Հա

Համայնք

Երկուշաբթի, 26 Դեկտեմբերի 2016 11:20

Փառք ու պատիւ մեր ժողովրդին, որ միշտ հաւատալով իր ներկային եւ ապագայ կերտւելիք վեհ նպատակներին՝ նեցուկ է հանդիսանում մեր բոլոր աշխատանքներին

Դեկտեմբերի 15-ին Հ. Մ. «Արարատ» Կ.-ի «Կոմիտաս» սրահում, նշւեց Հայ Յեղափոխական Դաշնակցութեան հիմնադրման 126-ամեակը:
Միջոցառմանը ելոյթ ունեցաւ «Ալիք» հաստատութեան ներկայացուցիչ Հենրիկ Խալոյեանը:
Ստորեւ ներկայացնում ենք նրա խօսքը.

Դեկտեմբերի 15-ին Հ. Մ. «Արարատ» Կ.-ի «Կոմիտաս» սրահում, նշւեց Հայ Յեղափոխական Դաշնակցութեան հիմնադրման 126-ամեակը:
Միջոցառմանը ելոյթ ունեցաւ «Ալիք» հաստատութեան ներկայացուցիչ Հենրիկ Խալոյեանը:
Ստորեւ ներկայացնում ենք նրա խօսքը.


