն էք մի հզօր պետութեան՝ Իրանի Իսլամական Հանրապետութեան, որ այսօր միջազգային ընտանիքում իր ինքնուրոյն տեղն ու դերն ունի:
Բարի վերամուտ եւ աստւածային օրհնութիւն ու յաջողութիւն բոլորիդ:

Աղօթարար՝
ՍԵՊՈՒՀ ԱՐՔ. ՍԱՐԳՍԵԱՆ
առաջնորդ Թեհրանի հայոց թեմի
24 սեպտեմբերի, 2016 Թեհրան

Յարակից լուրեր

  • Ողջոյն քառասնամեայ յեղափոխութեան
    Ողջոյն քառասնամեայ յեղափոխութեան

    Մարդկային կեանքը յատկանշող եւ միաժամանակ բնորոշող երեւոյթներից մին շարժումն է, յարատեւ շարժը, որ յառաջ է բերում կեանքի փոփոխութիւն, նոր մտածելակերպի ձեւաւորում եւ կեանքի նոր ապրելակերպ ու գործելաոճ. ընկերային թէ քաղաքական, մշակութային թէ հոգեւոր ասպարէզներում յաջողութիւն, ժողովուրդները նոր հեռանկարով ու յոյսով պարուրող շարժումը դառնում է իրական ու իրաւական կեանք ունեցող երեւոյթ երբ իր մեկնակէտն ու վախճանակէտը ժողովուրդն է, հարազատ ժողովուրդը իր անցեալով, ներկայով ու ապագայով։ 

  • Առաջնորդ Սրբազանը մասնակցում է Միջին Արեւելքի եկեղեցիների խորհրդի Գործադիր վարչութեան ժողովին, 21-24 յունւար 2019 Աթշանէ ասորիների պատրիարքարանում
    Առաջնորդ Սրբազանը մասնակցում է Միջին Արեւելքի եկեղեցիների խորհրդի Գործադիր վարչութեան ժողովին, 21-24 յունւար 2019 Աթշանէ ասորիների պատրիարքարանում

    Ինչպէս նախօրօք յայտնած էինք թեմիս առաջնորդ գերշ. Տ. Սեպուհ Ս. արք. Սարգսեան յունւարի 21-24 2019-ին Լիբանանում մասնակցեց Միջին Արեւելքի եկեղեցիների խորհրդի Գործադիր վարչութեան տարեկան ժողովին, որը գումարւեց Ասորի Ուղղափառ եկեղեցու պատրիարքարանում Աթշանէ հիւրընկալութեամբ Ասորի եկեղեցու հոգեւոր պետ նորին սրբութիւն Մար Աֆրամ Բ. Պատրիարքի։

  • Իրանում ՀՀ դեսպանութեան նախաձեռնութեամբ նշւեց ՀՀ Բանակի 27-ամեակը
    Իրանում ՀՀ դեսպանութեան նախաձեռնութեամբ նշւեց ՀՀ Բանակի 27-ամեակը

    Հայաստանի Հանրապետութեան Բանակի օրը՝ յունւարի 28-ը նշւում է ոչ միայն Հայաստանում, այլեւ իւրաքանչիւր երկրում, ուր ՀՀ-ն ունի դեսպանատուն եւ պաշտօնական ներկայացուցչութիւն:

    Իրանում ՀՀ դեսպանութեան նախաձեռնութեամբ, երէկ յունւարի 28-ի երեկոյեան «Արարատ» մարզաւանի «Վաչիկ Ղարաբէգեան» սրահում կազմակերպւել էր իւրայատուկ միջոցառում նւիրւած ՀՀ Բանակի կազմաւորման 27-ամեակին:

  • Մշակոյթի նախարարութեան մշակութային հարցերի տեղակալի այցն ազգային առաջնորդարան
    Մշակոյթի նախարարութեան մշակութային հարցերի տեղակալի այցն ազգային առաջնորդարան

    Կիրակի, յունւարի 27-ին, Նոր տարւայ եւ Ս. Ծննդեան տօների առիթով Իրանի Իսլամական լուսաւորութեան եւ մշակոյթի նախարարութեան մշակութային հարցերի տեղակալը՝ պրն. Մոհսէն Ջաւադին եւ նրա գլխաւորած պատւիրակութիւնը, այցելեցին Ազգային առաջնորդարան, ուր հանդիպեցին Թեհրանի հայոց թեմի առաջնորդ գերշ. Տ. Սեպուհ Ս. արք. Սարգսեանի հետ:

  • Այցելութիւն ազգային առաջնորդարան
    Այցելութիւն ազգային առաջնորդարան

    Կիրակի 27 յունւարին, գաղութիս ազգային գործիչ եւ գործարար՝ պրն. Յովսէփ Ղուկասեանը, Էսթոնիայի Հանրապետութեան պատւոյ հիւպատոս՝ պրն. Արմէն Մութաֆեանը եւ իր եղբայր՝ պրն. Ալբերտ Մութաֆեանը քաղաքավարական այցելութիւն տւին թեմիս առաջնորդ՝ գերշ. Տ. Սեպուհ Ս. արք. Սարգսեանին:

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։