Հա

Համայնք

Շաբաթ, 08 Ապրիլի 2017 11:40

Սրբազան Հայրը դատապարտել է Սիրիայի դէմ ԱՄՆ-ի ագրեսիան

Դատապարտում ենք Ամերիկեան անարդարանալի եւ միջազգային օրէնքների դէմ եղող ոճրային յարձակումը Սուրիական բանակի զօրակայանների վրայ։ Որեւէ մէկ պետութիւն իրաւունք չունի յարձակւելու մի այլ ազատ, անկախ պետութեան վրայ անհիմն, չստուգւած, յերիւրածոյ ու երեւակայական պատրւակների հիման վրայ։

«alikonline.ir» - Սիրիայի դէմ ԱՄՆ-ի կողմից իրականցւած հրթիռային յարձակման կապակցութեամբ Թեհրանի հայոց թեմի առաջնորդ Տ. Սեպուհ արք. Սարգսեանը հանդէս է եկել դատապարտական յայտարարութեամբ:

Սրբազան Հօր յայտարարութեան մէջ մասնաւորապէս նշւած է. «Դատապարտում ենք Ամերիկեան անարդարանալի եւ միջազգային օրէնքների դէմ եղող ոճրային յարձակումը Սուրիական բանակի զօրակայանների վրայ։ Որեւէ մէկ պետութիւն իրաւունք չունի յարձակւելու մի այլ ազատ, անկախ պետութեան վրայ անհիմն, չստուգւած, յերիւրածոյ ու երեւակայական պատրւակների հիման վրայ։

Կոչ ենք անում խաղաղասէր երկրների ղեկավարութեան դատապարտելու նման արարքներ եւ դատի կանչելու նման արարքների հեղինակները։ Նոյնքան դատապարտելի են սիոնիստական պետութեան, թրքական եւ Սէուդի Արաբիայի եւ այլ արեւմտեան ու արաբական պետութիւնների հակա սիրիական կեցւածքները։

Կոչ ենք անում նաեւ ամերիկացի խաղաղասէր ու պատերազմն ու բռնութիւնը դատապարտող խոհեմ ժողովրդին, դատապարտելու պրն. Թրամփին ռազմական յայտարարութիւններն ու նրան հրաւիրելու խաղաղասիրական միջոցներով եւ երկխօսութեամբ հարցերը քննելու եւ նրանց լուծում գտնելու։ Միւս կողմից զօրակցում ենք Սիրիայի ազնիւ ժողովրդին եւ պետութեան ու թելադրում օտարերկրեայ պետութիւններին չհովանաւորել ահաբեկչական շարժումները։

Աղօթում ենք աշխարհի եւ յատկապէս մեր տարածաշրջանի երկրների խաղաղութեան համար։»

Յարակից Հրապարակումներ

Ամենաշատ ընթերցւած

Քւէարկութիւն

Սարգսեան-Ալիեւ վերջին հանդիպման արդիւնքում կը գրանցւի՞ արդեօք առաջընթաց ԼՂ հակամարտութեան կարգաւորման գործում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։