Հա

Համայնք

Կիրակի, 13 Նոյեմբերի 2016 09:50

ՍՏԱՑՒԱԾ ԳՐՈՒԹԻՒՆ - «Տեղեկանք»-ը որքանով էր լիարժէք

«Ալիք» օրաթերթի երեքշաբթի, նոյ. 8-ի համարում տպագրւած է Թ. Հ. Թ. 16-րդ Պատգամաւորական ժողովի «Կենտրոնական ընտրական յանձնախումբ» ստորագրութեամբ մի նիւթ՝ «Տեղեկանք» վերնագրով: Այդ նիւթի մէջ ի թիւս այլոց արծարծւել է նաեւ մեր միութեան անունը, ուստի ներկայացնում ենք անհրաժեշտ որոշ բացատրութիւններ, այն խնդրանքով, որ տպագրւի օրաթերթի առաջիկայ համարներից մէկում:

«Ալիք» օրաթերթի յարգարժան խմբագրութեան մեծարգոյ գլխաւոր խմբագիր պրն. Դերենիկ Մելիքեան.
«Ալիք» օրաթերթի երեքշաբթի, նոյ. 8-ի համարում տպագրւած է Թ. Հ. Թ. 16-րդ Պատգամաւորական ժողովի «Կենտրոնական ընտրական յանձնախումբ» ստորագրութեամբ մի նիւթ՝ «Տեղեկանք» վերնագրով: Այդ նիւթի մէջ ի թիւս այլոց արծարծւել է նաեւ մեր միութեան անունը, ուստի ներկայացնում ենք անհրաժեշտ որոշ բացատրութիւններ, այն խնդրանքով, որ տպագրւի օրաթերթի առաջիկայ համարներից մէկում:

 

Թ. Հ. Թ. Պատգամաւորական ժողովի Կենտրոնական ընտրական յանձնախումբ,
Սիրելի ընկերներ, նախեւառաջ շնորհաւորում ենք վերջին ժամանակներում ձեր կատարած յաջող եւ արդիւնաւէտ աշխատանքի կապակցութեամբ, նաեւ շնորհակալութիւն յայտնում այն բանի համար, որ բարձրակարգ խոհեմութիւն դրսեւորելով որոշակի հիմքեր ստեղծեցիք եւ բանակցութիւններում ճկուն մօտեցմամբ համաձայնեցիք ձեւաւորել այնպիսի ընտրական համակարգ, որը առաջընթաց արձանագրելով՝ կարող էր մօտենալ ժողովրդավարական այն բարձր նւաճումին, որ վայել է մեր համայնքին:
Յարգելի ընկերներ, մենք էլ չենք կամենում փակագծեր բացել, բայց հարկ ենք համարում յայտնել, որ առաջնորդարանում տեղի ունեցած հանդիպումը, որին անդրադարձել էք «Տեղեկանք»-ի առաջին սիւնակի վերջին պարբերութեան մէջ, այդքան էլ միանգամից չի առաջացել եւ ունի իր նախապատմութիւնը: Յանձնախմբի ատենապետ՝ պրն. Խալոյեանը հաստատ յիշում է, որ այդ հանդիպումից օրեր առաջ նշւած միութիւնների անունից հանդէս եկող բանագնացները առաջարկում էին ընտրութիւնները մի քանի ամսով յետաձգել եւ այդ ընթացքում լիարժէք դարձնել Պատգամաւորական ժողովի ընտրութիւններին առնչւող կանոնագրութիւնը, այդ թւում նաեւ ազգաբնակչութեան համամասնութեամբ ճշգրտել իւրաքանչիւր քաղաքամասից ընտրւող պատգամաւորների թիւը, իսկ երբ Կ.Ը.Յ.-ի յարգարժան ատենապետը ասաց, որ դա հնարաւոր չէ, բանագնացները առաջարկեցին գոնէ թեկնածուների գրանցման ժամկէտը 10 օր աւելացւի, որպէսզի այլընտրանքային կարգով առաջադրւելիք թեկնածուները կարողանան նախապատրաստւել, կազմակերպւել եւ արձանագրւել:
Յարգելի ընկերներ «Տեղեկանք»-ի վերջին սիւնակը այնպէս է շարադրւել, որ երկու ժամւայ ուշացումը հիմք է ծառայել, որպէսզի Մաջիդիէ եւ Ջոմհուրի քաղաքամասերը ամբողջապէս, իսկ Կենտրոն քաղաքամասը մասամբ զրկւեն մրցակցային պայմաններում ընտրութեան իրաւունք ունենալու հնարաւորութիւնից:
Սիրելի ընկերներ, հարց է առաջանում՝ ընտրութիւնները ո՞ւմ համար են եւ մեր փոքրիկ համայնքում ընտրութիւնների նախապատրաստական աշխատանքները ինչպիսի՞ ծաւալներ են ընդգրկում եւ եթէ մրցակցող կողմերից մէկին ընդհանրապէս զրկում ենք մասնակցելու հնարաւորութիւնից, արդէն այդ դէպքում «շրջահայեացութիւն»-ը ո՞ւմ է պէտք: Այս վիճակում համայնքի կորուստն է աւելի շատ, թէ՞ շահածը եւ յատկապէս այս ամիսների ձեր առաքելութիւնը արդեօք արդիւնաւորւած պիտի զգաք, եթէ նոյնիսկ մէկ քաղաքամասում մրցակցութիւն չլինի:
Իբրեւ ամփոփիչ խօսք պիտի ասենք, որ Ի.Ա.Մ.Մ.-ն սկզբից եւեթ հանդէս է եկել լիարժէք, արդար, անկողմնակալ եւ նպատակամղւած ընտրական ընթացք ձեւաւորելու օգտին եւ առաջնային է համարում համայնքում առողջ միջավայրի գոյանալու երջանիկ փաստը:
Մեծարգոյ ընկերներ, յուշելով այս ամէնը, ցանկանում ենք զգօնութեան եւ պահը ընկալելու լուրջ, բայց ընկերական յիշեցում կատարել: Յարգելիներ, անկախ բոլոր հանգամանքներից, այսօրւայ ձեր կեցւածքը որոշելու եւ ապահովելու է վերջին քսան տարիների ընթացքում մեր համայնքում տեղի ունեցող դրական գործընթացների շարունակականութիւնը: Դուք կարող էք այն կանխել եւ յետ շուռ տալ, նաեւ կարող էք բարձր պատասխանատւութեամբ, «Համբերատարութեամբ», «Շրջահայեցութեամբ» եւ «Փոխըմբռնման կարգով» օգնել մեր բոլորիս ջանքերով ձեւաւորւած դրական միտումների զարգացմանը: Յուսով ենք դուք կընտրէք երկրորդ ճանապարհը:

