Հա

Համայնք

Չորեքշաբթի, 21 Դեկտեմբերի 2016 10:10

Նշանաւորւեց Հայ Յեղափոխական Դաշնակցութեան 126-ամեակը

Գեղարւեստական-բանախօսական յայտագրով նշանաւորւեց 126-ամեայ, սակայն երիտասարդական աւիւնով առլեցուն Հայ Յեղափոխական Դաշնակցութեան եւս մէկ ամեակ:
Իր կենսաւորումը հայ ժողովրդի ազգային-ազատագրման շարժումից ակունք առած Դաշնակցութեան 126-ամեակի հանդիսութիւնը իրականացաւ թւականիս, դեկտ. 15-ի երեկոյեան Հ. Մ. «Արարատ» Կ.-ի «Կոմիտաս» սրահում:

«ԱԼԻՔ», Կ. Դ. - Գեղարւեստական-բանախօսական յայտագրով նշանաւորւեց 126-ամեայ, սակայն երիտասարդական աւիւնով առլեցուն Հայ Յեղափոխական Դաշնակցութեան եւս մէկ ամեակ:
Իր կենսաւորումը հայ ժողովրդի ազգային-ազատագրման շարժումից ակունք առած Դաշնակցութեան 126-ամեակի հանդիսութիւնը իրականացաւ թւականիս, դեկտ. 15-ի երեկոյեան Հ. Մ. «Արարատ» Կ.-ի «Կոմիտաս» սրահում:
«Մշակ բանւոր» քայլերգով մեկնարկած միջոցառմանը ցուցադրւեց փաստա-վաւերագրական տեսաֆիլմ, ուր ներկայացւած էր ՀՅԴ անցած 126 տարիների վերիվայրումներով լի ուղին՝ սկսած 1890 թւականից մինչեւ Արցախեան ազատագրական շարժում:
Միջոցառմանը, օրւայ առիթով ելոյթ ունեցաւ «Ալիք» հաստատութեան ներկայացուցիչ Հենրիկ Խալոյեանը: Իր արտայայտութիւնների ընթացքում նա նշեց. «Իրօք տօն է այսօր, ու միաժամանակ ուխտի վերանորոգման, հաշւետւութեան եւ ինքնագնահատման պատեհ առիթ»: Նա ներկաներին հրաւիրեց մէկ րոպէ յոտընկայս լռութեամբ յարգել առյաւէտ հեռացած կուսակցականների յիշատակը, յատկապէս նրանց, ովքեր զոհւեցին Սիրիայում եւ Արցախի քառօրեայ պատերազմներում:
161221d01aՕրւայ բանախօս էր հրաւիրւած Սիրիայի խորհրդարանի պատգամաւոր Ժիրայր Ռէյիսեանը: Իր արտայայտութիւնների ընթացքում բանախօսը անդրադարձաւ ՀՅԴ-ի անցած 126-ամեայ ուղուն: Նա նշեց. «Մենք նման ենք անտառի ծառերուն, որոնք փոթորիկին դէմ կը դնեն ոչ թէ իրենց ճիւղերը երկարելով, այլ արմատները հողին մէջ խորասուզելով: Այս է այս կազմակերպութեան ամրութեան հիմնական գաղտնիքը: Մենք տրամաբանութեամբ կը խոնարհինք, այն տոկունութեան ու հաստատակամութեան, կամքին ու գործին դիմաց, որու ճամբով 126 տարիներ ունեցած է աշխատանք, զոհողութիւն, նւիրում եւ կերտած է պատմութիւն»: Նա կարեւորութեամբ անդրադարձաւ հայ ժողովրդին պաշտպանելու առումով ՀՅԴ-ի ծաւալած աշխատանքներին, սկսած ֆիդայական շարժումներից, ընդհուպ մինչեւ Արցախ, Լիբանան եւ Սիրիա:
161221d01bԵզրափակիչ խօսքով հանդէս եկաւ Թ. Հ. թեմի առաջնորդ Տ. Սեպուհ արք. Սարգսեանը: Թեմական առաջնորդը նշեց, որ իւրաքանչիւր ամեակի նշումը պարտաւորեցնող հանգամանք է եւ աւելացրեց. «Ամեակի նշումը իւրաքանչիւր կազմակերպութեան անդամի մօտ վերակենդանացնում է իր կազմակերպութեան առաքելութիւնը, իր կազմակերպութեան պատասխանատւութիւնը եւ յանձնառութիւնը հանդէպ իր ազգին»:
Թեմակալ առաջնորդը կարեւորեց, որ Դաշնակցութեան հիմնադիր ռահվիրաները իրենց հաւատքով, հայ ժողովրդի հանդէպ սիրով եւ ապագայի վառ տեսլականը կերտելու յոյսով հիմքը դրեցին ՀՅԴ-ի եւ յանուն ժողովրդի պատրաստ նւիրաբերելու իրենց կեանքը:
Միջոցառման գեղարւեստական բաժնում հնչեցին յեղափոխական երգեր եւ ասմունք:
Յեղափոխական երգերի եւ նւագակցութեան կատարումներով հանդէս եկան՝ Դերենիկ Սարգսեանը, Վահագն Սարգսեանը, Ստիւ Աւանէսեանը, Ռոնի Բաբախանեանը, Ֆրէդ Մադաթեանը, իսկ ասմունքով՝ Արգին Տէր-Մկրտչեանը:
Հաղորդավարներն էին՝ Սօսէ Ասլանեան եւ Շաւարշ Խեչումեանը:

