Հա

Համայնք

16/11/2016 - 10:00

Պատգամաւորական ժողովի ընտրութիւններին մասնակցելը ազգային պարտականութիւն է

Թւականիս նոյեմբերի 25-ին, Թեհրանի հայոց թեմում անց է կացւելու Թեհրանի հայոց թեմի 16-րդ Պատգամաւորական ժողովի ընտրութիւնները:
Ստորեւ ներկայացնում ենք՝ Իրանահայ Գրողների միութեան փոխատենապետ՝ Էդւարդ Յարութիւնեանի եւ ՀՈՒՍԿ հաստատութեան գրասենեակի պատասխանատու Անուշիկ Թումանեանի հետ վարած զրոյցը:

Թւականիս նոյեմբերի 25-ին, Թեհրանի հայոց թեմում անց է կացւելու Թեհրանի հայոց թեմի 16-րդ Պատգամաւորական ժողովի ընտրութիւնները:
Յիշեալ ազգային պարտականութեանը մասնակցելու եւ Պատգամաւորական ժողովի առաքելութիւնների մասին համայնքին իրազեկ դարձնելու անհրաժեշտութիւնից ելնելով, հարցազրոյցների շարան ենք ձեռնարկել համայնքիս զանազան խաւերի ներկայացուցիչների հետ, որոնք արտացոլել են իրենց տեսակէտները ՊԺ-ի, եւ ընտրութիւններին մասնակցելու մասին:
Ստորեւ ներկայացնում ենք՝ Իրանահայ Գրողների միութեան փոխատենապետ՝ Էդւարդ Յարութիւնեանի եւ ՀՈՒՍԿ հաստատութեան գրասենեակի պատասխանատու Անուշիկ Թումանեանի հետ վարած զրոյցը:

 

161116d02aԷդւարդ Յարութիւնեան - Մօտ օրերս տեղի է ունենալու 16-րդ Պատգամաւորական ժողովի ընտրութիւնը, որով մենք մեր ներկայացուցիչներին ենք ընտրելու՝ իրենց մասնակցութիւնը բերելու մեր ազգային- համայնքային կեանքին:
Պատգամաւորական ժողովը մեր ազգային կառոյցի բարձրագոյն ժողովն է եւ նրանից են բխում միւս ենթակայ մարմինները, ինչպիսին է՝ Թեմական խորհուրդը, ապա Կրթական, Դատական եւ այլ մարմինները: Հետեւաբար ընտրելով Պատգամաւորական ժողովի անդամներին՝ մեր ուղղակի քւէներով, մենք մասնակից ենք դառնում մեր ազգային կառոյցում գործող բոլոր կազմերի գործունէութեան մէջ՝ դպրոցական, եկեղեցական, գերեզմանատների եւ այլն: Ահա թէ ինչո՞ւ է կարեւոր այդ ընտրութիւնը եւ կարեւոր է մեզանից իւրաքանչիւրի մասնակցութիւնը՝ արժանաւոր թեկնածուների ընտրութեան մէջ:
Հետեւաբար մեր ազգային-համայնքային պարտականութիւնն է՝ մեր անվերապահ մասնակցութեամբ Պատգամաւորական ժողովի ընտրութեանը, մեր համայնքի կեանքի առողջ ընթացքը ապահովենք ապագայ տարիների ընթացքում:


* * *


161116d02bԱնուշիկ Թումանեան - Պատգամաւորական ժողովը, որպէս մեր ազգային կառոյցի մէջ օրէնսդիր մարմին, շատ կարեւոր դերակատարութիւն ունի մեր համայնքում։
Պատգամաւոր պէտք է ընտրւի նա, ով լաւածանօթ է մեր ազգային կառոյցներին, ծանօթ է համայնքի դժւարութիւններին եւ խնդիրներին:
Ընտրութիւնների մասնակցելու հարցը կարելի է համարել մեր համայնքային կեանքի ամենակարեւոր խնդիրներից մէկը: Մասնակցելով այս ընտրութիւններին, մենք փաստում ենք մեր համայնքի զօրութիւնը, համախմբւածութիւնը, կապւածութիւնը միմեանց եւ ազգային իշխանութեան հետ: Մեր համայնքի համար կարեւորելով այս ընտրութիւնները, հարկ եմ համարում կոչ անել բոլորին՝ խուռներամ շարքերով մասնակցել այս կարեւոր ընտրութիւններին եւ ընտրել լաւագոյն թեկնածուներին: Մասնակցութեան կոչ եմ անում յատկապէս մեր սիրելի երիտասարդներին, որ առաջին անգամ իրենց տարիքը լրանալով, կարող են մասնակցեն իրենց առաջին եւ կարեւորագոյն ընտրութիւններին։

Յարակից լուրեր

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։