- Գերաշնորհ Սրբազան Հայրեր
- Հայազգի պատգամաւորներ Սիրիայի եւ ԻԻՀ խորհրդարանում յարգելի պարոնայք՝ Ժիրայր Ռէյիսեան, Կարէն Խանլարեան եւ Ժորժիկ Արբահամեան
- Ազգային իշխանութեան եւ մարմինների ու միութիւնների ներկայացուցիչներ
- Սիրելի հիւրեր, ներկաներ եւ ընկերներ
Իրօք տօն է այսօր ու միաժամանակ ուխտի վերանորոգման, հաշւետւութեան եւ ինքնագնահատման պատեհ առիթ:
Այսօր հարկ է յիշել ու խոնարհւել մանաւանդ այս տարի մեզնից ֆիզիկապէս հեռացած՝ մեր նւիրեալ ընկերներին ու յատկապէս Սիրիայում եւ Արցախի քառօրեայ պատերազմներում մեր քաջարի նահատակների յիշատակը եւ նոյն այդ տմարդի պատերազմների անմեղ զոհերին, թոյլ տւէք մէկ րոպէ յոտնկայս յարգենք իրենց…
Տօնական այս տրամադրութեամբ, մեր ուրախութիւնը պիտի յայտնենք Վեհափառ Հօր եւ իր պատւարժան պատւիրակութեան Իրան այցելութեան եւ նոյն այդ պատւիրակութեան մաս կազմող ընկեր Ժիրայր Ռէյիսեանի ներկայութիւնը մեզ մօտ այս օրւայ առիթով:
Այս եւ նմանօրինակ միջոցառումները ապացոյցն են մեր համայնքի եւ իրանահայութեան աշխուժութեան: Սիրելի պրն. Ռէյիսեան Ձեր ներկայութիւնը խորհրդանիշն է Սիրիայի հինաւուրց հայ համայնքի քաջարի կեցւածքի եւ այդ ուղղութեամբ մեր խոր յարգանքի…
Ամիսներ առաջ «Ալիք»-ի 85-ամեակի առիթով Իրան այցելեցին հայ մամուլի եւ մտաւորականութեան պատկառելի մի պատւիրակութիւն, ուր դարձեալ խորը ներշնչող էր Սիրիայի «Գանձասար» թերթի ներկայութիւնն ու մասնակցութիւնը այդ աշխատանքներին:
Նոյն այս տարում նաեւ գնահատելի երեւոյթ պիտի համարել մեր ժողովրդի համահայկական հարցերի շուրջ միասնութիւնն, յիշելով՝ հէնց Սիրիայի, Արցախի, Ջաւախքի եւ Հայ Դատի նկատմամբ ցուցաբերած հոգե-բարոյական եւ նիւթական օժանդակութիւնները:
Փառք ու պատիւ մեր ժողովրդին, որ միշտ հաւատալով իր ներկային եւ ապագայ կերտւելիք վեհ նպատակներին՝ նեցուկ է հանդիսանում մեր բոլոր աշխատանքներին. եւ Հ. Յ. Դաշնակցութեան համար սա պարտաւորեցնող եւ պատասխանատու հանգամանք է, որպէսզի իր
- կազմակերպական հզօր կառոյցով
- գաղափարական հզօր աւանդով
- հաւատով իր ազգային առաքելութեան եւ
- շարքային ընկերների պարտականութեան ու նւիրումի գիտակցութեանը նպատակասլաց առաջ է մղում իրեն վստահւած ու ժառանգւած երթը…
Պատմութեան մէջ բնական է որպէսզի լինեն, դէմքեր եւ կազմակերպութիւններ մտաւորականութիւն կամ յեղափոխականներ տարբեր բնագաւառում, որոնք լինում են պայոնիէրներ եւ առաւել արագընթաց, քան ժողովուրդները:
Հաստատելով սակայն՝ որ ժողովուրդները միշտ էլ ճիշտ են գնահատում, եթէ ոչ անգամ նոյն պահին, ապա արժեւորւում են գո՛րծը, մի՛տքը եւ թողած դրոշմը…
Իհարկէ վերջին տարիներում բազմաթիւ են օրինակները, ուր ժողովուրդներն են զարմացրել կազմակերպութիւններին, իշխանութիւններին ու պետութիւններին, սկսած արաբական գարունից մինչ «Brexit» ու մինչ Միացեալ Նահանգների նախագահական ընտրութիւններ:
Պէտք է խոստովանել որ վերջերս թերագնահատւել է ժողովուրդների կամքի դրսեւորման ուժականութիւնը եւ ընդհանրապէս դէպքերը գնահատւել են գերուժերի միջոցով ծրագրած սցենարներ:
Նշւած ու չնշւած աննախատեսելի քաղաքա-հասարակական երեւոյթները սկսած՝
ա- Ուկրայինայից մինչեւ եւրոպական երկրների հանրաքւէները Բրիտանիա եւ Իտալիա ու մինչ Հայաստանում ոստիկանութեան գրաւում ու Միացեալ Նահանգների ընտրութիւններ եւ միւս կողմից
բ- Արցախի քառօրեայ պատերազմ Քեսաբ եւ Հալէպի շուրջ համաժողովրդական ու համահայկական միասնութիւնը յուշում են 2 հարց:
1- Ժողովուրդների մօտ՝ արագընթաց փոփոխութիւնների լուրջ պահանջ գոյութիւն ունի, որի համար պատրաստ չեն այլեւս երկար սպասել:
2- Ժողովուրդները իրենց հասարակական լայն շերտերով նորօրեայ հաղորդակցական կոնսեպտը կարողանում են առաւել արագ ու լաւօգտագործել իրենց նպատակների միասնութեան շուրջ, քան դասական կառոյցները:
Սա լուրջ մարտահրաւէր է, քանզի եթէ երկու պարագաները նոյնիսկ դրական ակնոցով նայենք, ապա՝ պիտի հաստատել, որ ընդհանրապէս նոյն այդ պարագաները դրական վախճան եւ աւարտ չեն ունենում եւ ուժեղ կառոյցները կարողանում են ստեղծւած իրավիճակները հունաւորել մշակելով նոր սցենարներ՝ բնականաբար մեկնելով իրենց շահերից:
Իսկ Հ. Յ. Դաշնակցութեան համար որպէս 126-ամեայ պատմութեամբ ու հսկայ ցանցով մի կուսակցութիւն կարեւոր է պահպանել իր այժմէականութիւնը եւ ներգործօնութիւնը, որի երաշխիքն է երիտասարդացումն ու սերնդափոխութիւնը. իսկ այդ ամէնը կարդիւնաւորւի եթէ պահպանւի էութիւնն ու առաքելութիւնը, որի գրաւականն է մեր գաղափարախօսութիւնը, որի հէնքի վրայ անհրաժեշտ է շարունակել գործը եւ դէմ-յանդիման նորանոր մարտահրաւէրների վերամշակել՝
Հայեցակարգ աւանդական Սփիւռքի եւ նոր Սփիւռքի ու մանաւանդ Միջին Արեւելքի մեր գաղթօջախների հեռանկարով
- Ռազմավարութիւն՝ Հայ Դատի հասկացութեան եւ պահանջատիրութեան
- Ազատ, անկախ եւ միացեալ Հայաստանի մերօրեայ ըմբռնումների հիման վրայ «Ազգային ծրագիր»:
- ՀՀ պետականութեան հզօրացման եւ նրա ազգային անվտանգութեան եւ շահերի հայեցակարգ մեր գաղափարական ըմբռնումների համապատասխան:
Վերը նշւած 4 բնագաւառների ուղղութեամբ Հ. Յ. Դաշնակցութիւնը իր համաշխարհային ցանցով ու Հայ Դատի գրասենեակներով լուրջ աշխատանք է կատարում ու մեծ նւաճումներ իրագործում, որին հաւատում է ժողովուրդը եւ տալիս իր գնահատականը…
Իսկ կարեւոր է որպէսզի մեր մտաւորականութիւնն ու երիտասարդութիւնը ինչպէս պատերազմի դաշտում հայ զինւորի անզիջող եւ նւիրեալ գործը քաղաքական եւ այլ բնագաւառներում ցուցաբերի յանձնառու կեցւածք եւ դա պիտի կատարի գաղափարական սերունդը, քանզի միայն սոսկ վարչագիտութեամբ՝ կարելի է տնտեսական ցուցանիշերը դրական փոփոխութեան ենթարկել, սակայն փաստը ցոյց է տալիս, որ աշխարհում լուրջ մարտահրաւէրներ գոյութիւն ունի ինքը լիբերալ եւ տարածաշրջանային միաւորումների մօտ, ուստի միայն հիմնւած սեփական ուժին եւ ազգային եւ գաղափարախօսական հիմքերի վրայ կարելի է ապահովել ազատ, անկախ եւ արդար կարգեր ու հզօր հայկական պետականութիւն:
Փառք ու պատիւ ՀՅԴ գաղափարական գործին ու նրա 126-ամեայ անցեալի ու ներկայի նւիրեալներին…

