Հա

Համայնք

Կիրակի, 26 Փետրւարի 2017 08:34

Իսլ. յեղափոխութեան 38-ամեակը նշւեց Հ.Մ.Մ. «Րաֆֆի» համալիրում

Փետրւարի 17-ին, Հ. Մ. Մ. «Րաֆֆի» համալիրում տօնւեց Իսլ. յեղափոխութեան 38-րդ տարեդարձը:

«alikonline.ir»- Փետրւարի 17-ին, Հ. Մ. Մ. «Րաֆֆի» համալիրում տօնւեց Իսլ. յեղափոխութեան 38-րդ տարեդարձը:

Միջոցառմանը ներկայ էին Իսլամական խորհրդարանում Թեհրանի եւ հիւսիսային իրանահայութեան պատգամաւոր դոկտ. Կարէն Խանլարեանը, Իսլամական մշակոյթի եւ առաջնորդութեան նախարարութեան կրօնական փոքրամասնութիւնների պատասխանատու Սայիդ Թաղաւին, Տ. Կոմիտաս քհն. Ղարախանեանը, շրջանի մարզական պատասխանատու Ալի Իլքան, Թեմական խորհրդի անդամ Վարդան Բաբախանեանը, հայ անձնուրացների արժէքների պահպանման յանձնախմբի անդամները, միութիւնների ներկայաուցիչները եւ մեծ թւով հայրենակիցներ:

Միջոցառումը մեկնարկեց Տէրունական աղօթքով, որից յետոյ հնչեց երկրի պետական հիմնը, որի ընթացքում միութեան ժայռամագլցման պատանի մարզուհիները ծածանեցին Իրանի դրօշը: Նրանք գնահատագրեր ստացան շրջանի մարզական պատասխանատուից:

Օրւայ առիթով ընթերցւեց Սրբազան Հօր պատգամաը եւ ելոյթ ունեցաւ օրւայ բանախօս դոկտ. Անդրանիկ Սիմոնեանը: Արտայայտւեց նաեւ շրջանի մարզական պատասխանատու Ալի Իլքանը:

Եզրափակիչ խօսքով հանդէս եկաւ Իսլամական մշակոյթի եւ առաջնորդութեան նախարարութեան կրօնական փոքրամասնութիւնների պատասխանատու Սայիդ Թաղաւին:

Միջոցառման գեղարւեստական բաժնում հնչեցին հայերէն եւ պարսկերէն երգեր եւ արտասանութիւններ, իսկ Թեւան Քոչարեանի ղեկավարած «Ջիւանի» աշուղային խումբը կատարեց ուրախ երգեր:

Յարակից Հրապարակումներ

Ամենաշատ ընթերցւած

Քւէարկութիւն

Ինչպէ՞ս կազդի Իրաքեան Քուրդիստանի անկախութեան հանրաքւէն տարածաշրջանի վրայ:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։