Հա

Համայնք

08/03/2017 - 09:10

Թեմիս առաջնորդը մասնակցեց Ազհար հաստատութեան եւ իսլամական երէցների խորհուրդի կազմակերպած միջազգային համագումարին՝ ներկայացնելով Մեծի Տանն Կիլիկիոյ կաթողիկոսութիւնը

Փետրւարի 28-ից մարտի 2-ը Եգիպտոսում Ազհար հոգեւոր կենտրոնի եւ իր իսլամական երէցների խորհուրդի նախաձեռնութեամբ, Կահիրայում տեղի ունեցաւ միջազգային երկօրեայ մ համագումար՝ «Ազատութիւն, քաղաքացիութիւն, բազմազանութիւն եւ ամբողջականութիւն» թեմայով: 

«alikonline.ir» - Փետրւարի 28-ից մարտի 2-ը Եգիպտոսում Ազհար հոգեւոր կենտրոնի եւ իր իսլամական երէցների խորհուրդի նախաձեռնութեամբ, Կահիրայում տեղի ունեցաւ միջազգային երկօրեայ մ համագումար՝ «Ազատութիւն, քաղաքացիութիւն, բազմազանութիւն եւ ամբողջականութիւն» թեմայով: Այս մասին տեղեկացնում է ազգային առաջնորդարանի Հանրային կապը: 

Համագումարին հրաւիրւած էին տարբեր երկիրներից քրիստոնեայ եւ իսլամ հոգեւոր պետեր, Միջին Արեւելքի երկրների նախագահների եւ թագաւորների ներկայացուցիչներ, նախարարներ, պատգամաւորներ, միջազգային կազմակերպութիւնների բարձրաստիճան ներկայացուցիչներ։ 

Համագումարին հրաւիրուած էր նաեւ Սուրբ Աթոռիս գահակալ` Ն.Ս.Օ.Տ.Տ. Արամ Ա կաթողիկոսը։ Յանուն Վեհափառ Հայրապետի, համագումարին մասնակցեցին Թեհրանի հայոց թեմի առաջնորդ Տ. Սեպուհ արք. Սարգսեանը եւ կաթողիկոսարանի Տեղեկատւական բաժանի վարիչ Տ. Պետրոս վրդ. Մանուէլեանը։ 

Համագումարի բացման հանդիսութեանը, որին ներկայ էին աւելի քան հազար մասնակիցներ, Սրբազան Հայրը նախ Վեհափառի անունից ողջունեց Շէյխ Ալ-Ազհարին եւ մեծ իմամ Շէյխ դոկտ. Ահմատ Ալ-Դայիբին եւ իր ուրախութիւնը յայտնեց այս համագումարին մասնակցելու առթիւ, որից յետոյ ընթերցեց Վեհափառ Հայրապետի պատգամը։ Իր պատգամում Վեհափառ Հայրապետը շեշտել էր քրիստոնեայ-իսլամ համակեցութեան կարեւորութիւնը՝ մեծապէս կարեւորելով պատմութեան խորքից եկող քրիստոնէութեան եւ իսլամի համատեղ գործակցութեան օրինակը: 

Սրբազան Հայրն առանձին հանդիպում ունեցաւ նաեւ Ղպտի եկեղեցու հոգեւոր պետ` Նորին Սրբութիւն Թաւատրոս Բ Պապի հետ եւ նրան փոխանցեց Վեհափառ Հայրապետի եղբայրական ողջոյնները: Սրբազանը հանդիպեց նաեւ Ալ-Ազհարի հոգեւոր առաջնորդ` Շէյխ դոկտ. Ահմատ Ալ-Դայիբիի հետ եւ իրեն փոխանցեց Վեհափառ Հայրապետի բարեմաղթանքները, ինչպէս նաեւ գնահատանքը՝ նման կարեւոր միջազգային համագումարի կազմակերպման համար: 

Համագումարի ընթացքում Սրբազան Հայրն առիթ ունեցաւ հանդիպումներ ունենալու Մարոնիթ, Յոյն Կաթոլիկ եւ Գլտանի պատրիարքների եւ տարբեր եկեղեցիների ներկայացուցիչների, ինչպէս նաեւ՝ տեղական եւ միջազգային զանգւածային լրատւամիջոցների հետ: 