Յարակից Հրապարակումներ

  • Կեանքը յաղթեց մահին. Հալէպում տօնածառ են զարդարել
    Կեանքը յաղթեց մահին. Հալէպում տօնածառ են զարդարել

    Աղէտի հետքերը Հալէպում դեռ ամենուր են, սակայն քաղաքի քրիստոնեաներն արդէն Ամանորի տօնածառ են կանգնեցրել:

  • Իրանի եկեղեցիների ներկայացուցիչները միանում են աշխարհի քրիստոնեաներին եւ դատապարտում Երուսաղէմի հարցով Թրամփի որոշումը
    Իրանի եկեղեցիների ներկայացուցիչները միանում են աշխարհի քրիստոնեաներին եւ դատապարտում Երուսաղէմի հարցով Թրամփի որոշումը

    Չորեքշաբթի, առաւօտեան թւականիս 13 դեկտեմբեր-ի ժամը 11։30-ին Ազգային Առաջնորդարանի դահլիճում, նախաձեռնութեամբ թեմիս բարեխնամ առաջնորդ գերշ. Տ. Սեպուհ Ս. արք. Սարգսեանի, տեղի ունեցաւ Թեհրանի եւ Իրանի եկեղեցիների եպիսկոպոսների եւ ղեկավարների միասնական հանդիպում, որի ընթացքին իրանի եկեղեցիների ժողովը հրապարակեց իր բողոքագիրը ի դէմ ԱՄՆ-ի նախագահ Թրամփի որոշման, ըստ որի Երուսաղէմը յայտարարւել էր սիոնիստական վարչակարգի մայրաքաղաք։

  • Մեր վտանգուած գանձը՝ Արամի տու՛նը
    Մեր վտանգուած գանձը՝ Արամի տու՛նը

    Ժամանակէ մը ի վեր, խոր մտահոգութեամբ կը հետեւինք «Հին Երեւան» անունը կրող շուկայական համալիրի ծրագրային կազմաւորման փուլերուն։ Մեծածախս այս ծրագրին տէրերը հետեւողականօրէն կը պնդեն, որ հակառակ յաջորդական ձգձգումներուն՝ ծրագիրը կենդանի է եւ շուտով պիտի մտնէ շինարարական փուլ։ Կիմանանք սակայն, որ դեռ հարցեր կան լուծուելիք, որոնց բնոյթը յայտնի չէ հանրութեան։ 

  • Հանդիպում Զէյթուն քաղաքամասի ժողովրդի հետ
    Հանդիպում Զէյթուն քաղաքամասի ժողովրդի հետ

    Երեքշաբթի, 13 դեկտեմբեր 2017-ի երեկոյեան ժամը 8-10։30, Թ.Հ.Թ. բարեխնամ առաջնորդ՝ գերշ. Տ. Սեպուհ Ս. արք. Սարգսեանը հանդիպեց քաղաքիս հայահոծ թաղերից՝ Զէյթուն քաղաքամասի մի խումբ բնակիչների հետ, Զէյթուն քաղաքամասի Ս. Գրիգոր Լուսաւորիչ եկեղեցու դահլիճում:

  • Թեհրանի Պահակազօրի ներկայացուցիչներն ազգային առաջնորդարանում
    Թեհրանի Պահակազօրի ներկայացուցիչներն ազգային առաջնորդարանում

    Չորեքշաբթի, 13 դեկտեմբեր 2017-ի առաւօտեան ժամը 11-ին Թեհրանի Պահակազօրի անձնուրացների հանրային կապի պատասխանատու՝ կապիտան Ահմադ Աբադին, Պահակազօրի Մշակոյթ եւ Ղուրան բաժանմունքի պատասխանատու՝ դոկտ. Ղորբանին այցելեցին թեմիս բարեխնամ առաջնորդ՝ գերշ. Տ. Սեպուհ Ս. արք. Սարգսեանին։ 

Ամենաշատ ընթերցւած

Քւէարկութիւն

Ինչպէ՞ս էք վերաբերւում Երուսաղէմը որպէս Իսրայէլի մայրաքաղաք ճանաչելու Թրամփի որոշմանը:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։