Հա

Համայնք

26/12/2016

Բուրաստանի ասֆալտապատումը աշխատանքային օրակարգում

Երէկ, դեկտեմբերի վերջին շաբաթւայ կիրակին, Թ. Հ. թեմի Գերեզմանատան եւ հանգստարանների խորհուրդը գլխաւորութեամբ Ջանէս Աւետեանի, մասնակցելով Թեհրանի 15-րդ շրջանի քաղաքապետարանի կազմակերպած «Աշխատանքային նախաճաշին, առիթն ունեցաւ ներկայացնելու «Բուրաստանի» ասֆալտապատմանը, ինչպէս նաեւ աղբարկղներին առնչւող խնդիրները:

Թեհրանի 16-րդ շրջանի քաղաքապետարանի եւ Գերեզմանատան վարչութեան կայացած նիստի ընթացքում արծարծւեց


«ԱԼԻՔ», ՀԱՏԻՍ - Երէկ, դեկտեմբերի վերջին շաբաթւայ կիրակին, Թ. Հ. թեմի Գերեզմանատան եւ հանգստարանների խորհուրդը գլխաւորութեամբ Ջանէս Աւետեանի, մասնակցելով Թեհրանի 15-րդ շրջանի քաղաքապետարանի կազմակերպած «Աշխատանքային նախաճաշին, առիթն ունեցաւ ներկայացնելու «Բուրաստանի» ասֆալտապատմանը, ինչպէս նաեւ աղբարկղներին առնչւող խնդիրները:
Հանդիպմանը, որին մասնակցող պաշտօնեաները ներկայացնում էին Թեհրանի գլխաւոր քաղաքապետի՝ դոկտ. Ղալիբաֆի հիմնական աշխատակազմը, միաձայն բարձր գնահատելով իրանահայութեան դերը երկրի կառուցապատման եւ ինքնապաշտպանութեան ոլորտներում ընդգծւած յիշեցին թեհրանահայ համայնքի նւիրած 74 հայ նահատակների, 35 գերիների եւ 45-ից աւելին պատերազմական վիրաւորների մասին, ինչը շարունակւեց «Բուրաստանում» նահատակների շիրիմներին այցելութեամբ ու յարգանքի տուրքի մատուցմամբ:
Պատասխանատուները կարեւորելով նահատակների ընտանիքներին կատարւած այցելութիւնների փաստը, նշեցին նաեւ, որ տօնական այս օրերին շարունակւելու են պատասխանատուների նմանօրինակ այցերը, որոնք հաւանաբար կենտրոնացւած լինեն Թեհրանի 8-րդ շրջանում հաստատւած հայ նահատակների ընտանիքներին:
Հանդիպմանը մասնակցած եւ «Բուրաստան» այցելած պատւիրակութեան կազմում ներկայ էին Թեհրանի քաղաքապետարանի կրօնական հարցերով կենտրոնի նախագահ՝ հոջ. Սադեղզադէն, Խաւարշահրի աղօթապետ՝ հոջ. Եասինին, Թեհրանի 15-րդ շրջանի քաղաքապետ՝ դոկտ. Անջոմանին, «Իսարգարան»-ի նախագահ՝ պրն. Ազադէն, եւ 15-րդ շրջանի քաղաքապետարանի ողջ տնօրինութիւնը:
Գերեզմանատան գրասենեակում շարունակւող հանդիպում-թէյասեղանի ընթացքում արծարծւած խնդիրների վերաբերեալ արտայայտւելով քաղաքապետ՝ Անջոմանին նշեց, որ ասֆալտապատման մասին խնդիրը օրակարգի սեղանին է, ինչի իրականացումը պայմանաւորւած է աշխատանքային գալիք տարւայ բիւջետային նախագծերում ներառած տեսնելով:
Բուրաստանի շրջափակում աղբարկղների գնման եւ տեղակայման խնդիրը նոյնպէս անմասն չմնաց հանդիպմանն արծարծւած թեմաներից, ինչի մասին պատասխանատուները յայտնեցին, որ այս խնդիրը նոյնպէս քաղաքապետարանի աշխատանքային օրակարգում է:
Վարարած անձրեւը չխանգարեց պատւիրակութեանը, որպէսզի այցելի նաեւ «Թոփոլովի» աղէտի զոհերի շիրիմներին, որին յաջորդեց Բուրաստանի Ս. Ստեփանոս եկեղեցի կատարած այցը:
Թ. Հ. Թ. Գերեզմանատների վարչութեան նախագահ՝ Ջանէս Աւետեանի ուղեկցութեամբ խումբը ծանօթացաւ նաեւ ասֆալտապատմանը կարօտ տարածքներին, ինչով էլ եզրափակւեց հանդիպման պաշտօնական ընթացքը:
Գերեզմանատան վարչութեան անունից հանդիպմանը մասնակցում էին՝ Ջանէս Աւետեանը, Խեչօ Նազարեանը եւ Սուրէն Հայրապետեանը, ինչպէս նաեւ նախկին վարիչ Նժդեհ Սինանեանը:
Յաւելենք նաեւ, որ երեկոյեան, Թեհրանի գլխաւոր քաղաքապետ՝ դոկտ. Ղալիբաֆի անունից Թեհրանի քաղաքապետարանի Հասարակայնութեան հետ հարցերի խորհրդի նախագահ՝ դոկտ. Մուսաւին նոյնպէս այցելել է Բուրաստան եւ հանդիպելով վարչութեան հետ փոխանցել է դոկտ. Ղալիբաֆի շնորհաւորանքները Ս. Ծննդեան տօների առիթով:

