Հա

Համայնք

Շաբաթ, 07 Յունւարի 2017 13:10

Հայոց Առաքելական Եկեղեցին նշեց Յիսուս Քրիստոսի Ծննդեան ու Աստւածայայտնութեան տօները

Հայոց Առաքելական Եկեղեցին շուքով նշեց Յիսուս Քրիստոսի Ծննդեան ու Աստւածայայտնութեան տօները:
Այս առիթով, իրանահայ համայնքի երեք թեմերի՝ Թեհրանի, Սպահանի եւ Ատրպատականի բոլոր եկեղեցիներում մատուցւել է ս. պատարագ եւ կատարւել Ջրօրհնէքի արարողութիւններ:

«ԱԼԻՔ», Կ. Դ. - Հայոց Առաքելական Եկեղեցին շուքով նշեց Յիսուս Քրիստոսի Ծննդեան ու Աստւածայայտնութեան տօները:
Այս առիթով, իրանահայ համայնքի երեք թեմերի՝ Թեհրանի, Սպահանի եւ Ատրպատականի բոլոր եկեղեցիներում մատուցւել է ս. պատարագ եւ կատարւել Ջրօրհնէքի արարողութիւններ:
Թեհրանում, յունւարի 5-ին, Ս. Ծննդեան եւ Աստւածայայտնութեան Ճրագալոյցի տօնի առիթով հանդիսաւոր արարողութիւն մատուցւեց բոլոր եկեղեցիներում: Ս. Գրիգոր Լուսաւորիչ եկեղեցում օրւայ առիթով պատարագ է մատուցել եւ քարոզել Թ. Հ. թեմի առաջնորդ Տ. Սեպուհ արք. Սարգսեանը, Ս. Սարգիս եկեղեցում պատարագել եւ քարոզել է Տ. Մեղրիկ եպս. Բարիքեանը, իսկ Սրբոց Վարդանանց եկեղեցում պատարագել եւ քարոզել է Տ. Մակար եպս. Աշգարեանը:
Յունւարի 6-ի առաւօտեան Յիսուս Քրիստոսի Մկրտութեան տօնի առիթով Ս. Սարգիս եկեղեցում եպիսկոպոսական հանդիսաւոր ս. պատարագ է մատուցել թեմակալ առաջնորդը եւ պատարագի ընթացքում քարոզել համախմբւած ժողովրդի համար: Յաւարտ ս. պատարագի՝ Սրբազան Հօր ձեռամբ ի յիշատակ Քրիստոսի Մկրտութեան, կատարւել է Ջրօրհնէքի արարողութիւն, որից յետոյ օրհնւած ջուրը բաժանւել է հաւատացեալներին: Յատկանշական է, որ արարողութիւնների ընթացքում բոլոր եկեղեցիները բազմամարդ էին: Նոյն օրը առաւօտեան պատարագից յետոյ եւ երեկոյեան ժամը 5-7-ը թեմի առաջնորդը, ազգային առաջնորդարանի դահլիճում ընդունել է շնորհաւորանքներ:
Այսօր առաւօտեան՝ յունւարի 7-ին, ի յիշատակ մեռելոցի, Թեհրանի Նոր Բուրաստան գերեզմանատան Ս. Ստեփանոս մատուռում մատուցւել է ս. պատարագ, որից յետոյ տեղի է ունեցել հոգեհանգստեան արարողութիւն՝ հայոց ազգի համայն ննջեցեալների հոգիների խաղաղութեան համար:

Յարակից Հրապարակումներ

  • Իրանի եկեղեցիների ներկայացուցիչները միանում են աշխարհի քրիստոնեաներին եւ դատապարտում Երուսաղէմի հարցով Թրամփի որոշումը
    Իրանի եկեղեցիների ներկայացուցիչները միանում են աշխարհի քրիստոնեաներին եւ դատապարտում Երուսաղէմի հարցով Թրամփի որոշումը

