Հա

Համայնք

Կիրակի, 25 Դեկտեմբերի 2016 11:20

Մեծի Տանն Կիլիկիոյ կաթողիկոս.- «Իրանի Իսլամական Հանրապետութեան սահմաններէն ներս մեր համայնքը ամէն իմաստով, ամէն տեսակ կարելիութիւններ եւ ազատութիւնը ունի»

Մեծի Տանն Կիլիկիոյ կաթողիկոս Ն.Ս.Օ.Տ.Տ Արամ Ա Վեհափառ Հայրապետը աւարտելով Իրան կատարած իր հայրապետական այցը դեկտեմբերի 21-ին Թեհրանի «Էմամ Խոմէյնի» օդանաւակայանում հետեւեալ պատգամը յղեց.

Մեծի Տանն Կիլիկիոյ կաթողիկոս Ն.Ս.Օ.Տ.Տ Արամ Ա Վեհափառ Հայրապետը աւարտելով Իրան կատարած իր հայրապետական այցը դեկտեմբերի 21-ին Թեհրանի «Էմամ Խոմէյնի» օդանաւակայանում հետեւեալ պատգամը յղեց.

 

«Ես իմ ուրախութիւնս կը յայտնեմ, որ անգամ մը եւս այցելեցի Թեհրանի հայութեանը եւ այստեղ տեսայ, վկայեցի հոգեւոր ու ազգային խանդավառութիւն: Ազգային առաջնորդարանի շուրջ համախմբւած են մեր կրթական, մշակութային, բարեսիրական, հայրենակցական միութիւնները, ամէն տեղ կազմակերպւածութիւն կայ, կենսունակութիւն կայ, խանդավառութիւն կայ, յանձնառութիւն կայ հոգեւոր ու ազգային արժէքներու նկատմամբ: Այս երեւոյթը մեծապէս խանդավառեց զիս: Պէտք է շարունակւի այս ընթացքը, Թեհրանի հայութեան եւ ընդհանրապէս Իրանի հայութեան կեանքէն ներս: Մեզի համար ինչպէս շեշտեցի՝ եկեղեցին միայն հոգեւոր կենտրոն չէ, եկեղեցին միայն կրօնական ծառայութեան լծւած չէ, այլ նաեւ ազգային:
Մեր պարագային՝ հոգեւորը, ազգայինը, մշակութայինը եւ մեր ժողովուրդին դատը, այս բոլոր տարածքները իրարու հետ սերտօրէն առնչւած են, մէկ ամբողջութիւն են: Մեծի Տանն Կիլիկիոյ կաթողիկոսութիւնը իր թեմերով այսպէս կըմբռնէ եւ այս գիտակցութեամբ, յանձնառութեամբ ու տեսիլքով կը ծառայէ ժողովրդին: Ուրախ եմ, որ Իրանի Իսլամական Հանրապետութեան սահմաններէն ներս մեր համայնքը ամէն իմաստով, ամէն տեսակ կարելիութիւններ եւ ազատութիւնը ունի եւ մեր ու գաղութին յարաբերութիւնը Իրանի Իսլամական Հանրապետութեան հետ շատ լաւ է, ինչպէս նաեւ Մեծի Տանն Կիլիկիոյ կաթողիկոսութեան յարաբերութիւնը վերանորոգ թափով կը շարունակւի: Այդ ծիրէն ներս մենք ունեցանք մեր եօթերորդ երկխօսութիւնը՝ Իրանի Իսլամական Հանրապետութեան հետ, այս անգամ ինչպէս գիտէք թեման «Կրօն եւ բռնութիւն» էր եւ այս նիւթին շուրջ մենք խորհրդակցութիւններ ունեցանք, յառաջիկայ հանդիպումը տեղի պիտի ունենայ Անթիլիասին մէջ: Հետեւաբար ես այս մտածումներով, այս զգացումներով եւ մաղթանքներով կը մեկնիմ Թեհրանէն, անգամ մը եւս կողջունեմ մեր ժողովուրդի սիրելի զաւակները, կողջունեմ առաջնորդ Սրբազանը, ազգային իշխանութիւնը, յարակից բոլոր մարմինները, կաղօթեմ առ Աստւած որ միշտ պահապան ու նեցուկ կանգնի մեր գաղութին եւ այն բոլոր ծրագիրներուն ու աշխատանքներուն, որոնց նպատակը մեր եկեղեցու պայծառացումն է, մեր կառոյցներու կենսունականացումը եւ ընդհանրապէս մեր գաղութին կազմակերպ ու աշխուժ պահպանումը»:

Թղթակից՝ Կ. ԴԱՒԹԵԱՆ

Յարակից Հրապարակումներ

Ամենաշատ ընթերցւած

Քւէարկութիւն

Ո՞ր թիմը կը յաղթի Կոնֆեդերացիաների գաւաթի մրցաշարում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։