Համագումարի աւարտին հրապարակւեց հաղորդագրութիւն, որում մասնաւորապէս շետւեց համաքաղաքացիութեան կարեւորութիւն՝ որպէս մեկնակէտ քրիստոնեայ-իսլամ գործակցութեան: Հաղորդագրութիւնն անդրադարձաւ նաեւ ծայրայեղական շարժումներին եւ նրանց գործադրած բռնութեան եւ ահաբեկչական գործողութիւններին, որոնք որեւէ ձեւով կապ չունեն իսլամի հետ եւ դատապարտելի են։

Յարակից լուրեր

  • Ցեղասպանութեան խորհրդով ապրել եւ գործել ի խնդիր պայծառ ապագայի
    Ցեղասպանութեան խորհրդով ապրել եւ գործել ի խնդիր պայծառ ապագայի

    Ճիշտ հարիւր չորս տարիներ առաջ, երբ մեր ժողովուրդը իր հայրենի հողի վրայ, իր տներում պատրաստւում էր տօնելու իր Փրկչի Հրաշափառ Յարութեան տօնը, յանկարծ չարանենգ թշնամին իր սատանայական մտածումներով ու խաւարագոյն ծրագիրների իրագործման հեռանկարով սկսեց մեր ժողովրդի բնաջնջման եւ անխնայ, անգութ, անմարդկային ու գազանաբարոյ կերպերով ու միջոցներով աւելի քան մէկուկէս միլիոն մարդ գողգոթացեալ կեանքով դէպի մահ առաջնորդեց։

  • Ինչո՞ւ էք ողջին մեռելների մէջ փնտրում, նա այստեղ չէ, յարութիւն առաւ
    Ինչո՞ւ էք ողջին մեռելների մէջ փնտրում, նա այստեղ չէ, յարութիւն առաւ

    Քրիստոսի Հրաշափառ Յարութեան խորհրդով մեզ շնորհւած նոր կեանքը պէտք է դարձնենք մեկնակէտ աստւածատուր կեանքի, որ է սիրոյ, զոհողութեան ու նւիրումի, բարեգործութեան ու խաղաղութեան կեանք, չարի վրայ տարւած յաղթական կեանք։ Չմոռանանք, որ Քրիստոս իր Յարութեամբ չարը խափանեց եւ բարի կեանքով մեզ արժանացրեց իր շնորհքին եւ օրհնութեան։

  • Յիշատակ տասն կուսանաց
    Յիշատակ տասն կուսանաց

    Տասը կոյսերի յիշատակին նւիրւած խորհրդաւոր օրւայ առիթով, թւականիս երեքշաբթի ապրիլի 16-ի երեկոյեան Թեհրանի բոլոր եկեղեցիներում տեղի ունեցաւ տասը կոյսերին նւիրւած յիշատակի արարողութիւնը:

  • Թ. Հ. Թ. առաջնորդը շնորհաւորել է Բանակի օրը
    Թ. Հ. Թ. առաջնորդը շնորհաւորել է Բանակի օրը

    Թեհրանի հայոց թեմի առաջնոդը՝ Իրանի Իսլ. Հանրապետութեան Բանակի օրւայ կապակցութեամբ շնորհաւորական ուղերձ է յղել յեղափոխութեան առաջնորդ այաթ. Խամենէիին: Ուղերձում մասնաւորապէս նշւած է. «Մի երկրի եւ նրա ժողովրդի ապահովութեան, խաղաղ կեցութեան, անվտանգութեան երաշխիքը իր բանակն է, քաջ ու մարտունակ բանակը։

  • Կոչ մեր սիրելի ժողովրդին
    Կոչ մեր սիրելի ժողովրդին

    Տօնական այս օրերին, երբ Աւագ Շաբաթւայ խորհրդով ենք ապրում, կոչ եմ անում մեր ժողովրդի սիրելի զաւակներին, որ իրենց անվերապահ մասնակցութիւնը բերեն Իրանի տարբեր շրջաններում տեղի ունեցած աղէտի պատճառով տուն-տեղ կորցրած աղէտահարների համար ընթացքի մէջ եղող հանգանակութեան։

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։