    Չորեքշաբթի, առաւօտեան թւականիս 13 դեկտեմբեր-ի ժամը 11։30-ին Ազգային Առաջնորդարանի դահլիճում, նախաձեռնութեամբ թեմիս բարեխնամ առաջնորդ գերշ. Տ. Սեպուհ Ս. արք. Սարգսեանի, տեղի ունեցաւ Թեհրանի եւ Իրանի եկեղեցիների եպիսկոպոսների եւ ղեկավարների միասնական հանդիպում, որի ընթացքին իրանի եկեղեցիների ժողովը հրապարակեց իր բողոքագիրը ի դէմ ԱՄՆ-ի նախագահ Թրամփի որոշման, ըստ որի Երուսաղէմը յայտարարւել էր սիոնիստական վարչակարգի մայրաքաղաք։

  • Հանդիպում Զէյթուն քաղաքամասի ժողովրդի հետ
    Հանդիպում Զէյթուն քաղաքամասի ժողովրդի հետ

    Երեքշաբթի, 13 դեկտեմբեր 2017-ի երեկոյեան ժամը 8-10։30, Թ.Հ.Թ. բարեխնամ առաջնորդ՝ գերշ. Տ. Սեպուհ Ս. արք. Սարգսեանը հանդիպեց քաղաքիս հայահոծ թաղերից՝ Զէյթուն քաղաքամասի մի խումբ բնակիչների հետ, Զէյթուն քաղաքամասի Ս. Գրիգոր Լուսաւորիչ եկեղեցու դահլիճում:

  • Թեհրանի Պահակազօրի ներկայացուցիչներն ազգային առաջնորդարանում
    Թեհրանի Պահակազօրի ներկայացուցիչներն ազգային առաջնորդարանում

    Չորեքշաբթի, 13 դեկտեմբեր 2017-ի առաւօտեան ժամը 11-ին Թեհրանի Պահակազօրի անձնուրացների հանրային կապի պատասխանատու՝ կապիտան Ահմադ Աբադին, Պահակազօրի Մշակոյթ եւ Ղուրան բաժանմունքի պատասխանատու՝ դոկտ. Ղորբանին այցելեցին թեմիս բարեխնամ առաջնորդ՝ գերշ. Տ. Սեպուհ Ս. արք. Սարգսեանին։ 

  • ՀՀ ԱԺ Հայաստան-Իրան բարեկամական խմբի պատւիրակութիւնն այցելեց ազգային առաջնորդարան
    ՀՀ ԱԺ Հայաստան-Իրան բարեկամական խմբի պատւիրակութիւնն այցելեց ազգային առաջնորդարան

    Երէկ` դեկտեմբերի 12-ի կէսօրին Թեհրանի հայոց թեմի առաջնորդ Տ. Սեպուհ արք. Սարգսեանն ընդունեց ՀՀ ԱԺ Հայաստան-Իրան բարեկամական խմբի ղեկավար Վահրամ Բաղդասարեանին եւ նրա գլխաւորած պատւիրակութեանը, որին մաս էին կազմում ԱԺ պատգամաւորներ՝ Աղւան Վարդանեանը, Կորիւն Նահապետեանը, Վահէ Էնֆիաջեանը եւ Նիկոլ Փաշինենաը:

  • Իրանահայ պատւիրակներն այցելեցին Լիբանանում Իրանի դեսպանութիւն
    Իրանահայ պատւիրակներն այցելեցին Լիբանանում Իրանի դեսպանութիւն

    Երէկ՝ դեկտեմբերի 9-ին Մեծի Տանն Կիլիկիոյ կաթողիկոսութեան Ազգային ընդհանուր ժողովին մասնակցելու նպատակով Լիբանանում գտնւող իրանահայ երեք թեմերի պատւիրակները, թեմակալ առաջնորդների՝ գերշ. Տ. Սեպուհ Ս. արք. Սարգսեանի, գերշ. Տ. Գրիգոր Ս. եպս. Չիֆթճեանի եւ գերպ. Տ. Սիփան ծ. վրդ. Քէչէճեանի գլխաւորութեամբ այցելեցին Լիբանանում Իրանի Իսլամական Հանրապետութեան դեսպանութիւնը: 

Ամենաշատ ընթերցւած

Քւէարկութիւն

«Մեղրի» ԱՏԳ-ն ինչպէ՞ս կազդի Իրան-Հայաստան տնտեսական յարաբերութիւնների զարգացման վրայ:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։