Հա

Համայնք

16/02/2017 - 11:00

Անահիտ Փիլոսեանը գնահատւել է՝ որպէս 1395 թւականի օրինակելի բուժքոյր

Անահիտ Փիլոսեանը, Սպահանի Հիւանդապահութեան համակարգի կազմակերպութեան  կողմից ճանաչւել է որպէս իրանական 1395 թւականի օրինակելի բուժքոյր:

«alikonline.ir»- Սպահանի «ալ-Զահրա» ուսուցման եւ բժշկական կենտրոնի (ICU) բաժանմունքում  աշխատող հայ բուժքոյր Անահիտ Փիլոսեանը, Սպահանի Հիւանդապահութեան համակարգի կազմակերպութեան  կողմից ճանաչւել է որպէս իրանական 1395 թւականի օրինակելի բուժքոյր՝ մասնագիտական բարձր հմտութիւնների, հիւանդների նկատմամբ ցուցաբերած հոգատարութեան եւ աշխատանքում դրսեւորած  պարտաճանաչութեան ու բծախնդրութեան համար. նա նոյն այս յատկութիւններով է ճանաչւած իր աշխատանքի վայրում եւ գործընկերների մօտ:

Անահիտ Փիլոսեանը ծնւել է 1976 թւականին, Ահւազում, ուր եւ ապրել է մինչեւ իր ամուսնանալը՝ 2000 թւականը: Նա իր դպրոցական կրթութիւնն ստացել է Ահւազի հայոց ազգային «Քարուն» տարրական եւ «Րաֆֆի» ուղեցոյց եւ պարսկական «ԷֆՖաթ» միջնակարգ դպրոցներում: Այս մասին տեղեկացնում է «norjugha.ir»-ը:
Այնուհետեւ մասնակցելով  համալսարանների մուտքի քննութեանը՝ ընդունւել է Ահւազի Ազատ համալսարանի հիւանդապահութեան ճիւղում եւ աւարտել 2000 թւականին՝ լիսանսի աստիճանով: Նա աշխատանքի է անցել «ալ-Զահրա» հիւանդանոցում՝ 2001 թւականից եւ մինչեւ օրս անդամակցում է Սպահանի Հիւանդապահութեան համակարգի կազմակերպութեանը:

 

Յարակից լուրեր

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։