Հա

Համայնք

08/11/2016 - 10:10

Այցելութիւն՝ Սրբազան Հօր

Երեքշաբթի, հոկտեմբերի 25-ի առաւօտեան, թեմիս առաջնորդ՝ Տ. Սեպուհ արք. Սարգսեանին այցելեցին Ոստիկանութեան հանգստի կոչւած գլխաւոր ասպետ եւ ներկայ Աստւածաբանութեան դասախօս՝ պրն. Ջալալւանդը եւ Աշուրայի կամփէյնի աւագ քարտուղար՝ Սէյէդ Ղասեմ Միրնաբին:

Երեքշաբթի, հոկտեմբերի 25-ի առաւօտեան, թեմիս առաջնորդ՝ Տ. Սեպուհ արք. Սարգսեանին այցելեցին Ոստիկանութեան հանգստի կոչւած գլխաւոր ասպետ եւ ներկայ Աստւածաբանութեան դասախօս՝ պրն. Ջալալւանդը եւ Աշուրայի կամփէյնի աւագ քարտուղար՝ Սէյէդ Ղասեմ Միրնաբին:
Սրբազան Հօր բարեգալստեան մաղթանքից յետոյ, այցելուները Աշուրայի դէպքի մասին հարցեր ուղղեցին Սրբազան Հօրը: Սրբազան Հայրը նախ գնահատեց հաւատքի եւ ճշմարտութեան ու Աստւածային արժէքների վերակենդանացման համար իմացեալ ու գիտակից նահատակութիւնը, որ ըստ Շիա աշխարհի, յանձն առաւ Էմամ Հուսէյնը. արարք, որ պատճառ դարձաւ Շիաները նահատակութիւնը հաստատեն իրենց հաւատքի հիմքը:
Սրբազան Հայրը նաեւ յիշեց հայ ժողովրդի նահատակ ազգ լինելու պարագան, որը իր քրիստոնէական հաւատքը պահելու համար ենթարկւել է ցեղասպանութեան: Ցեղասպանութիւն, որի հետքերը եւս կարելի է գտնել Իրանի Ատրպատականներ նահանգներում՝ Խոյ, Սալմաստ, Թաւրիզ, Ղարադաղ եւ այլ վայրերում, ուր օսմանցի ջարդարարների ձեռքով գլխատւել ու սւինահարւել են հայ կանայք եւ երեխաներ. ոճրագործութիւն, որ այսօր հերքւում է Օսմանեան կայսրութեան իրաւական յաջորդ եղող Թուրքիայի կողմից:
Ներկաները գոհունակութեամբ եւ իրենց խորին շնորհակալութիւնը յայտնելով Սրբազան Հօրը, թողեցին ազգային առաջնորդարանը:

Ազգային առաջնորդարանի Հանրային կապ

 

* * *

 

Շաբաթ, հոկտեմբերի 29-ի առաւօտեան, թեմիս առաջնորդ Տ. Սեպուհ արք. Սարգսեանը, առաջնորդարանի իր գրասենեակում, ընդունեց մարմնա-մտային խանգարումներով հայ երեխաներին օժանդակող «Ակունք» կենտրոնի տնօրէնուհի Անգինէ Մարգարեանին:
Տկն. Մարգարեանը Սրբազան Հօրը զեկուցեց դպրոցի աշակերտութեան եւ ուսուցչական կազմի մասին, գոհունակութեամբ յիշելով, որ ինքը եւ ուսուցչական կազմը իրենց կարելին անում են մարդասիրական այս կենտրոնի բարւոք կեանքի համար:
161108c05aՍրբազան Հայրը մեծապէս գնահատեց կենտրոնի տնօրէնուհուն, քաջալերեց եւ յաջողութիւն մաղթեց նրան եւ իր աշխատակազմին՝ մարդասիրական-քրիստոնէաբոյր կենտրոնի աստւածահաճ աշխատանքների համար:
Նոյն օրը Սրբազան Հայրը ընդունեց առաջնորդանիստ Ս. Սարգիս եկեղեցու հանգուցեալ բարերար Մարգար Սարգսեանի աւագ որդուն՝ Էդիկ Սարգսեանին, որն այս օրերին Թեհրանում է գտնւում:
Սրբազան Հայրը ջերմօրէն ողջունեց պրն. Սարգսեանին, իր ուրախութիւնը յայտնեց այս հանդիպման համար ու նրան, եւ նրա եղբօրը եւ ընտանիքին գործերի յաջողութիւն մաղթեց:

 

* * *

 

Շաբաթ, հոկտեմբերի 29-ի կէսօրին առաջնորդ Սրբազան Հայրը ընդունեց դոկտ. Մոհամմադ Հոջջաթփանահին եւ դոկտ. Մոհամմադ Շահրամին՝ առաջնորդութեամբ Արա Շահնազարեանի:
Երկու բժիշկները մեկնելով իրենց մարդասիրական զգացումներից, Հայաստանում փորձում եւ աշխատում են անբուժելի չարորակ ուռուցքների բուժման համար միջոցներ եւ դիւրութիւններ ստեղծել, որպէսզի հնարաւոր լինի անհրաժեշտ դարմանումներ անել:
161108c05bՍրբազան Հայրը մեծապէս գնահատեց նրանց մարդասիրական եւ աստւածահաճ այս գործը եւ նրանց յայտնեց իր հովանաւորութիւնն ու պատրաստակամութիւնը որեւէ մէկ ձեւով օգտակար լինելու համար: «Աստւածահաճ գործ է սա, ասաց Սրբազան Հայրը, որ նաեւ ազդելու է առաւել եւս երկու բարեկամ երկրների Իրանի Իսլամական Հանրապետութեան եւ Հայաստանի Հանրապետութեան ժողովուրդների բարեկամութեան ամրապնդման»:

