Հա

Համայնք

Կիրակի, 26 Փետրւարի 2017 08:30

«Նկարը, որպէս նշխարք». Լուսանկարիչ Նազիկ Արմենակեանն իր «Վերապրածներ»-ով ներկայացաւ «ԱԼԻՔ»-ի լսարանին:

Փետրւարի 22-ին, «Ալիք» օրաթերթի կենտրոնատեղի այցելեցին  փաստա-վաւերագրական լուսանկարչութեան սիրահարներ եւ լուսանկարիչներ:

«ԱԼԻՔ»- Փետրւարի 22-ին, «Ալիք» օրաթերթի կենտրոնատեղի այցելեցին  փաստա-վաւերագրական լուսանկարչութեան սիրահարներ եւ լուսանկարիչներ:

Առիթը լուսանկարիչ Նազիկ Արմենակեանի «Վերապրածներ» նախագիծն էր, որով նա մասնակցել է բազմաթիւ միջազգային հեղինակաւոր ցուցահանդէսների   ու մրցոյթների եւ  արժանացել՝  մրցանակների:

«Վերապրածներ»-ը Նազիկին բերեց  նաեւ բազմամիլիոնանոց լսարանով «The New York Times»-ում հրատարակւելու առիթներ՝ ե՛ւ տպագիր, ե՛ւ առցանց էջերով:

Նազիկի «Վերապրածներ» նախագծի իրականացման աշխատանքները տեւել են աւելի քան 10 տարիներ, որի ընթացքում նա փորձել է դիմանկարներ անել ցեղասպանութեան արհաւիրքն ապրած եւ արդէն դարը շուռ տալու սեմին յայտնւած (լուսանկարման պահին) վերապրածների:

Արժէ նշել, որ «National Geographic» ամսագրի 2016 թւականի ապրիլ ամսւայ համարով լոյս տեսած Հայոց Ցեղասպանութեան մասին ֆոտօ-յօդւածը, որն իրականացւեց հանրահռչակ լուսանկարիչ՝ Ջան Սթէնմէյերի միջոցով, տեղի չէր ունենայ, եթէ չլինէին Նազիկ Արմենակեանի եւ իր միւս ընկերների ջանքերն ու կապերը:

Նազիկ Արմենակեանի Իրան կատարած այցի հիմնական նպատակը համայնքային կեանքը, եւ նոյն գծով դերակատար հայ կանանց պատկերագրումն էր:

 

 

 

Յարակից Հրապարակումներ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։