Հա

Համայնք

18/02/2017

Տեղի ունեցաւ «Արաքս» դպրոցի հիմնադրամն 60-ամեակին նւիրւած գրքի շնորհանդէսը

Փետրւարի 17-ին Հայոց ազգային «Արաքս» դպրոցի կենտրոնատեղիում տեղի ունեցաւ դպրոցի հիմնադրման 60-ամեակին նւիրւած «Հայոց ազգային Արաքս դպրոցի 60 ամեայ ուղին» գրքի շնորհանդէսը, որի հեղինակն է Իռէն Աբնուսեանը:

«alikonline.ir» - Երէկ՝ փետրւարի 17-ին Հայոց ազգային «Արաքս» դպրոցի կենտրոնատեղիում տեղի ունեցաւ դպրոցի հիմնադրման 60-ամեակին նւիրւած «Հայոց ազգային Արաքս դպրոցի 60 ամեայ ուղին» գրքի շնորհանդէսը, որի հեղինակն է Իռէն Աբնուսեանը:

Միջոցառումը, մեկնարկեց տէրունական աղօթքով, որից յետոյ հնչեց դպրոցի հիմնը:

Բարիգալստեան, շնորհակալական եւ ողջոյնի խօսքերով հանդէս եկան դպրոցի Ծնողական խորհրդի նախագահ Արազ Սիմոնեանն ու տեսչուհի Անի Մանուկեանը:

Օրւայ առիթով արտայայտւեցին գրքի հեղինակ Իռէն Աբնուսեանը եւ խմբագիր Արամ Շահնազարեանը: Իռէն Աբնուսեանը ներկայացրեց գրքի բովանդակութիւնն ու կառուցւածքը, իսկ Արամ Շահնազարեանը խօսեց հոգեւորի, մշակոյթի եւ հայոց դպրոցների նշանակութեան մասին՝ հայապահպանման եւ սերունդների կրթման գործում:

Միջոցառման ընթացքում դպրոցի տնօրինութեան եւ Ծնողական խորհրդի անունից յուշանւէրներ յանձնւեցին գրքի հեղինակային կազմին, դպրոցի 60-ամեակի միջոցառման յանձնախմբի անդամներին եւ գրքի հրատարակումը ֆինանսաւորած մեկենասներին:

Վերջում ներկաներին իր հայրական օրհնանքը ուղղեց Սրբազան Հայրը, որն իր խօսքերում կարեւորեց գրքի եւ գրականութեան նշանակութիւնը սերունդների դաստիարակման գործում:

Նշենք, որ միջոցառումը հագեցած էր նաեւ գեղարւեստական բաժնով, որի ընթացքում ասմունքով, ջութակի եւ երգերի կատարումներով հանդէս եկան Մեղրի Սարխոշեանը, Լառա Նազարեանը, Բրենդա Բեգինեանը եւ Էլենի Առաքելեանը: Օրւա հաղորդավարն էր Արտոյտ Զոհրաբեանը:

Նշենք, որ միջոցառմանը ներկայ էին թեմիս բարեխնամ առաջնորդ Տ. Սեպուհ արք. Սարգսեանը, առաջնորդական փոխանորդ Տ. Մակար եպս. Աշգարեանը, Թեմական խորհրդի փոխատենապետ Վարուժ Յովհաննիսեանը, Կրթական խորհրդի ատենապետ Սեւան Դանիէլեանն ու «Ալիք» հաստատութեան տնօրէն Արա Շահնազարեանը:

Լուսանկարները տրամադրել է՝ «ACE» ֆիլմը:

Յարակից լուրեր

  • «Արամ Մանուկեան. նամականի» գրքի շնորհանդէսը Շուշիում
    «Արամ Մանուկեան. նամականի» գրքի շնորհանդէսը Շուշիում

    Սեպտեմբերի 11-ին Շուշիում՝ Արցախի Հանրապետութեան մշակոյթի, երիտասարդութեան հարցերի եւ զբօսաշրջութեան նախարարութեան շէնքում կայացել է Երւանդ Փամբուկեանի «Արամ Մանուկեան. նամականի» գրքի շնորհանդէսը: Այն Արամ Մանուկեանի տասնամեայ (1904-1915) նամակագրութիւնն է` ամբողջական բովանդակութեամբ ու ժամանակագրական հերթականութեամբ:

  • Հայաստանի Հանրապետութեան 100-ամեակի Թեհրանի Կենտր. յանձնախմբի նախաձեռնութեամբ Թեհրանում կայացաւ «Հայոց տաժանքի ճամբաներով» գրքերի շնորհանդէսը
    Հայաստանի Հանրապետութեան 100-ամեակի Թեհրանի Կենտր. յանձնախմբի նախաձեռնութեամբ Թեհրանում կայացաւ «Հայոց տաժանքի ճամբաներով» գրքերի շնորհանդէսը

    Հարիւրամեակի Թեհրանի Կենտր. յանձնախմբի նախաձեռնութեամբ երէկ, Ս. Թարգմանչաց եկեղեցու շրջափակում տեղի ունեցաւ «Հայոց տաժանքի ճամբաներով» երկհատորանոց գրքի շնորհանդէսը: Գրքերի հեղինակն է Տ. Յովհաննէս աւագ քհնյ. Հաճեանը:

  • Եզակի գրքի իւրայատուկ շնորհանդէս՝ որը Ատրպատականի հայոց թեմի անցեալը ներկայ դարձրեց Գլենդէլում
    Եզակի գրքի իւրայատուկ շնորհանդէս՝ որը Ատրպատականի հայոց թեմի անցեալը ներկայ դարձրեց Գլենդէլում

    Չորեքշաբթի, 25 յուլիս 2018-ի երեկոյեան ժամը 7.30-ին, Գլենդէլի «Գրիգոր եւ Մարիամ Գարամանուկեան» երիտասարդական կենտրոնի «Իսահակ եւ Ժանէթ Գազանճեան» սրահում տեղի ունեցաւ Ատրպատականի հայոց թեմի առաջնորդ՝ գերշ. Տ. Գրիգոր եպս. Չիֆթճեանի «Ուղեւորութիւն Ատրպատականի հայոց թեմում, հայկական յուշարձանների հետքերով» գրքի Ա. հատորի շնորհանդէսը, կազմակերպութեամբ «Սարդարապատ» գրախանութի եւ հովանաւորութեամբ Լոս Անջելէսում գործող իրանահայ հինգ միութիւնների՝ «Ջան Թաւրիզ»-ի, «Իրանահայ միութիւն»-ի, «Ղարադաղի ժառանգութիւն»-ի, «Ուրմիայի հայրենակցական միութիւն»-ի եւ «Սալմաստի ժառանգութեանց ընկերակցութիւն»-ի:

  • Բանաստեղծ Վարանդի «Իրանի ժամանակակից պոէզիա» հատորի շնորհանդէսը
    Բանաստեղծ Վարանդի «Իրանի ժամանակակից պոէզիա» հատորի շնորհանդէսը

    Նախաձեռնութեամբ Իրանի Իսլամական Հանրապետութիւնում Հայաստանի Հանապետութեան դեսպանութեան եւ համագործակցութեամբ Իրանահայ գրողների միութեան, երեքշաբթի յունիսի 19-ին, Հ. Ուս. «Չհարմահալ» միութեան Յովհաննէս Թումանեանի անւան դահլիճում տեղի ունեցաւ շնորհանդէս նւիրւած բանաստեղծ Վարանդի «Իրանի ժամանակակից պոէզիա» հատորին, որը 2017 թւականի հոկտեմբերին, Ս. Թարգմանչաց տօնի առթիւ, արժանացել է Հայաստանի գրողների միութեան (ՀԳՄ) «Կանթեղ» մրցանակին:

  • Հալէպի մէջ տեղի ունեցաւ «Արամ Մանուկեան. Նամականի» հատորին շնորհահանդէսը
    Հալէպի մէջ տեղի ունեցաւ «Արամ Մանուկեան. Նամականի» հատորին շնորհահանդէսը

    Մայիսեան յաղթանակներու եւ Հայաստանի Ա. Հանրապետոթեան 100-ամեակի տօնակատարութիւններու շարքին, հովանաւորութեամբ Բերիոյ Հայոց Թեմի Բարեջան Առաջնորդ գերշ. Տէր Շահան Ս. արք. Սարգիսեանի, կազմակերպութեամբ Հայ Երիտասարդաց Միութեան, երեքշաբթի, 10 յուլիս 2018-ի երեկոյեան ԱՄԺ Տան «Լ. Շանթ» սրահէն ներս տեղի ունեցաւ Հայաստանի անկախութեան կերտիչ ու հայոց պետականութեան հիմնադիր Արամ Մանուկեանի նամակներու ժողովածուին՝ «Արամ Մանուկեան. Նամականի» հատորին շնորհանդէսը, պատուոյ ներկայութեամբ եւ մատուցումով հատորի խմբագիր պատմաբան Երուանդ Փամպուքեանի:

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։