Յարակից Հրապարակումներ

  • Քննարկում Ֆրանսայի Ազգային Ժողովէն ներս
    Քննարկում Ֆրանսայի Ազգային Ժողովէն ներս

    Ֆրանսայի Ազգային Ժողովի Քոլպէր սրահէն ներս Շաբաթ 14 Յունուարին, ՀՅԴ 126-ամեակի միջոցառումներու շարքին տեղի ունեցաւ երկու կլոր սեղաններու շուրջ քննարկում «Հայութիւնը ներկայ աշխարհաքաղաքական եւ ներազգային մարտահրաւէրներու դէմ յանդիման» ընդհանուր խորագրին տակ։

  • ՆՒԻՐԵԱԼՆԵՐ - Յարութիւն Մխիկեան (1942-2007)
    ՆՒԻՐԵԱԼՆԵՐ - Յարութիւն Մխիկեան (1942-2007)

    2007 թւականի դեկտեմբերի 8-ին, Աթենքի ցուրտ հողին յանձնւեցաւ անկենդան մարմինը 7 դեկտեմբերին վախճանած արժանաւոր դաշնակցականի մը՝ ասպետական ոգիով պատնէշի վրայ կանգուն գործած ընկեր Յարութիւն Մխիկեանի։

  • ՊԱՏՄՈՒԹԵԱՆ ՀԵՏՔԵՐՈՎ - 5 դեկտեմբերի 1921 Արշաւիր Շիրակեան ահաբեկեց Սայիդ Հալիմ փաշան. կտակն էր մեր սուրբ նահատակներուն
    ՊԱՏՄՈՒԹԵԱՆ ՀԵՏՔԵՐՈՎ - 5 դեկտեմբերի 1921 Արշաւիր Շիրակեան ահաբեկեց Սայիդ Հալիմ փաշան. կտակն էր մեր սուրբ նահատակներուն

    Դեկտեմբերի 5-ին, 95 տարի առաջ, Իտալիոյ մայրաքաղաք Հռոմի փողոցներէն մէկուն վրայ, օր-ցերեկով, հայ ժողովուրդի արդարահատոյց բազուկը արդարացի մահապատիժի ենթարկեց աւելի քան մէկուկէս միլիոն հայորդիներ ցեղասպանութեան ենթարկած թուրք պետութեան ծանրագոյն ոճիրին գլխաւոր պատասխանատուներէն՝ Իթթիհադական կառավարութեան վարչապետ Սայիդ Հալիմ Փաշան։

  • ՆՒԻՐԵԱԼ ԱՆՁԻՆՔ - Համբարձում Տէրտէրեան (Շար. 4)
    ՆՒԻՐԵԱԼ ԱՆՁԻՆՔ - Համբարձում Տէրտէրեան (Շար. 4)

    Ճշմարտապէս գաղափարական եւ իր բովանդակ էութեամբ հայ ժողովրդին ու Հայ Դատին նւիրւած, իրաւ մտաւորական մի դէմք:
    Ծնւել է Նոր Նախիջեւանի Թոփտի գիւղում 1884 թւականին, նախնական կրթութիւնը ստացել է նախ ծննդավայրում, ապա փոխադրւել է Չալթը գիւղի դպրոցը, ուր 1896 թւականին աւարտում է ու նոյն տարում ընդունւում է Նոր Նախիջեւանի Թեմական դպրոցը:

  • Դաշնակցութեան մէջ լենիններ փնտրելու հակադաշնակցական բթամտութիւնը
    Դաշնակցութեան մէջ լենիններ փնտրելու հակադաշնակցական բթամտութիւնը

    Յաճախ կը հանդիպինք հայ մարդոց, որոնց մօտ բանականութիւնը բթամտութեան կը վերածւի երբ հարցը վերաբերի Հ. Յ. Դաշնակցութեան: Այս հարցերու շարքին, օրինակ, նման մարդիկ կը դրսեւորեն եւ կը պնդեն այն թիւր տեսակէտը, թէ Դաշնակցութիւնը ունի կենտրոնական պարագլուխներ, լիդերներ: Այս թերամտութեան հիմամբ անոնք Դաշնակցութեան մէջ կորոնեն Լենիններ:

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։