Հա

Համայնք

08/11/2016 - 12:10

Տեղեկանք

Սիրելի հայրենակիցներ,
Թ. Հ. Թ. 16-րդ Պատգամաւորական ժողովի ընտրութիւնները կազմակերպելու նպատակով, ժամանակին կեանքի կոչւեց Կենտրոնական Ընտրական յանձնախումբ:

Սիրելի հայրենակիցներ,
Թ. Հ. Թ. 16-րդ Պատգամաւորական ժողովի ընտրութիւնները կազմակերպելու նպատակով, ժամանակին կեանքի կոչւեց Կենտրոնական Ընտրական յանձնախումբ:
ԿԸՅ-ը անմիջապէս իր աշխատանքը սկսեց եւ կազմեց ընտրութեան ժամանակացոյցը, առաջնահերթաբար ճշտելով թեկնածուների արձանագրութեան ժամկէտը՝ 12-26 հոկտ. 2016 թ.:
Արձանագրութեան ժամկէտը աւարտւելու սեմին էր, երբ մի քանի միութիւններ (ԻԱՄՄ, «Րաֆֆի», «Աշխարհատեսներ»), 16-րդ Պատգամաւորական ժողովի ընտրութեան վերաբերեալ իրենց մտահոգութիւնները արծարծելու խնդրանքով հանդիպում ունեցան Թեմական խորհրդի ներկայացուցչի եւ Կենտրոնական Ընտրական յանձնախմբի նախագահի հետ: Հանդիպման արդիւնքը գոհացրեց դիմողներին եւ պատճառ դարձաւ, որ Կենտրոնական յանձնախումբը փոխըմբռնման կարգով երկարաձգի թեկնածուների արձանագրութեան ժամկէտը մինչեւ հոկտ. 28-ը: Եւ դրանով փակւեց արձանագրութեան կայքէջը:
Շաբաթ, հոկտ. 29-ին յանձնախումբը տեղեկանում է, որ ոմանք փորձել եւ չեն կարողացել կայքէջում արձանագրւել: Դրանց եւս առիթ տրւեց իրենց թղթածրարը ներկայացնեն: Արդիւնքում երկու հոգի դիմեցին:
Նոյն օրը արձանագրութեան երկարաձգելու դիմում է կատարւում վերոյիշեալ միութիւնների կողմից: Յիշեալներին փոխանցւում է նամակով դիմեն եւ իրենց թեկնածուների անունները պատկան անձնագրի պատճէնով ներկայացնեն:
Հոկտեմբերի 30-ի կէսօրին ստացւել է այդ նամակը, առանց որեւէ անւանացանկի, որի համար կրկին յիշեցւել եւ իրազեկւել են ցանկը ներկայացնելու:
Նման պայմաններում ԿԸՅ անկախ առաջացած ընտրական ընթացքի բարդութիւններից ելնելով համայնքի ընդհանուր շահերից, դրական արձագանգեց նշած միութիւնների նամակին:
Ցաւօք, պահանջւած անւանացանկը չներկայացւեց եւ ԿԸՅ իր նիստում սկսեալ ժամը 21:00-ից - 23:00-ը բջջային կարճ հաղորդագրութեամբ (SMS) եւ հեռախօսի կապով ստացաւ մի շարք անուններ:
Որպէսզի ներկայացւած անունները օրինական լինեն, ԿԸՅ-ը պահանջել է՝ 2 օրւայ ընթացքում անունները գրաւոր, ստորագրւած եւ ազգային կոդի համարով ներկայացւեն:
Սակայն, դժբախտաբար, դա եւս չի կատարւել: Կենտր. յանձնախումբը համբերատարութեամբ, շրջահայեացութեամբ եւ փոխըմբռնման կարգով, նոյեմբերի 3-ի կէսօրւայ ժամը 12-ը, որպէս վերջին առիթ սահմանել է պահանջւող փաստաթղթերի ստացման համար ժամկէտը:
Նոյեմբերի 3-ին, սահմանւած ժամին ստացւել է 6 դիմում, որոնք պէտք է մինչեւ նոյեմբերի 8-ը անձնապէս դիմեն ազգային առաջնորդարան եւ ամբողջապէս լրացնեն իրենց դիմումը:
Յատկանշական է, որ ճշտորոշւած վերջնական ժամկէտից յետոյ, երբ արդէն փակւած է եղել Կենտրոնական Ընտրական յանձնախմբի գրասենեակը, ժամը 14-ին դարձեալ ուշացած մի անձի կողմից ներկայացւում է 13 նոր թղթածրար, որը, բնականաբար, Կենտրոնական յանձնախումբը իր ժողովում մերժեց վերջնականացւած ժամկէտից դուրս ստացւած այդ թղթածրարները:

