Հա

Համայնք

10/12/2016

Թ. Հ. Թ. Կրթական խորհրդի կազմակերպած 2016-2017 ուսումնական տարեշրջանի առաջին արշաւը տեղի ունեցաւ «Արարատ» մարզաւանում

2016 թւականի հինգշաբթի, նոյ. 17-ին «Արարատ» մարզաւանում վերսկսւեցին Թ. Հ. Թ. Կրթական խորհրդի Դաստիարակչական յանձնախմբի կազմակերպած աշակերտական արշաւները:
Արշաւին մասնակցում էին Թեհրանի հայոց դպրոցների 9-րդ միջնակարգ օղակի շուրջ 100 աշակերտներ:

2016 թւականի հինգշաբթի, նոյ. 17-ին «Արարատ» մարզաւանում վերսկսւեցին Թ. Հ. Թ. Կրթական խորհրդի Դաստիարակչական յանձնախմբի կազմակերպած աշակերտական արշաւները:
Արշաւին մասնակցում էին Թեհրանի հայոց դպրոցների 9-րդ միջնակարգ օղակի շուրջ 100 աշակերտներ:
Աշակերտները առաւօտեան ժամը 10-ին ներկայ գտնւեցին «Արարատ» մարզաւանի «Սասունցի Դաւիթ» սրահում:
Արշաւի բացման արարողութիւնը տեղի ունեցաւ Տէրունական աղօթքով, որից յետոյ յանձնախմբի ատենապետուհի Քլարա Աղախանեանը աշակերտներին ներկայացրեց օրւայ ծրագիրը:
9 խմբերի բաժանւած աշակերտները ընտրեցին իրենց խմբապետին եւ խմբի անունը: Նրանց հսկում էին Հայկական բարեգործական ընդհանուր միութեան Սկաուտական բաժանմունքի 7 եւ Հայ մշակութային «Արարատ» կազմակերպութեան Սկաուտական միութեան 2 անդամներ:
Ծրագրի առաջին բաժնում աշակերտները բաժանւեցին երկու մասի. մէկ մասը հայկական մի շուրջպար սովորեցին Հ. Ուս. «Չհարմահալ» միութեան յարկի տակ աշխատող «Ակունք» պարային խմբի գեղարւեստական ղեկավար տկն. Կարինէ Մանուչեհրեանի եւ նոյն պարախմբի 8 անդամների միջոցով: Իսկ միւս խումբը մասնակցեց գիտելիքների մրցութեան, որը ղեկավարում էր յանձնախմբի անդամ Նազիկ Բալղչեանը:
Խմբերի աշխատանքին օժանդակում էին Դաստիարակչական յանձնախմբի միւս անդամներ Բեսի Յովհաննիսեանը, Ստելլա Ասլանեանը, Քամելիա Շիրւանեանը, Կրթական խորհրդի կապ Նարբէ Աբուլեանը եւ Հիլդա Աղախանեանը:

161210d01a

Ճաշի ժամին աշակերտները միմեանց շուրջ անցկացնելուց յետոյ, նրանք խմբերի բաժանւելով, խաղացին սկաուտների առաջնորդութեամբ:
Աշակերտների հիւրասիրելու գործում յանձնախմբին օժանդակում էին դպրոցների ծնողական խորհրդի անդամները եւ տկն. Արմինէ Գրիգորեանը, որոնց յայտնում ենք մեր շնորհակալութիւնները: Ժամը 3-ի մօտ տեղի ունեցաւ արշաւի փակման արարողութիւնը եւ մասնակից աշակերտները, ծնողական խորհուրդների անդամներն ու պատասխանատուները յիշատակի նկար նկարւելուց յետոյ թողեցին մարզաւանը:

161210d01b

Յատուկ շնորհակալութեան խօսք պիտի ուղղենք «Ակունք» պարախմբի գեղարւեստական ղեկավար տկն. Կարինէ Մանուչեհրեանին եւ նրա փորձառու սաներին, Հ.Բ.Ը.Մ.-ի ու Հ.Մ.Ա.Կ.-ի Սկաուտական միութեան անդամներին՝ յանձնախմբին օժանդակելու, Հ.Մ.Ա.Կ.-ի Կենտրոնական վարչութեան եւ «Արարատ» մարզաւանի պատասխանատուներին ու աշխատողներին՝ յանձնախմբի աշխատանքը սահուն ընթանալու գործում իրենց ցուցաբերած համագործակցութեան համար:

Թ. Հ. Թ.
Կրթական խորհուրդ

Յարակից լուրեր

  • Մենք մերկ ենք
    Մենք մերկ ենք

    Մտերիմ ընկերներիցս մէկն իր առօրեան սկսում է մարմնամարզութեամբ: Առաւօտեան վարժանքները նա պարտադիր կատարում է «Արարատ» մարզաւանում:

    Եւ ահա մի քանի օր առաջ, նա ինձ փոխանցեց մարզաւանի հանդերձարանների մեղմ ասաց տխուր վիճակի մասին այս լուսանկարները:

  • Վերամուտի առիթով հանդիպում
    Վերամուտի առիթով հանդիպում

    Հանդիպման հիմնական նպատակը համատեղ կերպով քննարկելն էր՝ մեր դպրոցների հետ կապւած հարցեր, յատկապէս կրօնի եւ Ադեանի դասանիւթերի եւ այդ նիւթերը դասաւանդող ուսուցիչների աշխատանքի եւ դասապահերի հետ։ Խօսւեց նաեւ դպրոցական 2018-2019 տարեշրջանի վերամուտի հետ կապւած հարցերի մասին։

  • Հաղորդագրութիւն
    Հաղորդագրութիւն

    Որախութեամբ յայտնում ենք, Թ.Հ.Թ. Կրթական խորհրդի ջանքերի շնորհիւ արտօնութիւն ենք ստացել հայոց ազգային «Մարիամեան» դպրոցում կազմել միջնակարգ Բ օղակ (ուսողական ճիւղ):

  • Ասմունքի մրցութեանը մասնակցող աշակերտները մեծ խանդավառութեամբ մեկնեցին Շուշի
    Ասմունքի մրցութեանը մասնակցող աշակերտները մեծ խանդավառութեամբ մեկնեցին Շուշի

    2018 թ. յուլիսի 31-ից մինչեւ օգոստոսի 2-ը ՀՀ Սփիւռքի նախարարութեան, ԼՂՀ Կրթութեան եւ գիտութեան նախարարութեան եւ «Աւան Շուշի Պլազա» հիւրանոցային համալիրի նախաձեռնութեամբ ու աջակցութեամբ Շուշիում կանցկացւի ասմունքի Համահայկական 7-րդ փառատօնը, որը նւիրւած է «Արցախեան շարժման» 30-ամեակին:

  • Վարդավառի «ցունամի»-ն՝ «Արարատ» մարզաւանում
    Վարդավառի «ցունամի»-ն՝ «Արարատ» մարզաւանում

    Մեր առօրեայում յաճախ հանդիպում ենք «արժէք» եւ «մշակոյթ» հասկացութիւններին: Դրանք ամենուր են` մեր շրջապատում: Կառավարում եւ ուղղորդում են մեզ` գիտակցօրէն կամ ենթագիտակցօրէն: Դրանք,  ձեւաւորում են շարքային մարդկանց նկարագիրն ու վարքագիծը:

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։