Հա

Համայնք

21/11/2016 - 09:50

Առաջնորդ Սրբազան Հօր մասնակցութիւնը՝ Իսլամ-քրիստոնեայ միջազգային համագումարին

Կազմակերպութեամբ Մշակոյթի եւ միջազգային հաղորդակցութեան կազմակերպութեան Միջկրօնական յարաբերութեան բաժանմունքի, տեղի ունեցաւ իսլամ-քրիստոնեայ միջազգային մի համագումար «Յարգանք եւ պահպանութիւն մարդկային արժանապատւութեան ի խնդիր համաշխարհային խաղաղութեան եւ ապահովութեան» թեմայով, նոյեմբերի 6-ից 9-ը կազմակերպութեան կենտրոնում եւ «Էսթեղլալ» հիւրանոցում:

Կազմակերպութեամբ Մշակոյթի եւ միջազգային հաղորդակցութեան կազմակերպութեան Միջկրօնական յարաբերութեան բաժանմունքի, տեղի ունեցաւ իսլամ-քրիստոնեայ միջազգային մի համագումար «Յարգանք եւ պահպանութիւն մարդկային արժանապատւութեան ի խնդիր համաշխարհային խաղաղութեան եւ ապահովութեան» թեմայով, նոյեմբերի 6-ից 9-ը կազմակերպութեան կենտրոնում եւ «Էսթեղլալ» հիւրանոցում:
Համագումարի բացման արարողութեանը հրաւիրւած էին հանրապետութեան նախագահի փոքրամասնութիւնների հարցով խորհրդական հոջ. Ալի Իւնեսին, այաթօլլահ Թասխիրին, Թեհրանի համալսարանի փիլիսոփայութեան բաժանմունքի տնօրէն այաթօլլահ Մոհաղեղ Դամադը, համայնքների ներկայացուցիչներ եւ այլ հրաւիրեալներ: Արարողութեանը հրաւիրւած էր նաեւ թեմիս առաջնորդ Տ. Սեպուհ արք. Սարգսեանն ու Թեմական խորհրդի ատենապետ Ռուբէն Կարապետեանը:
161121d01aԲացման պաշտօնական բացումից յետոյ, տեղի ունեցաւ պաշտօնական ընթրիք: Յաջորդ օրը «Էսթեղլալ» հիւրանոցում համագումարը շարունակեց իր աշխատանքները:
Երեքշաբթի, նոյեմբերի 8-ի կէսօրից յետոյ, համագումարին դասախօսեց թեմիս առաջնորդ Սրբազան Հայրը, նա նախ արաբերէն լեզւով ողջունեց ներկաներին: Այնուհետեւ անգլերէնով շարունակեց իր դասախօսութիւնը ներկայացնելով իրանահայ համայնքը եւ համայնքի բերած ներդրումը Իրանին:
Նշենք, որ սոյն համագումարին մասնակցում էին Վատիկանի ներկայացուցիչն ու Ապիջանի արքեպիսկոպոս նորին ամենապատւութիւն Օնէյքան կարդինալը, Վատիկանում իսլամ-քրիստոնեայ միջկրօնական երկխօսութեան պատասխանատու հայր Խալէդ Աքքաշը, Անգլիկան համայնքի ընդհանուր քարտուղար Ժոսայա արքեպիսկոպոսը, Ջոն Բրայսըն Չէյնը Վաշինգտոնի եպիսկոպոսը եւ այլ հրաւիրեալներ Ամերիկայից, Նիգերիայից, Շւէյցարիայից, Լիբանանից, Իրաքից, Իտալիայից, Հնդկաստանից, Ֆրանսիայից եւ բնականաբար Իրանից:

Թղթակից

Յարակից լուրեր

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։