Յարակից լուրեր

  • Տ. Սեպուհ արք. Սարգսեանի Թեհրանի հայոց թեմում առաջնորդութեան 19-րդ եւ քահանայական ձեռնադրութեան եւ օծման 50-րդ ամեակները
    Տ. Սեպուհ արք. Սարգսեանի Թեհրանի հայոց թեմում առաջնորդութեան 19-րդ եւ քահանայական ձեռնադրութեան եւ օծման 50-րդ ամեակները

    Թեհրանի հայոց թեմում, որպէս թեմի առաջնորդ իր առաքելութիւնը սկզբնաւորած Տ. Սեպուհ արք. Սարգսեանի եկեղեցական, կրօնական, ազգային ու հասարակական աշխատանքների եւ առաջնորդութեան 19-րդ ամեակն ու քահանայական ձեռնադրութեան եւ օծման 50-ամեակը նշանաւորելու առիթով, երէկ՝ յուլիսի 7-ի երեկոյեան իւրայատուկ միջոցառում էր կազմակերպւել Թեհրանի Ս. Սարգիս առաջնորդանիստ մայր եկեղեցում:

  • Ազգային իշխանութեան նախաձեռնութեամբ էֆթարի հանդիսութիւն՝ ի պատիւ Իրանի պետական այրերի
    Ազգային իշխանութեան նախաձեռնութեամբ էֆթարի հանդիսութիւն՝ ի պատիւ Իրանի պետական այրերի

    Տարիների ձեւաւորւած աւանդոյթի համաձայն, այս տարի եւս Ռամազան ամսի առիթով, ազգային իշխանութիւնը, Թ. Հ. թեմի առաջնորդ Տ. Սեպուհ արք. Սարգսեանի հովանաւորութեամբ երէկ, մայիսի 30-ին, կազմակերպել էր ընթրիք-երեկոյ՝ ի պատիւ երկրի պետական բարձրաստիճան պաշտօնատարների եւ ազգային առաջնորդարանի աշխատանքներին առնչակից պետական մարմինների ու պատասխանատուների:

  • «Թաթուլ Ալթունեան»-ի անւան պարի-երգի անսամբլի խումբը Ազգային առաջնորդարանում
    «Թաթուլ Ալթունեան»-ի անւան պարի-երգի անսամբլի խումբը Ազգային առաջնորդարանում

    Չորեքշաբթի, ապրիլի 25-ի առաւօտեան, թեմիս առաջնորդ՝ գերշ. Տ. Սեպուհ Ս. արք. Սարգսեանը, առաջնորդարանի դահլիճում ընդունեց «Թաթուլ Ալթունեան»-ի պարի- երգի անսամբլի խմբի անդամներին:

  • Հայոց Ցեղասպանութեան 103-րդ տարելիցը՝ Թեհրանի հայ համայնքում
    Հայոց Ցեղասպանութեան 103-րդ տարելիցը՝ Թեհրանի հայ համայնքում

    Ապրիլի 24-ի առաւօտեան Ս. Սարգիս մայր եկեղեցում թեմակալ առաջնորդի ձեռամբ մատուցւեց եպիսկոպոսական հանդիսաւոր ս. պատարագ, ի յիշատակ աւելի քան մէկուկէս միլիոն նահատակների: Պատարագի ընթացքում քարոզեց թեմակալ առաջնորդը, ապա թափօրը մօտեցաւ եկեղեցու բակում տեղադրւած Բիւրաւոր Նահատակների յուշարձանի մօտ, ուր Սրբազան Հայրը յորդորեց հոծ բազմութեանը լուռ եւ միաժամանակ պահանջատէր ոգով տոգորւած երթ դէպի Թուրքիայի դեսպանատուն:

  • Համաշխարհային կանանց աղօթքի օր Թեհրանում
    Համաշխարհային կանանց աղօթքի օր Թեհրանում

    Երկուշաբթի, 5 Մարտ 2018-ի առաւօտեան Ս. Սարգիս առաջնորդանիստ մայր եկեղեցում երկու հարիւրից աւել կանանց մասնակցութեամբ տեղի ունեցաւ Համաշխարհային Կանանց աղօթքի օրւայ առիթով աղօթքի արարողութիւնը։ 

    Սոյն աղօթքի արարողութիւնը կազմակերպւել էր Թ. Հ. Թ. Քրիստոնէական Դաստիարակութեան բաժանմունքի կողմից հովանաւորութեամբ, տնօրինումով ու նախագահութեամբ թեմիս առաջնորդ՝ գերշ. Տ. Սեպուհ Ս. արք. Սարգսեանի։ 

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։