Հա

Համայնք

26/12/2016 - 13:30

Աղւան Յովսէփեան.- «Կայ ձգտում երկկողմ յարաբերութիւնների առաւել զարգացման համար»

Իրանի գլխաւոր քննչական կազմակերպութեան նախագահ Նասեր Սերաջի հրաւէրով, դեկտեմբերի 23-ին Թեհրան ժամանած Հայաստանի Հանրապետութեան Քննչական կոմիտէի նախագահ Աղւան Յովսէփեանը եւ նրան ընկերակցող պատւիրակութիւնը, ուղեկցութեամբ Իրանում Հայաստանի արտակարգ եւ լիազօր դեսպան Արտաշէս Թումանեանի եւ դեսպանութեան դիւանագիտական կազմի, երէկ երեկոյեան այցելեց Թեհրանի ազգային առաջնորդարան:

«ԱԼԻՔ», Կ.Դ. - Իրանի գլխաւոր քննչական կազմակերպութեան նախագահ Նասեր Սերաջի հրաւէրով, դեկտեմբերի 23-ին Թեհրան ժամանած Հայաստանի Հանրապետութեան Քննչական կոմիտէի նախագահ Աղւան Յովսէփեանը եւ նրան ընկերակցող պատւիրակութիւնը, ուղեկցութեամբ Իրանում Հայաստանի արտակարգ եւ լիազօր դեսպան Արտաշէս Թումանեանի եւ դեսպանութեան դիւանագիտական կազմի, երէկ երեկոյեան այցելեց Թեհրանի ազգային առաջնորդարան:
Հիւրին դիմաւորեցին՝ Թ. Հ. թեմի առաջնորդ Տ. Սեպուհ արք. Սարգսեանն, Իսլամական խորհրդարանում իրանահայ պատգամաւորներ դոկտ. Կարէն Խանլարեանն ու Ժորժիկ Աբրահամեանը, Թ. Հ. Թ. Պատգամաւորական ժողովի, Թեմական խորհրդի, Հաշւեքննիչ մարմնի, «Ալիք» հաստատութեան, «Ալիք» օրաթերթի եւ ազգային մարմինների ներկայացուցիչները:
Սկզբում հիւրերին ողջոյնի խօսք ասաց թեմակալ առաջնորդը՝ ներկայացնելով իրանահայ եւ ի մասնաւորի՝ թեհրանահայ համայնքի ազգային-կրօնական կառոյցն եւ դրւածքը: Իր արտայայտութիւնների ընթացքում թեմակալ առաջնորդն անդրադառնալով Իրան-Հայաստան ջերմ յարաբերութիւններին ասաց. «Հաւատացած ենք, որ Իրանը որպէս հզօր երկիր, այսօր տարածաշրջանի մէջ իր ասելիքն ու անելիքն ունի եւ Հայաստանը, որպէս Իրանի բարեկամ երկիր բնականաբար իր ներդրումն կունենայ տարածաշրջանի խաղաղութեան ամրապնդման ու հաստատման մէջ»:
Հանդիպման ընթացքում Աղւան Յովսէփեանն անդրադարձաւ այցի նպատակներին եւ Իրանի պետական շրջանակների հետ անցկացրած հանդիպումներին ու ստորագրւած փոխըմբռնման յուշագրերին:
Նա նշեց, որ հանդիպում է ունեցել Իրանի Արդարադատութեան նախարարի, դատական ուժի պետի տեղակալ հոջ. Էժէյիի, նրա տեղակալի, Իրանի Քննչական կազմակերպութեան նախագահ պրն. Սերաջիի հետ, եղել է Մարդու իրաւունքների պաշտպանութեան ինստիտուտում:
«Բոլոր դէպքերում երկու երկրների յարաբերութիւնները շատ ջերմ են եւ որեւէ քողարկւած հարցեր առկայ չեն, այլ կայ ձգտում այդ յարաբերութիւնները առաւել բարւոք վիճակի մէջ դնելու»,- ասաց Ա. Յովսէփեանը:
Անդրադառնալով իրանահայ համայնքին պրն. Յովսէփեանը հիացմունք արտայայտեց համայնքային համախմբւածութեան եւ արժէքներին կապւածութեան մասին:

Յարակից լուրեր

  • Ինչո՞ւ էք ողջին մեռելների մէջ փնտրում, նա այստեղ չէ, յարութիւն առաւ
    Ինչո՞ւ էք ողջին մեռելների մէջ փնտրում, նա այստեղ չէ, յարութիւն առաւ

    Քրիստոսի Հրաշափառ Յարութեան խորհրդով մեզ շնորհւած նոր կեանքը պէտք է դարձնենք մեկնակէտ աստւածատուր կեանքի, որ է սիրոյ, զոհողութեան ու նւիրումի, բարեգործութեան ու խաղաղութեան կեանք, չարի վրայ տարւած յաղթական կեանք։ Չմոռանանք, որ Քրիստոս իր Յարութեամբ չարը խափանեց եւ բարի կեանքով մեզ արժանացրեց իր շնորհքին եւ օրհնութեան։

  • Դաշթ-է Ազադեգան եւ Սուսանգերդ շրջանների բանկիչները երախտագիտութիւն են յայտնել դոկտ. Կարէն Խանլարեանին
    Դաշթ-է Ազադեգան եւ Սուսանգերդ շրջանների բանկիչները երախտագիտութիւն են յայտնել դոկտ. Կարէն Խանլարեանին

    Ջրհեղեղից տուժած, Խուզեստան նահանգի Դաշթ-է Ազադեգան եւ Սուսանգերդ շրջանների բնակիչները հանդէս են եկել յայտարարութեամբ, իրենց երախտագիտութիւնը յայտնելով համազգային այս զօրաշարժին իրանահայութեան, դոկտ. Կարէն Խանլարեանի ակտիւ մասնակցութեան կապակցութեամբ:

  • Յիշատակ տասն կուսանաց
    Յիշատակ տասն կուսանաց

    Տասը կոյսերի յիշատակին նւիրւած խորհրդաւոր օրւայ առիթով, թւականիս երեքշաբթի ապրիլի 16-ի երեկոյեան Թեհրանի բոլոր եկեղեցիներում տեղի ունեցաւ տասը կոյսերին նւիրւած յիշատակի արարողութիւնը:

  • Թ. Հ. Թ. առաջնորդը շնորհաւորել է Բանակի օրը
    Թ. Հ. Թ. առաջնորդը շնորհաւորել է Բանակի օրը

    Թեհրանի հայոց թեմի առաջնոդը՝ Իրանի Իսլ. Հանրապետութեան Բանակի օրւայ կապակցութեամբ շնորհաւորական ուղերձ է յղել յեղափոխութեան առաջնորդ այաթ. Խամենէիին: Ուղերձում մասնաւորապէս նշւած է. «Մի երկրի եւ նրա ժողովրդի ապահովութեան, խաղաղ կեցութեան, անվտանգութեան երաշխիքը իր բանակն է, քաջ ու մարտունակ բանակը։

  • Կոչ մեր սիրելի ժողովրդին
    Կոչ մեր սիրելի ժողովրդին

    Տօնական այս օրերին, երբ Աւագ Շաբաթւայ խորհրդով ենք ապրում, կոչ եմ անում մեր ժողովրդի սիրելի զաւակներին, որ իրենց անվերապահ մասնակցութիւնը բերեն Իրանի տարբեր շրջաններում տեղի ունեցած աղէտի պատճառով տուն-տեղ կորցրած աղէտահարների համար ընթացքի մէջ եղող հանգանակութեան։

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։