Թ. Հ. Թ.
16-րդ Պատգամաւորական ժողովի
Կենտրոնական Ընտրական յանձնախումբ

Յարակից լուրեր

  • Իր աշխատանքներն սկսեց Հ.Մ.Ա.Կ.-ի 28-րդ Պատգամաւորական ժողովը
    Իր աշխատանքներն սկսեց Հ.Մ.Ա.Կ.-ի 28-րդ Պատգամաւորական ժողովը

    Երէկ երեկոյեան փետրւարի 19-ին, «Արարատ» մարզաւանի «Վաչիկ Ղարաբէգեան» սրահում կազմակերպութեան հիմնով կատարւեց Պատգամաւորական ժողովի պաշտօնական բացումը, որի ժամանակաւոր դիւանի ընտրութիւնից յետոյ, գործող Կենտրոնական վարչութեան նախագահ ճրտգ. Գէորգ Վարդանը համապարփակ զեկոյց ներկայացրեց կազմակերպութեան զանազան միութիւնների եւ մասնաճիւղերի ներքին եւ արտաքին մասշտաբով ծաւալած երկամեայ աշխատանքների մասին, ընդգծելով որ բոլոր աշխատանքների նպատակը մէկն է՝ հայեցի, ազգային ոգով դաստիարակել հայ նոր սերնդին, եւ միշտ վեր դասել ազգային շահերը:

  • Թաւրիզում գումարւեց Ատրպատականի հայոց թեմի Պատգամաւորական ժողովի հերթական նիստը
    Թաւրիզում գումարւեց Ատրպատականի հայոց թեմի Պատգամաւորական ժողովի հերթական նիստը

    Ուրբաթ, 14 դեկտեմբեր 2018-ի առաւօտեան ժամը 10:30-ին, Ազգային առաջնորդարանի «Էմիլ Յակոբեան» դահլիճում, Տէրունական աղօթքով բացւեց Ատրպատականի հայոց թեմի Պատգամաւորական ժողովի 21-րդ նստաշրջանի երրորդ նիստը, նախագահութեամբ թեմակալ առաջնորդ՝ գերշ. Տ. Գրիգոր Ս. եպս. Չիֆթճեանի: 

  • Մայիսեան յաղթանակի 100-ամեակին նւիրւած եզրափակիչ ծրագիր
    Մայիսեան յաղթանակի 100-ամեակին նւիրւած եզրափակիչ ծրագիր

    1918 թւականին մարմնաւորւած Հայաստանի Առաջին Հանրապետութիւնը, որը այս տարի բոլորեց իր 100-ամեակը, թէ՛ Հայաստանում, եւ թէ՛ Սփիւռքում նշանաւորւեց բազմաթիւ միջոցառումներով եւ մի խօսքով հայաշխարհը նշանաւորեց յաղթանակների յաղթանակ Մայիսի 28-ը:

  • Սրբազան Մեղրիկ Բարիքեանը Թեհրանում
    Սրբազան Մեղրիկ Բարիքեանը Թեհրանում

    Ուրախութեամբ յայտնում ենք Թեհրանի հայոց թեմի մեր սիրելի զաւակներին, որ հինգշաբթի, 8 նոյեմբեր 2018-ի առաւօտեան, Թեհրան ժամանեց գերշ. Տ. Մեղրիկ Ս. եպս. Բարիքեանը, թեմիս Քրիստոնէական դաստիարակութեան եւ եկեղեցական աշխատանքների մէջ նեցուկ կանգնելու առաջնորդ Սրբազանին:

  • Թաւրիզում գումարւեց Ատրպատականի հայոց թեմի Պատգամաւորական ժողովի հերթական նիստը
    Թաւրիզում գումարւեց Ատրպատականի հայոց թեմի Պատգամաւորական ժողովի հերթական նիստը

    Ուրբաթ, 26 հոկտեմբեր 2018-ի առաւօտեան ժամը 10:30-ին, ազգային առաջնորդարանի «Էմիլ Յակոբեան» դահլիճում, Տէրունական աղօթքով բացւեց Ատրպատականի հայոց թեմի նորընտիր Պատգամաւորական ժողովի 21-րդ նստաշրջանի երկրորդ նիստը, նախագահութեամբ թեմակալ առաջնորդ՝ գերշ. Տ. Գրիգոր Ս. եպս. Չիֆթճեանի: 

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։