Հա

Համայնք

19/02/2017 - 10:19

Սպահանի հայոց թեմի 16-րդ նստաշրջանի Պատգամաւորական ժողովի ընտրութիւններին մասնակցող ՀՅԴ համակիրների հովանւորած Նոր Ջուղայի 12 թեկնածուների նախընտրական շտաբի բացումը

Փետրւարի 16-ին, ժողովրդի ներկայութեամբ տեղի ունեցաւ Սպահանի հայոց թեմի 16-րդ նստաշրջանի Պատգամաւորական ժողովի ընտրութիւններին մսանակցող ՀՅԴ համակիրների պաշտպանած 12 թեկնածուների նախընտրական շտաբի պաշտօնական բացումը, որի վայրը գտնւում է Հայ Դատի յանձնախմբի կենտրոնատեղիի սրահում։

«alikonline.ir»- Փետրւարի 16-ին, ժողովրդի ներկայութեամբ տեղի ունեցաւ Սպահանի հայոց թեմի 16-րդ նստաշրջանի Պատգամաւորական ժողովի ընտրութիւններին մսանակցող ՀՅԴ համակիրների պաշտպանած 12 թեկնածուների նախընտրական շտաբի պաշտօնական բացումը, որի վայրը գտնւում է Հայ Դատի յանձնախմբի կենտրոնատեղիի սրահում։ Այս մասին տեղեկացնում է Նոր Ջուղայի մեր թղթակիցը:

Սկզբում ներկաներն առիթ ունեցան մօտենալով թեկնածուներին՝ ծանօթանալ նրանց տեսակէտներին ու ապագայ ծրագրերին, որից յետոյ արտայայտւեց Հայ Դատի յանձնախմբի ներկայացուցիչ Վահէ Թորոսեանը, ով կարեւորութեամբ անդրադարձաւ թեմի Պատգամաւորական ժողովի դերակատարութեանը մեր ազգային կեանքում։ Նա նշելով, որ պատգամաւորները ժողովրդի ձայնն ու խօսնակն են հանդիսանում թեմի բարձրագոյն ժողովներում, կոչ ուղղեց ինչպէս միշտ խուռներամ շարքերով մասնակցել յառաջիկայ ընտրութիւններին։

ՀՅԴ համակիրների պաշտպանած թեկնածուներն են՝ Թաթուլ Օհանեանը, Վազգէն Թահմազեանը, Սեդիկ Այւազեանը, Վազրիկ Վարդանեանը, Մկրտիչ Աւետումեանը, Անդրէ Քալանթար Օհանեանը, Գեղարդ Մանսուրեանը, Անուշ Էստիկը (Յովհաննիսեան), Արմոնդ Բաղրամեանը, Նարինէ Տէր-Գրիգորեանսը, Վահէ Շահիջանեանը եւ Նորւիկ Պօղոսեանը։

Հանդիպումները ժողովրդի հետ

Սպահանի հայոց թեմի 16-րդ նստաշրջանի Պատգամաւորական Ժողովի Ընտրական յանձնախմբի կազմակերպութեամբ, փետրւարի 16 եւ 17-ին, Ն. Ջ. Հայ Մ. Մ. «Արարատ» միութեան սարհում, Նոր Ջուղայի ընտրատարածքի 15 թեկնածուները հանդիպեցին ժողովրդի հետ։

Փետրւարի 16-ի հանդիպման ընթացքում ելոյթ ունեցան՝ Սեդիկ Այւազեանը, Վահէ Շահիջանեանը, Անուշ Էստիկը (Յովհաննիսեան), Նորւիկ Պօղոսեանը, Նիկիտ Միրզայեանը, Մկրտիչ Աւետումեանն ու Թաթուլ Օհանեանը, իսկ յաջորդ օրը՝ Արշալոյս Դաւթեանը, Նարինէ Տէր-Գրիգորեանսը, Ռազմիկ Տէր-Գրիգորեանը, Անդրէ Քալանթար-Օհանեանը, Գեղարդ Մանսուրեանը, Արմոնդ Բաղրամեանը, Վազգէն Թահմազեանն ու Վազրիկ Վարդանեանը։

Ծրագրի համաձայն,սկզբում թեկնածուներն առանձնաբար ներկայացրին իրենց կենսագրականն ու ծրագրերը, ապա երկրորդ բաժնում պատասխանեցին ներկաներին յուզող հարցերին։ 

