Հա

Համայնք

Երեքշաբթի, 20 Դեկտեմբերի 2016 09:40

Գեղարւեստական-բանախօսական ճոխ յայտագիր՝ նւիրւած Մեծի Տանն Կիլիկիոյ կաթողիկոս Արամ Ա Վեհափառ Հայրապետի գահակալութեան 20-ամեակին

Մեծի Տանն Կիլիկիոյ կաթողիկոս Ն.Ս.Օ.Տ.Տ. Արամ Ա Վեհափառ Հայրապետի գահակալութեան 20-ամեակին նւիրւած գեղարւեստական միջթեմական միջոցառում իրականացաւ, թւականիս դեկտեմբերի 16-ին, «Արարատ» մարզաւանի «Սասունցի Դաւիթ» դահլիճում, նախաձեռնութեամբ Թեհրանի հայոց թեմի Թեմական խորհրդի կողմից կեանքի կոչւած Վեհափառ Հայրապետի դիմաւորման յանձնախմբի:

«ԱԼԻՔ», Կ. Դ. - Մեծի Տանն Կիլիկիոյ կաթողիկոս Ն.Ս.Օ.Տ.Տ. Արամ Ա Վեհափառ Հայրապետի գահակալութեան 20-ամեակին նւիրւած գեղարւեստական միջթեմական միջոցառում իրականացաւ, թւականիս դեկտեմբերի 16-ին, «Արարատ» մարզաւանի «Սասունցի Դաւիթ» դահլիճում, նախաձեռնութեամբ Թեհրանի հայոց թեմի Թեմական խորհրդի կողմից կեանքի կոչւած Վեհափառ Հայրապետի դիմաւորման յանձնախմբի:
Գեղարւեստական միջոցառման պատասխանատուն էր Արտոյտ Զոհրաբեանը, իսկ հաղորդավարը Արինէ Ասլանեանը:
«Արարատ» մարզաւան մուտք գործելիս Վեհափառ Հայրապետին դիմաւորեցին Հ. Մ. «Արարատ» Կ.-ի Կենտրոնական վարչութեան անդամները: «Սասունցի Դաւիթ» սրահի մուտքին Վեհափառ Հայրապետը օրհնեց կազմակերպութեան սկաուտների մատուցած աղնուհացը եւ նրանց շարքերից անցնելով, ժողովրդի ծափողջոյնների ներքոյ մուտք գործեց սրահ:
161220d01aԵրեք թեմերի հոգեւոր առաջնորդների, Իրանում ՀՀ դեսպանութեան դիւանագիտական կազմի, Ռուսաստանի Դաշնութեան դեսպանի, Իրանի Իսլ. խորհրդարանում Թեհրանի եւ հիւսիսային իրանահայութեան պատգամաւոր դոկտ. Կարէն Խանլարեանի, յարանւանութիւնների հոգեւոր հայրերի, երեք թեմերի Պատգամաւորական ժողովների ու Թեմական խորհուրդների, ազգային բարերարների ու մարմինների եւ «Ալիք» հաստատութեան ներկայացուցիչների եւ մեծ թւով հայրենակիցների մասնակցութեամբ ծրագիրը մեկնարկեց Տէրունական աղօթքով եւ «Կիլիկիա» օրհներգով, որը իրականացրեց «Հայ կին» միութեանը կից «Անահիտ» միութեան «Զւարթնոց» երգչախումբը՝ Էդիկ Թամրազեանի ղեկավարութեամբ:
Բացման խօսքը վերապահւած էր Ատրպատականի հայոց թեմի առաջնորդ Տ. Գրիգոր եպս. Չիֆթչեանին:
161220d01bԸնթացքում ողջոյնի խօսք ասաց Մեծի Տանն Կիլիկիոյ կաթողիկոսութեան Ազգային ժողովի անդամ Վարդան Վարդանեանը:
Մեներգերով ելոյթ ունեցան Նոր Ջուղային Ս. Ամենափրկիչ վանքի «Կոմիտաս» երիտասարդական երգչախմբի անդամ-անդամուհիներ՝ Վանայ Շիրւանեանը, Տանիա Մինասեանը եւ Հարմա Կարապետեանը, ղեկավարութեամբ Արմէն Ամիրխանեանի: Ատրպատականի հայոց թեմից ասմունքով ելոյթ ունեցաւ Նայիրի Դիլանեանը:
Ծրագրի ընթացքում ներկաներին խօսք ուղղեց Սպահանի հայոց թեմի կաթողիկոսական փոխանորդ Տ. Սիփան ծ. վրդ. Քէչէճեանը:
161220d01cՎեհափառ Հայրապետի կենսագրական, ազգանւէր եւ եկեղեցանւէր համապարփակ կենսագրական տւեալները ներկայացրեց Թ. Հ. թեմի առաջնորդ Տ. Սեպուհ արք. Սարգսեանը:
Գեղարւեստական յայտագրին մաս էր կազմում պարային կատարումներ, որոնք իրականացրին տկն. Լոռեթա Աւետիսեանի ղեկավարութեամբ «Զարթօնք» եւ տկն. Անահիտ Աւետեանի ղեկավարութեամբ «Արարատ» պարախմբի սաները:
161220d01dԾրագրի սկզբում նախ ցուցադրւեց Վեհափառ Հայրապետի այս տարւայ այցի առաջին օրերից տեսաֆիլմ, իսկ ընթացքում Վեհափառ Հայրապետի կենսագրական տւեալները եւ քաղաքական դաշտում ծաւալած լայնամասշտաբ գործունէութիւնը:
Վերջում Թ. Հ. թեմի առաջնորդ Տ. Սեպուհ արք. Սարգսեանը եզրափակիչ խօսքի համար բեմ հրաւիրեց Մեծի Տանն Կիլիկիոյ կաթողիկոս Ն.Ս.Օ.Տ.Տ. Արամ Ա Վեհափառ Հայրապետին: 161220d01eԻր արտայայտութիւնների ընդմիջից Վեհափառ Հայրապետը կարեւորութեամբ անդրադարձաւ Կիլիկիոյ կաթողիկոսութեան ազգանւէր լայնածաւալ աշխատանքներին, ընդգծելով. «Մեծի Տանն Կիլիկիոյ կաթողիկոսութեան համար ազգին ու եկեղեցուն ծառայելը միշտ մնացած է գերագոյն ու սրբազնագոյն արժէք ու մարտահրաւէր»: Իր պատգամի այլ բաժնում Վեհափառ Հայրապետը աւելացրեց. «Ազգը, եկեղեցին ու հայրենիքը իր անձէն վեր ու վեհ նկատող մարդու կարիք ունի» եւ կարեւորեց Մեծի Տանն Կիլիկիոյ կաթողիկոսութեան տեսիլք ունեցող մարդ պատրաստելու առաքելութիւնը:

