Հա

Համայնք

22/11/2016 - 10:00

Նոր Ջուղայի «Կոմիտաս» քառաձայն երգչախմբի ելոյթը՝ Հ.Մ.Ա.Կ-ի «Կոմիտաս» սրահում

Հ. Մ. «Արարատ» Կ.-ի Արւեստից միութեան նախաձեռնութեամբ՝ Նոր Ջուղայի Ս. Ամենափրկիչ վանքի «Կոմիտաս» քառաձայն երգչախումբը հինգշաբթի, նոյեմբերի 10-ին, ելոյթով հանդէս եկաւ Հ.Մ.Ա.Կ-ի կենտրոնատեղի «Կոմիտաս» սրահում: Երգչախմբի գեղարւեստական ղեկավար եւ գլխաւոր դիրիժորն է՝ մայեստրօ Արմէն Ամիրխանեանը:

Հ. Մ. «Արարատ» Կ.-ի Արւեստից միութեան նախաձեռնութեամբ՝ Նոր Ջուղայի Ս. Ամենափրկիչ վանքի «Կոմիտաս» քառաձայն երգչախումբը հինգշաբթի, նոյեմբերի 10-ին, ելոյթով հանդէս եկաւ Հ.Մ.Ա.Կ-ի կենտրոնատեղի «Կոմիտաս» սրահում: Երգչախմբի գեղարւեստական ղեկավար եւ գլխաւոր դիրիժորն է՝ մայեստրօ Արմէն Ամիրխանեանը:
Մեկնարկին՝ Հ.Մ.Ա.Կ-ի Արւեստից միութեան վարչութեան անունից ողջոյնի խօսք ասաց Թալին Բաղումեանը, եւ յոյս յայտնեց, որ ապագայում եւս կը շարունակւեն նմանօրինակ համագործակցութիւններ:
Բեմի վարագոյրը բացւելուց անմիջապէս յետոյ «Կոմիտաս» երգչախումբը հանդէս եկաւ «Կոմիտաս»-ով, որից յետոյ խմբի հաղորդավար Կարին Տէր-Մարտիրոսեանը իր հռետորական հաղորդավարութեամբ հակիրճ բացատրութիւն տալով երգչախմբի անցեալի մասին նշեց, որ 40 տարիներ առաջ, 1975 թւականին «Կոմիտաս» երգչախումբը հիմնադրւել է երգչախմբային արւեստի արտիստ Մովսէս Փանոսեանի միջոցով, Նոր Ջուղայի Ս. Ամենափրկիչ վանքի հովանաւորութեամբ:
Աւելի քան մէկ ժամ տեւած ելոյթի ընթացքում «Կոմիտաս» երգչախումբը հանդիսատեսին հրամցրեց հայ կոմպոզիտորների ազգային-ժողովրդական երգերի շարան, որոնք բուռն ծափողջոյններին էին արժանանում: Ընթացքում մեներգով հանդէս եկաւ Ալենուշ Մարդոյեանը: Վերջում Նոր Ջուղայի Հ. Մ. Մ. «Արարատ» միութեան «Կռունկ» համոյթից, որի ղեկավարն է Ռիմա (Սիմոնեան) Օհանեանը, ասմունքեց Լալագէ Իսաղուլեանը, Մետաքսէի գրչին պատկանող «Դէլէ եաման»-ը, որից յետոյ երգչախումբը շռնդալից կատարեց Ալեքսանդր Յարութիւնեանի մշակած «Դէլէ եաման»-ը: Երգ, որի ունկնդրումից յետոյ հանդիսատեսի անդադար ծափողջոյնների արդիւնքով կրկնւեց եւս մէկ անգամ:
Աւարտին եզրափակիչ խօսքի համար հրաւիրւեց Թեհրանի հայոց թեմի առաջնորդ Տ. Սեպուհ արք. Սարգսեանը: Թեմակալ առաջնորդը իր ելոյթը հետեւեալ տողերով սկսեց. «Արւեստը տեղայնութիւն չունի, արւեստը արւեստ է, որտեղ էլ որ լինի, եւ մենք այսօր որպէս արւեստասէրներ վայելեցինք արւեստագէտների կատարումները: Արւեստ, որը մեր հոգում նոր ակօսներ բացեց, արւեստ, որ մեր միտքը եւ հոգին մէկ անգամ եւս կենսաւորեց ու լիցքաւորեց, արւեստ, որ իր կատարողութեամբ մեզ հեռուները տարաւ, մեր գիտակցութեան մէջ վերակենդանացնելով մեր պահանջատիրական ոգին»: Թեմակալ առաջնորդը իր գնահատանքի խօսքն ուղղեց խմբավարին, երգչախմբի անդամ-անդամուհիներին եւ հաղորդավարին՝ յաջող կատարողութեան կապակցութեամբ: Օրւայ միջոցառմանը ներկայ էին առաջնորդական տեղապահ Տ. Մակար եպս. Աշգարեանը, Թ. Հ. Թ. Թեմական խորհրդի ատենապետ Ռուբիկ Կարապետեանը, ազգային մարմինների, «Ալիք» հաստատութեան ներկայացուցիչները, եւ համայնքի արւեստի գործիչներ, արւեստագէտներ, համայնքիս երգչախմբերի խմբավարներ եւ մեծ թւով հայրենակիցներ:

