Հա

Համայնք

07/11/2016 - 10:10

Կիրակնամուտի արարողութիւն Շահինշահրում՝ Սպահանի հայոց թեմի նորանշանակ կաթողիկոսական փոխանորդի ներկայութեամբ

Շաբաթ, հոկտեմբերի 22-ի երեկոյեան ժամը 5:00-ին, Շահինշահրի Սրբոց Վարդանանց եկեղեցու սրահում համայնքի հաւատացեալ ժողովուրդը մասնակցել էր կիրակնամուտի արարողութեանը՝ դիմաւորելու եւ պատգամը լսելու Սպահանի հայոց թեմի նորանշանակ կաթողիկոսական փոխանորդ՝ Տ. Սիփան ծ. վրդ. Քէչէճեանի:

Շաբաթ, հոկտեմբերի 22-ի երեկոյեան ժամը 5:00-ին, Շահինշահրի Սրբոց Վարդանանց եկեղեցու սրահում համայնքի հաւատացեալ ժողովուրդը մասնակցել էր կիրակնամուտի արարողութեանը՝ դիմաւորելու եւ պատգամը լսելու Սպահանի հայոց թեմի նորանշանակ կաթողիկոսական փոխանորդ՝ Տ. Սիփան ծ. վրդ. Քէչէճեանի:
Հայր Սուրբին ուղեկցել էին թեմիս Կրօնական եւ Թեմական խորհուրդների ատենապետները:
161107c04aՕրւայ ժամերգութեանը ներկայ էին համայնքիս հոգեւոր տեսուչ Տ. Անանիա ծ. վրդ. Գուճանեանը, Տ. Սահակ քհնյ. Մինասեանը, դպրաց դասը, Հայ համայնքի վարչութիւնը, ուսուցչական կազմերի, ծնողական խորհուրդների, միութիւնների ներկայայացուցիչները եւ անդամները:
Կիրակնամուտի արարողութիւնից յետոյ, Տ. Անանիա ծ. վրդ. Գուճանեանը գեղեցկօրէն ներկայացնելով նորանշանակ Հայր Սուրբին՝ խօսքը փոխանցեց նրան, ով իր ողջոյնի խօսքն ուղղելով բոլոր ներկաներին՝ իր խորին գոհունակութիւնը յայտնեց այս հանդիպման կապակցութեամբ: Իր խօսքում Հայր Սուրբն արտայայտեց իր վառ տպաւորութիւնը Շահինշահր քաղաքի եւ ապա համայնքի անդամներին առաջին անգամ այցելելու մասին: Նա բարձր գնահատելով թեմիս ազգայինների եւ պատասխանատուների նւիրւած գործունէութիւնը, յոյս յայտնեց, որ այսուհետեւ եւս, ինչպէս միշտ թեմն իր բոլոր կառոյցներով եւ ենթամարմիններով քայլելու է դէպի բարգաւաճում ու զարգացում:161107c04b
Հայր Սուրբն իր դրւատանքի խօսքն ուղղեց բոլոր ներկաներին եւ մասնաւորաբար դպրաց դասին ու «Նարեկ» երգչախմբին, որոնց գեղգեղուն շարականների ներքոյ բարձրանում է հաւատացեալների խունկն ու աղօթքն՝ առ Աստւած:
Հայր Սուրբն իր սրտի խօսքն եզրափակեց՝ աղօթելով ու օրհնելով համայնքի անդամներին, յոյս յայտնելով, որ անտարակոյս պէտք է կազմակերպւեն յաճախակի հանդիպումներ՝ համայնքիս վարչական պատասխանատուների եւ անդամների հետ:
Յատկանշելի է օրւայ առիթով պատշաճ հիւրասիրութիւն էր կազմակերպւել Շահինշահրի Հայ համայնքի վարչութեան նախաձեռնութեամբ եւ Հայ կանանց եկեղեցասիրաց միութեան համագործակցութեամբ, որի ընթացքում առիթ ընձեռւեց համայնքի բոլոր անդամներին անխտիր, անհատական ողջունել եւ բարի գալուստ մաղթել Հայր Սուրբին:

