Հա

Համայնք

15/12/2016 - 09:20

Թ. Հ. Թ. Թեմական խորհրդի հանդիպումը՝ Թեհրանում գործող միութիւնների ներկայացուցիչների հետ

Չորեքշաբթի, դեկտեմբերի 7-ին, ազգային առաջնորդարանի դահլիճում Թ. Հ. Թ. Թեմական խորհրդի հրաւէրով Թեհրանում աշխատող միութիւնների ներկայացուցիչների ներկայութեամբ խորհրդակցական հանդիպում տեղի ունեցաւ 2017 թւականի Ամանորի խրախճանքների կազմակերպման առումով:

Չորեքշաբթի, դեկտեմբերի 7-ին, ազգային առաջնորդարանի դահլիճում Թ. Հ. Թ. Թեմական խորհրդի հրաւէրով Թեհրանում աշխատող միութիւնների ներկայացուցիչների ներկայութեամբ խորհրդակցական հանդիպում տեղի ունեցաւ 2017 թւականի Ամանորի խրախճանքների կազմակերպման առումով:
Հանդիպմանը ներկայ էին՝ Հ. Մ. «Արարատ» կազմակերպութեան, Հ. Մ. «Սիփան», Հ. Մ. Մ. «Նայիրի», Հ. Մ. «Սարդարապատ», Հ. Ուս. «Չհարմահալ», «Հայ կին», Հայ համալսարանականների ընդհանուր միութեան, Հայ ուսուցիչների, Իրանահայ գրողների, Հայ Բարեգործական ընդհանուր միութեան, Փերիոյ Կրթասիրաց, Իրանի Հայ արհեստաւորների, Իրանահայ ճարտարապետների եւ ճարտարագէտների միութիւնների վարչութեան ատենապետ եւ փոխատենապետերը:
Թեմական խորհրդի ատենապետ՝ Ռուբիկ Կարապետեանը հանդիպման ընդառաջման եւ բարի գալստեան ողջոյնի խօսքերից յետոյ, գնահատեց միութիւնների դերակատարութիւնը Թ. Հ. Թ. 16-րդ նստաշրջանի Պատգամաւորական ժողովի ընտրութիւններում տարած աշխատանքների առումով: Նա նաեւ հանդէս եկաւ յայտարարութիւններով, որոնք առնչւում էին Կիլիկիոյ կաթողիկոս Ն.Ս.Օ.Տ.Տ. Արամ Ա Վեհափառ Հայրապետի Թեհրան ժամանելուն եւ կազմակերպւած միջոցառումներին, ապա ներկաների ուշադրութիւնը կենտրոնացւեց Ամանորի խրախճանքների, յատկապէս դեկտեմբերի 31-ին կազմակերպւող Նոր Տարւայ դիմաւորման տարբեր սրահներում կազմակերպւող խրախճանքներին:
Պրն. Կարապետեանը եւ Թեմական խորհրդի միւս անդամները իրենց հերթին միութիւններից խնդրեցին իրենց ուղղակի վերահասութեամբ կազմակերպել խնջոյքները, յարգել մասնակցողների համար ունեցած սահմանափակումները, ուշադրութիւն դարձնել սրահ մուտք գործողների երկրի պայմանների համապատասխան լինելը եւ մի շարք այլ մանրամասնութիւններ:
Միութիւնների ներկայացուցիչները եւս իրենց մտահոգութիւններն ու տեսակէտները փոխանցեցին եւ խորհրդակցեցին, որից յետոյ մօտ մէկ ժամ տեւող հանդիպումը աւարտւեց:

Ազգային առաջնորդարանի
Հանրային կապ

Յարակից լուրեր

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։