Թղթակից՝ ԿԱՐԻՆԷ ԴԱՒԹԵԱՆ
Լուսանկարիչ՝ ԳԷՈՐԳ ՅԱՐՈՒԹԻՒՆԵԱՆ

Յարակից լուրեր

  • Այցելութիւն ազգային առաջնորդարան
    Այցելութիւն ազգային առաջնորդարան

    Երեքշաբթի, 18 յունիս, 2019 թ.-ի առաւօտեան, թեմիս առաջնորդ՝ գերշ. Տ. Սեպուհ Ս. արք. Սարգսեանը, առաջնորդարանի իր գրասենեակում ընդունեց ԱՄՆ-ում երկար տարիների (շուրջ 55 տարի) համալսարանի դասախօս՝ դոկտ. Մասուդ Ղադեսիին:

  • Հ. Ուս. «Չհարմահալ» միութեան Վարչութեան անդամները ազգային առաջնորդարանում
    Հ. Ուս. «Չհարմահալ» միութեան Վարչութեան անդամները ազգային առաջնորդարանում

    Շաբաթ, 2019 թ.-ի յունիսի 15-ին, թեմիս առաջնորդ գերշ. Տ. Սեպուհ Ս. արք. Սարգսեանը, առաջնորդարանի իր գրասենեակում ընդունեց Հայ Ուս. «Չհարմահալ» միութեան նորընտիր վարչութեան անդամների ներկայացուցիչներին:

  • Հայաստանի Համահայկական խաղերի գործադիր կոմիտէում Իրանի ներկայացուցիչն ազգային առաջնորդարանում
    Հայաստանի Համահայկական խաղերի գործադիր կոմիտէում Իրանի ներկայացուցիչն ազգային առաջնորդարանում

    Շաբաթ, յունիսի 15-ին, թեմիս առաջնորդ՝ գերշ. Տ. Սեպուհ Ս. արք. Սարգսեանն առաջնորդարանի իր գրասենեակում ընդունեց Հայաստանի Համահայկական 7-րդ խաղերի գործադիր կոմիտէում Իրանի ներկայացուցիչ՝ պրն. Հէնրիկ Խալոյեանին:

  • Էդիկ Մեջլումեանի այցն ազգային առաջնորդարան
    Էդիկ Մեջլումեանի այցն ազգային առաջնորդարան

    Շաբաթ, 2019 թւականի յունիսի 15-ի առաւօտեան, թեմիս առաջնորդ՝ գերշ. Տ. Սեպուհ Ս. արք. Սարգսեանը, իր գրասենեակում ընդունեց Ուրմիայի Ս. Ստեփանոս եկեղեցու բարերար, գաղութի ազգայիններից եւ Մեծի Տանն Կիլիկիոյ կաթողիկոսարանի «Իշխան»-ի շքանշանակիր՝ պրն. Էդիկ Մեջլումեանին:

  • Շնորհաւորանք
    Շնորհաւորանք

    Էյդ-է Ֆեթրի տօնի առիթով, շնորհաւորում ենք ողջ Իսլամական աշխարհին եւ յատկապէս Իրանի Իսլամական Հանրապետութեան բնակիչ մեր իրանցի եղբայրներին եւ քոյրերին, մաղթելով բոլորին սէր, միութիւն, հանդուրժողականութիւն եւ փոխադարձ վստահութիւն:

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։