Իրանահայ ազգային եւ Մշակութային միութիւն

Յարակից Հրապարակումներ

  • Հաղորդագրութիւն
    Հաղորդագրութիւն

    Այսու ուրախութեամբ յայտնում ենք Թեհրանի հայոց թեմի մեր սիրելի ժողովրդի զաւակներին, որ 16-րդ շրջանի Պատգամաւորական ժողովի կողմից ընտրւած գործադիր իշխանութեան երեք մարմինները՝ Կրօնական եւ Թեմական խորհուրդներն ու Հաշւեքննիչ մարմինը, հրաւէրով թեմիս բարեխնամ առաջնորդ Տ. Սեպուհ արք. Սարգսեանի, գումարեցին իրենց անդրանիկ նիստերը:

  • Ընտրւեց Թեմական խորհրդի նոր կազմը
    Ընտրւեց Թեմական խորհրդի նոր կազմը

    Երէկ՝ փետրւարի 25-ին, ազգային առաջնորդարանի դահլիճում շարունակւեց Թ.Հ.Թ. Պատգամաւորական ժողովի հերթական 3-րդ նիստը, որը առնչւում էր յառաջիկայ երկու տարւայ աշխատանքների գործադիր մարմինների ընտրութիւններին:

  • «Ակունք» պարային համոյթի ելոյթը նւիրւած «Ալիք» օրաթերթի 85-ամեակին
    «Ակունք» պարային համոյթի ելոյթը նւիրւած «Ալիք» օրաթերթի 85-ամեակին

    Ալիք» օրաթերթի 85-ամեակը իրանահայ համայնքում դարձաւ այն խթանիչ ուժը, գործող միութիւնների եւ արւեստով զբաղւող խմբերի, որոնք անցեալ մէկ տարւայ ընթացքում բազմաթիւ ծրագրեր նւիրեցին «Ալիք»-ին:

  • Շարունակւել է Թ.Հ.Թ. 16-րդ Պատգամաւորական ժողովի 3-րդ նիստը
    Շարունակւել է Թ.Հ.Թ. 16-րդ Պատգամաւորական ժողովի 3-րդ նիստը

    Երէկ՝ փետրւարի 21-ին, ազգային առաջնորդարանի դահլիճում Թեհրանի հայոց թեմի Պատգամաւորական ժողովը շարունակեց փետրւարի 20-ին սկսւած 3-րդ նիստը:

  • ՀՀ պաշտպանութեան նախարարի համայնքային հանդիպումները
    ՀՀ պաշտպանութեան նախարարի համայնքային հանդիպումները

    Պաշտօնական այցով Թեհրանում գտնւող ՀՀ պաշտպանութեան նախարար Վիգէն Սարգսեանը փետրւարի 1-ին ունեցել է նաեւ համայնքային հանդիպումներ:

    Առաւօտեան ՀՀ պաշտպանական գերատեսչութեան ղեկավարն այցելե է «ԱԼԻՔ» օրաթերթի խմբագրութիւն եւ հաստատութիւն:

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։