161220d01f

Յարակից Հրապարակումներ

  • Բակօ Սահակեանը եւ Արամ Ա Վեհափառը քննարկել են Արցախի ներքին եւ արտաքին քաղաքականութեանը վերաբերող մի շարք հարցեր
    Բակօ Սահակեանը եւ Արամ Ա Վեհափառը քննարկել են Արցախի ներքին եւ արտաքին քաղաքականութեանը վերաբերող մի շարք հարցեր

     Արցախի Հանրապետութեան նախագահ Բակօ Սահակեանը հոկտեմբերի 20-ին Բրիւսէլ քաղաքում հանդիպում է ունեցել Մեծի Տանն Կիլիկիոյ կաթողիկոս Արամ Առաջինի հետ: 

  • Թեհրանի հայոց թեմի Ազգային առաջնորդարանի դիւանի հաղորդագրութիւնը
    Թեհրանի հայոց թեմի Ազգային առաջնորդարանի դիւանի հաղորդագրութիւնը

    Խոր ցաւով եւ ընդվզումով իմացանք անմարդկային եւ խիստ դատապարտելի այն յարձակումը, որ կատարւեց մի քանի օրեր առաջ, Նոր Ջուղայի մեր առաջնորդ Հայր Սուրբի եւ նրա մեքենայի վրայ եւ ազգային կառոյցի ականաւոր ազգայիններից պրն. Վարուժան Մինասեանի վրայ, ծանրօրէն վիրաւորելով նրան:

  • «Շնորհակալութիւն դոնոր»-ը «Արարատ»-ում
    «Շնորհակալութիւն դոնոր»-ը «Արարատ»-ում

    Ոսկրածուծի դոնորի միջազգային օրը այս անգամ եւս խորհրդանշւեց գեղեցիկ միջոցառմամբ։ Թեհրանի «Արարատ» մարզաւանում անցկացւող հերթական Համահայկական խաղերի ընթացքում, «Ոսկրածուծի դոնորների հայկական ռէեստր» (ՈԴՀՌ) բարեգործական հիմնադրամի Իրանահայ գրասենեակի ներկայացուցիչները իրականացրեցին մեծ դոնորահաւաք «Շնորհակալութիւն դոնոր» խորագրով։

  • Հաղորդագրութիւն
    Հաղորդագրութիւն

    Մեծի Տանն Կիլիկիոյ կաթողիկոսութեան միաբանութեան երէց անդամներից գերշ. Տ. Նորայր Ս. Արք. Աշըգեանի վախճանման տխուր առիթով, թեմիս առաջնորդ՝ գերշ. Տ. Սեպուհ Ս. արք. Սարգսեանը յանուն մեր Ազգային իշխանութեան, ժողովականութեան եւ ժողովրդին հետեւեալ ցաւակցական նամակ է յղել Ն.Ս.Օ.Տ.Տ Արամ Ա Վեհափառ Հայրապետին: 

  • Գրիգոր եպս. Չիֆթճեան. «Սփիւռքահայութեան զարկերակն է Մեծի Տանն Կիլիկիոյ կաթողիկոսութիւնը»
    Գրիգոր եպս. Չիֆթճեան. «Սփիւռքահայութեան զարկերակն է Մեծի Տանն Կիլիկիոյ կաթողիկոսութիւնը»

    Մեծի Տանն Կիլիկիոյ կաթողիկոս Ն.Ս.Օ.Տ.Տ. Արամ Ա Վեհափառ Հայրապետի բարեբաստիկ ընտրութեան եւ շնորհառատ հովւապետական օծման 22-րդ տարեդարձի առիթով (յունիս 28-1 յուլիս 1995) յունիսի 25-ին Ատրպատականի հայոց թեմում կատարւեց Հայրապետական մաղթանք, Վեհափառ Հայրապետի կենաց արեւշատութեան, քաջառողջութեան եւ Մեծի Տանն Կիլիկիոյ կաթողիկոսութեան անսասանութեան համար:

Ամենաշատ ընթերցւած

Քւէարկութիւն

Սարգսեան-Ալիեւ վերջին հանդիպման արդիւնքում կը գրանցւի՞ արդեօք առաջընթաց ԼՂ հակամարտութեան կարգաւորման գործում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։