Թղթակից

Յարակից լուրեր

  • «Բոլորս Իրանին ենք պատկանում». Դոկտ. Սալեհին՝ Թեհրանի ազգային առաջնորդարանում
    «Բոլորս Իրանին ենք պատկանում». Դոկտ. Սալեհին՝ Թեհրանի ազգային առաջնորդարանում

    Երէկ՝ փետրւարի 20-ին Թեհրանի հայոց թեմի ազգային առաջնորդարան են այցելել Իրանի ատոմային էներգիայի կազմակերպութեան նախագահ դոկտ. Ալի Աքբար Սալեհին եւ նրան ընկերակցող պատւիրակութիւնը:

  • Հանդիսաւոր ս. պատարագ եւ մատաղօրհնէք՝ Ս. Սարգիս Զօրավարի տօնի առիթով
    Հանդիսաւոր ս. պատարագ եւ մատաղօրհնէք՝ Ս. Սարգիս Զօրավարի տօնի առիթով

    Շաբաթ, 16 փետրւարին, Ս. Սարգիս Զօրավարի եւ իր որդու՝ Մարտիրոսի, նաեւ 14 զինակիցների յիշատակի տօնի առիթով, մատուցւեց հանդիսաւոր ս. եւ անմահ պատարագ Ս. Սարգիս եկեղեցում, պատարագեց եւ յաւուր պատշաճի քարոզեց թեմիս բարեխնամ առաջնորդ՝ գերշ. Տ. Սեպուհ Ս. արք. Սարգսեանը: Սոյն տօնը նաեւ անւանակոչութեան տօնն է Ս. Սարգիս առաջնորդանիստ մայր եկեղեցու:

  • Ողջոյն քառասնամեայ յեղափոխութեան
    Ողջոյն քառասնամեայ յեղափոխութեան

    Մարդկային կեանքը յատկանշող եւ միաժամանակ բնորոշող երեւոյթներից մին շարժումն է, յարատեւ շարժը, որ յառաջ է բերում կեանքի փոփոխութիւն, նոր մտածելակերպի ձեւաւորում եւ կեանքի նոր ապրելակերպ ու գործելաոճ. ընկերային թէ քաղաքական, մշակութային թէ հոգեւոր ասպարէզներում յաջողութիւն, ժողովուրդները նոր հեռանկարով ու յոյսով պարուրող շարժումը դառնում է իրական ու իրաւական կեանք ունեցող երեւոյթ երբ իր մեկնակէտն ու վախճանակէտը ժողովուրդն է, հարազատ ժողովուրդը իր անցեալով, ներկայով ու ապագայով։ 

  • Առաջնորդ Սրբազանը մասնակցում է Միջին Արեւելքի եկեղեցիների խորհրդի Գործադիր վարչութեան ժողովին, 21-24 յունւար 2019 Աթշանէ ասորիների պատրիարքարանում
    Առաջնորդ Սրբազանը մասնակցում է Միջին Արեւելքի եկեղեցիների խորհրդի Գործադիր վարչութեան ժողովին, 21-24 յունւար 2019 Աթշանէ ասորիների պատրիարքարանում

    Ինչպէս նախօրօք յայտնած էինք թեմիս առաջնորդ գերշ. Տ. Սեպուհ Ս. արք. Սարգսեան յունւարի 21-24 2019-ին Լիբանանում մասնակցեց Միջին Արեւելքի եկեղեցիների խորհրդի Գործադիր վարչութեան տարեկան ժողովին, որը գումարւեց Ասորի Ուղղափառ եկեղեցու պատրիարքարանում Աթշանէ հիւրընկալութեամբ Ասորի եկեղեցու հոգեւոր պետ նորին սրբութիւն Մար Աֆրամ Բ. Պատրիարքի։

  • Ամանորեան այցելութիւններ ծերանոցներում
    Ամանորեան այցելութիւններ ծերանոցներում

    Հովանաւորութեամբ թեմիս բարեխնամ առաջնորդ՝ գերշ. Տ. Սեպուհ արք. Սարգսեանի եւ Թեհրանի հայոց թեմի Կրօնական խորհրդի Քրիստոնէական դաստիարակութեան յանձնախմբի նախաձեռնութեամբ, նաեւ Կարիքաւորներին օժանդակող մարմնի համագործակցութեամբ այս տարի եւս Ամանորի եւ Սուրբ Ծննդեան տօների առիթով, տեղի ունեցաւ այցելութիւն ծերանոց-հանգստեան տներում բնակւող հայ եւ քրիստոնեայ բնակիչներին: 

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։