Երկօրեայ հանդիպումները վարեց Արթին Մուրադեանը։

Յատկանշական է, որ թեմի 16-րդ նստաշրջանի Պատգամաւորական Ժողովի ընտրութիւնները կայանալու են ուրբաթ՝ փետրւարի 24-ին եւ Նոր Ջուղայի ընտրատարածքից ընտրւելու են 12 պատգամաւորներ։

 

Յարակից լուրեր

  • ՀՅԴ Հայ Դատի պատւիրակութիւնը վերահաստատել է կուսակցութեան յանձնառութիւնը
    ՀՅԴ Հայ Դատի պատւիրակութիւնը վերահաստատել է կուսակցութեան յանձնառութիւնը

    Յունւարի 19-ին Արցախի Հանրապետութեան արտաքին գործերի նախարար Մասիս Մայիլեանն ընդունել է ՀՅԴ Հայ Դատի Կենտրոնական խորհուրդի նախագահ, ՀՅԴ Բիւրոյի անդամ Յակոբ Տէր-Խաչատրեանի գլխաւորած պատւիրակութեանը։

  • Լիացած Ռոստոմի յիշատակով
    Լիացած Ռոստոմի յիշատակով

    Երէկ՝ Յունուարի 18-ին լրացաւ ազգային պատմութեան ազատագրական պայքարի, հայ ժողովուրդի ինքնապաշտպանութեան փուլի առասպելական գործիչներէն, ՀՅԴ հիմնադիր երրորդութեան կրտսերագոյն անդամի՝ Ռոստոմի (Ստեփան Զօրեան) մահուան հարիւրերորդ տարելիցը: Ան այս աշխարհէն հեռացաւ 1919-ի այդ օրը, վարակուած բծաւոր տիֆէ:

  • Պարզաբանումներ Քաջազնունու հեռագրի վերաբերեալ
    Պարզաբանումներ Քաջազնունու հեռագրի վերաբերեալ

    Վերջին տարիներին տարբեր դրդապատճառներով շատ է շահարկւում Հայաստանի առաջին Հանրապետութեան Կառավարութեան հեռագիրը ուղղւած` Օսմանեան կառավարութեան զինւած մինիստր Էնւեր փաշային: Հեռագիրը ստորագրւած է Հայաստանի Հանրապետութեան Կառավարութեան նախագահ` Յովհաննէս Քաջազնունին, զինւորական մինիստր` Արամ Մանուկեանը եւ Կառավարութեան Խորհրդի նախագահ` Աբրահամ Սահակեանը:

  • Յուշագրութիւն Դաշնակցութեան որոշման եւ ԳԽ առաջին նախագահի ընտրութեան մասին
    Յուշագրութիւն Դաշնակցութեան որոշման եւ ԳԽ առաջին նախագահի ընտրութեան մասին

    Դեկտեմբերի 29-ին Վալերի Բալայեանի բնակարանում կայացել է խորհրդաժողով, որին ներկայ էին ընտրւած գրեթէ բոլոր դաշնակցական պատգամաւորները, կուսակցութեան բոլոր կառոյցների ղեկավարները եւ ներկայացուցիչներ Շահումեանի շրջանից: Ստեփանակերտի «Արամ Մանուկեան» ենթակոմիտէից ներկայ էին Աշոտ Սարգսեանը, Ֆելիքս Գաբրիէլեանը եւ Դաւիթ Իշխանեանը: 

  • Մեկնարկ` Լեռնալիբանանի Ցեղասպանութեան ճանաչման գործընթացին
    Մեկնարկ` Լեռնալիբանանի Ցեղասպանութեան ճանաչման գործընթացին

    Լիբանանի տարբեր շրջաններուն մէջ Հայոց ցեղասպանութեան 100-ամեակին առիթով կազմակերպուած դասախօսական հանդիպումներուն, լիբանանցի օրէնսդիրներ եւ քաղաքական գործիչներ արծարծած էին նաեւ Օսմանեան կայսրութեան կողմէ Լեռնալիբանանի դէմ կիրարկուած սովամահութեամբ զանգուածային սպանութիւններ կազմակերպելու պետական քաղաքականութեան հետեւանքները:

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։