Հա

Համայնք

Երեքշաբթի, 08 Նոյեմբերի 2016 09:30

ՍՏԱՑՒԱԾ ԳՐՈՒԹԻՒՆ

Կազմակերպութեան նախագահ պրն. Գէորգ Վարդանը իր բացման խօսքում անդրադառնալով պարտադրեալ պատերազմում իրանահայութեան դերը եւ Իրանի հողային ամբողջականութեան ճամբին նւիրաբերած նահատակներին՝ մէկ անգամ եւս շեշտաւորեց այդ իրողութիւնը պետական հիւրերի ներկայութեամբ, միաժամանակ սփոփելով ու հպարտութեան ոգի ստեղծելով մարզաւանում ներկայ անձնուրացների ու նահատակների ընտանիքների մօտ:

Օրերս «Ալիք»-ի հեռախօսներ բաժնում անդրադարձ էր եղել Համահայկական խաղերի ընթացքում առաջացած բացթողումներին, թերութիւններին ու որոշ մարզիկների կողմից խաղերի ընթացքում թոյլ տւած անհաճոյ պահւացքին, իսկ թէ ինչու պետական այրերը եւ ընդհանրապէս օթեակի մէջ եղածները պարախմբերի մարզադաշտ մուտք գործելուց առաջ թողեցին վայրը, կարծում եմ՝ պարզ է, իսկ քիչ անց Հայաստանի հրաւիրեալները (Գագիկ Ծառուկեանը, Իրանում ՀՀ արտակարգ եւ լիազօր դեսպանը եւ ուրիշներ) վերադարձան օթեակ ու հիացմունքով դիտեցին պարային կատարումները:
Իսկ այս տարւայ Համահայկական խաղերի բացման արարողութիւնը, որը նւիրւած էր «Ալիք»-ի 85-ամեակին՝ մատնանշած թերութիւնների կողքին, առանձնանում էր բարոյական արժէք ներկայացնող իւրայատկութեամբ: Առաջին անգամը լինելով միջոցառմանը հրաւիրւել էին Իրան-Իրաք պատերազմի նահատակ զինւորների ընտանեկան անմիջական անդամներից մի փունջ, որոնց համար նախատեսւել էր յարմար նստատեղիներ, իսկ մնացած անձնուրացները (գերի-վիրաւոր) իրենց ընտանիքներով պատրաստւած հրաւէրի միջոցով դիւրութեամբ մասնակից են եղել Համահայկական խաղերի 48-րդ շրջանի բացման արարողութեանը:
Կազմակերպութեան նախագահ պրն. Գէորգ Վարդանը իր բացման խօսքում անդրադառնալով պարտադրեալ պատերազմում իրանահայութեան դերը եւ Իրանի հողային ամբողջականութեան ճամբին նւիրաբերած նահատակներին՝ մէկ անգամ եւս շեշտաւորեց այդ իրողութիւնը պետական հիւրերի ներկայութեամբ, միաժամանակ սփոփելով ու հպարտութեան ոգի ստեղծելով մարզաւանում ներկայ անձնուրացների ու նահատակների ընտանիքների մօտ:
Թէպէտ որոշ միութիւններ եւս մերթընդմերթ տարբեր առիթներով մեծարում են նահատակներին, սակայն ցանկալի է նման վերաբերմունքը եւ մօտեցումը լինի շարունակական, որպէսզի իւրաքանչիւր տուժած զինւոր ու նահատակի ծնող ու ընտանիք մխիթարւի եւ հոգեկան բաւարարութիւն ստանայ, թէ չի մոռացւել ու արժանանում է համայնքի անդամների ու միութիւնների ուշադրութեանը:

Պարտադրեալ պատերազմի

հայ անձնուրացների արժէքների պահպանման

յանձնախմբի անդամ

Յարակից Հրապարակումներ

Ամենաշատ ընթերցւած

Քւէարկութիւն

Սարգսեան-Ալիեւ վերջին հանդիպման արդիւնքում կը գրանցւի՞ արդեօք առաջընթաց ԼՂ հակամարտութեան կարգաւորման գործում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։