Շահինշահրի Հայ համայնքի վարչութեան թղթակից՝

Վ. ՅԱՐՈՒԹԻՒՆԵԱՆ

Յարակից լուրեր

  • Ուսումնական նոր տարեշրջանը բուռն աշխատանքով է ընթանում Շահինշահրի հայոց ազգ. «Նարեկ» մանկապարտէզ-նախակրթարանում
    Ուսումնական նոր տարեշրջանը բուռն աշխատանքով է ընթանում Շահինշահրի հայոց ազգ. «Նարեկ» մանկապարտէզ-նախակրթարանում

    Ընդամէնը ամիս ու կէս է անցել 2018-2019 թ.թ. ուսումնական տարեշրջանի մեկնարկից, սակայն Շահինշահրի հայոց ազգ. «Նարեկ» մանկապարտէզ-նախակրթարանի պատասխանատուներին յաջողւել է բուռն աշխատանք իրագործել, թէ դպրոցի ընթացիկ ծրագրերի եւ թէ զանազան միջոցառումների կազմակերպման ուղղութեամբ, որոնցով կարողացել են հաճելի, խանդավառ եւ նորանոր փորձառութիւններով ու գիտելիքներով ողողւած մթնոլորտ ստեղծել սաների համար։

  • Սրբոց Թարգմանչաց տօնին եւ Հայ Մշակոյթին նւիրւած ձեռնարկ՝ Շահինշահրում
    Սրբոց Թարգմանչաց տօնին եւ Հայ Մշակոյթին նւիրւած ձեռնարկ՝ Շահինշահրում

    Ն․ Ջ․ Հայ Մ․ Մ․ «Արարատ» միութեան Շահինշահրի մասնաճիւղի Մշակութային միաւորի նախաձեռնութեամբ եւ տեղի Հայ համայնքի վարչութեան համագործակցութեամբ, ուրբաթ՝ 2018 թւականի հոկտեմբերի 19-ի երեկոյեան, Սրբոց Թարգմանչաց տօնի առիթով, կազմակերպւել էր ձեռնարկ միութեան «Արամ Մանուկեան» սրահում: 

  • Հրաժեշտի հանդիպում՝ Շահինշահրում
    Հրաժեշտի հանդիպում՝ Շահինշահրում

    Չորեքշաբթի՝ 2018 թւականի հոկտեմբերի 10-ին, նախաձեռնութեամբ Շահինշահրի Հայ կանանց եկեղեցասիրաց միութեան, նոյն միութեան գրասենեակում, կազմակերպւել էր հրաժեշտի երեկոյ՝ Շահինշահրի հայ համայնքի հոգեւոր տեսուչ գերպ․ Տ․ Անանիա ծ․ վրդ․ Գուճանեանի առաքելութիւնը Սպահանի հայոց թեմում աւարտւելու առիթով։

  • Հրաժեշտի պատարագ՝ Շահինշահրի Սրբոց Վարդանանց եկեղեցում
    Հրաժեշտի պատարագ՝ Շահինշահրի Սրբոց Վարդանանց եկեղեցում

    Ն.Ս.Օ.Տ.Տ. Արամ Ա Վեհափառ Հայրապետի տնօրինումով ու կարգադրութեամբ, գերպ. Տ. Անանիա ծ. վրդ. Գուճանեանը շուրջ մի տասնամեակ Սպահանի հայոց թեմում ծառայելուց յետոյ, շուտով վերադառնալու է Անթիլիասի Մայրավանք՝ նոր պարտականութիւններ ստանձնելու համար։ 

  • Դպրոցական տարեմուտը՝ Շահինշահրի հայոց ազգ. դպրոցներում
    Դպրոցական տարեմուտը՝ Շահինշահրի հայոց ազգ. դպրոցներում

    Կիրակի՝ 2018 թւականի սեպտեմբերի 23-ի առաւօտեան, նոր ուսումնական տարեշրջանի առթիւ Շահինշահրի հայոց ազգ. «Սրբոց Վարդանանց» երկսեռ տարրական դպրոցի սրահում համախմբւել էին Շահինշահրի հայ համայնքի հոգեւոր տեսուչ գերպ․ Տ․ Անանիա ծ․ վրդ․ Գուճանեանը, արժն․ Տ․ Սահակ քհնյ․ Մինասեանը, Թեմական ու Կրթական խորհուրդների եւ Շահինշահրի հայ համայնքի վարչութեան ներկայացուցիչները, դպրոցի աշակերտ-ուհիները, տեսչութիւնը, ուսուցչական կազմն ու ծնողները:

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։