Հա

Համայնք

15/01/2017 - 12:20

Շահէն Սարգսեանի եւ «Ռոզանէ Աբի»-ի կապոյտ ճախրանքը

Ծրագրի սկզբում, բացման խօսքով հանդէս եկաւ օրւայ հաղորդավար Իսիկ Իւնանէսեանը որից յետոյ, ցուցադրւեց ֆիլմից որոշ հատւածներ: Օրւայ առիթով ելոյց ունեցան Իրանի «Թատրոնի տան» տնօրինութեան խորհրդի անդամ Բեհզադ Ֆարահանին, դասախօս, կինօ քննադատ, ռեժիսոր եւ «Թամաշա» պարբերականի գլխաւոր խմբագիր Նասրօլլահ Ղադերին ինչպէս նաեւ իրանահայ ճանաչւած արւեստաբան Լիդա Բերբերեանը:

«Ալիք», Սիւնէ Ֆարմանեան - Երէկ՝ յունւարի 14-ի երեկոյեան, «ՀՈՒՍԿ» հաստատութեան նախաձեռնութեամբ եւ Հ.Մ.Ա.Կ-ի համագործակցութեամբ, Հ. Մ. Արարատ կազմակերպութեան «Կոմիտաս» սրահում տեղի ունեցաւ, Շահէն Սարգսեանի մեծարման երեկօն եւ ռեժիսոր Ֆարզադ Ֆարահւաշիի՝ Շահէն Սարգսեանի կեանքի եւ գործունէութեան մասին նկարահանւած «Ռոզանէ աբի» փաստավաւերգրական կինոյի շնորհանդէսը, որին ներկայ էին մեծ թւով Իրանցի մտաւորականներ, կինոյի եւ թատրոնի երեւելի գործիչներ, արւեստագէտներ եւ այլ հիւրեր:

Ծրագրի սկզբում, բացման խօսքով հանդէս եկաւ օրւայ հաղորդավար Իսիկ Իւնանէսեանը որից յետոյ, ցուցադրւեց ֆիլմից որոշ հատւածներ: Օրւայ առիթով ելոյց ունեցան Իրանի «Թատրոնի տան» տնօրինութեան խորհրդի անդամ Բեհզադ Ֆարահանին, դասախօս, կինօ քննադատ, ռեժիսոր եւ «Թամաշա» պարբերականի գլխաւոր խմբագիր Նասրօլլահ Ղադերին ինչպէս նաեւ իրանահայ ճանաչւած արւեստաբան Լիդա Բերբերեանը: 

Իր խօսքերում, Բեհզադ Ֆարահանին մասնաւորապէս նշեց. «Շահէնը մեզ սովորեցրեց թէ ինչպէս մտածենք, թէ ինչպէս ապրէնք: Նա մեզ սովորեցրեց ամէն ինչ»: Իսկ Նասրօլլահ Ղադերին էլ ասաց. «Մենք չենք կարող մոռանալ, այն ամէնը, ինչ Շահէնը տւել է Իրանական թատրոնին: Այդ բոլորն անմոռանալի է, քանզի նա մեզ հետ է մեր սրտերում եւ այժմ նրա ոգին սաւառնում է այս դահլիճում»: Լիդա Բերբերեանն էլ անդրադարձաւ Շահէն Սարգսեանի՝ որպէս ռեժիսորի աշխատանքներին եւ գործէլաոճի առանձնայատկութիւններին: 

Ծրագրի ընթացքում քնարի կատարմամբ հանդէս եկաւ Մերեդիթ Մովսիսեանը, իսկ երաժշտական կատարումներով՝  Հայ Կին միութեան կից «Անահիտ» միութեան «Զւարթնոց» երգչախումբը՝ Էդիկ Թամրազեանի ղեկավարութեամբ: 

Վերջում բեմ հրաւիրւեց «Ռոզանէ Աբի» փաստավաւերագրական կինոյի ռեժիսոր Ֆարզադ Ֆարահ Վաշիին: Նա շնորհակալութիւն յայտնեց բոլոր նրանց, ովքեր իրեն աջակցել են կինոյի պատրաստման գործում՝ աւելացնելով, որ 9 տարի տեւած ֆիլմի նկարահանումը անհնարին կը լինէր առանց իր հետ համագործակցած, իրեն աջակցած համախոհների խորհուրդների եւ քաջալերանքների:

Յարակից լուրեր

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։