Հա

Համայնք

17/04/2017

Իրանահայ համայնքը նշեց Քրիստոսի Յարութեան տօնը

Թեհրանի Ս. Սարգիս առաջնորդանիստ եկեղեցում օրւայ պատարագիչն էր Թեհրանի հայոց թեմի առաջնորդ Տ. Սեպուհ արք. Սարգսեանը: Պատարագի ընթացքում թեմակալ առաջնորդն իր քարոզի մէջ անդրադառնալով օրւայ խորհրդին՝ տարածաշրջանին եւ աշխարհին մաղթեց խաղաղութիւն:

«alikonline.ir» - Հայաստանեայց Առաքելական Եկեղեցին, երէկ՝ ապրիլի 16-ին նշեց Յիսուս Քրիստոսի Յարութեան տօնը: Այդ առիթով ս. պատարագ է մատուցւել Իրանի հայկական համայնքի երեք թեմերի բոլոր եկեղեցիներում: Տեղեկացնում է «Ալիք»-ի թղթակից Կարինէ Դաւթեանը:  

Թեհրանի հայոց թեմի բոլոր եկեղեցիներում առաւօտեան մատուցւեց ս. պատարագ, մասնակցութեամբ մեծ թւով հայրենակիցների, իսկ եկեղեցիների բակերում, նաեւ տարբեր քաղաքամասերի միութիւններում կազմակերպւել էր ձւախաղ:

Թեհրանի Ս. Սարգիս առաջնորդանիստ եկեղեցում օրւայ պատարագիչն էր Թեհրանի հայոց թեմի առաջնորդ Տ. Սեպուհ արք. Սարգսեանը: Պատարագի ընթացքում թեմակալ առաջնորդն իր քարոզի մէջ անդրադառնալով օրւայ խորհրդին՝ տարածաշրջանին եւ աշխարհին մաղթեց խաղաղութիւն: Թեմակալ առաջնորդն ընդգծեց, որ հայ ժողովուրդը եւս Ցեղասպանութիւնից յետոյ յարութիւն է առել ունենալով իր ազատ Հայրենիքը եւ կազմակերպ Սփիւռքը եւ աւելացրեց. «Երբ մի ժողովուրդ ապրում է իր իրաւունքների ամբողջական ձեռքբերման գիտակցութեամբ եւ ապրում ու պայքարում է իր իրաւունքների ձեռքբերման հեռանկարով, նա վաղ թէ ուշ ամպայմանօրէն կը տիրանայ դրանց»:

Յատկանշական է, որ եկեղեցական արարողութեանը ներկայ էին Իրանում ՀՀ արտակարգ եւ լիազօր դեսպանը եւ դեսպանութեան դիւանագիտական անձնակազմը, Իրանում Ռուսաստանի Դաշնութեան դեսպանը, Թ.Հ.Թ. Պատգամաւորական ժողովի, Թ.Հ.Թ. Թեմական խորհրդի եւ ազգային մարմինների ներկայացուցիչները:

Նոյն օրը թէ՛ առաւօտեան ս. պատարագից յետոյ, եւ թէ՛ երեկոյեան, թեմակալ առաջնորդն ազգային առաջնորդարանի դահլիճում ընդունեց շնորհաւորանքներ:

Յարակից լուրեր

  • Ս. Սարգիս մայր եկեղեցու օծման 45-ամեակի առիթով «Հոգեւոր համերգ»
    Ս. Սարգիս մայր եկեղեցու օծման 45-ամեակի առիթով «Հոգեւոր համերգ»

    Թեհրանի Ս. Սարգիս մայր եկեղեցու օծման 45-ամեակի առիթով թւականիս մայիսի 17-ին եկեղեցու յարկի տակ կազմակերպւել էր «Հոգեւոր համերգ»-երեկոյ:

  • Առաջնորդ Սրբազան Հայրն ընդունեց Մակեդոնացի երկու հոգեւորականների
    Առաջնորդ Սրբազան Հայրն ընդունեց Մակեդոնացի երկու հոգեւորականների

    Երեքշաբթի, մայիսի 15-ի կէսօրին, Մակեդոնիայից Թեհրան ժամանած հոգեւորականներ՝ Միլան քահանայ Բորիսովը, Ս. Ստեփանոս մատրան հովիւ եւ փոխտնօրէն գիտութեան ու միջազգային համագործակցութեան բաժանմունքի Աստւածաբանութեան համալսարանում, նաեւ Դէժան քահանայ Բորիսովը քաղաքավարական այցով, այցելեցին Ազգային առաջնորդարան եւ հանդիպեցին թեմիս առաջնորդ՝ գերշ. Տ. Սեպուհ Ս. արք. Սարգսեանին:

  • Հանդիպում Թեհրանի 15-րդ շրջանի քաղաքապետի եւ իր օգնականների հետ 
    Հանդիպում Թեհրանի 15-րդ շրջանի քաղաքապետի եւ իր օգնականների հետ 

    Երեքշաբթի, մայիսի 15-ի առաւօտեան, թեմիս առաջնորդ գերշ. Տ. Սեպուհ Ս. արք. Սարգսեանը առաջնորդարանի դահլիճում ընդունեց Թեհրանի 15-րդ շրջանի քաղաքապետ՝ պրն. Վահիդռեզա Մոհամմադին:

  • Եկեղեցականաց համագումար
    Եկեղեցականաց համագումար

    Երկուշաբթի, մայիսի 14-ին, թեմիս բարեխնամ առաջնորդ գերշ. Տ. Սեպուհ Ս. արք. Սարգսեան նախագահութեամբ գումարւեց թեմիս Եկեղեցականաց համագումար, ընտրելու համար արժ. Տ. Արսէն քհնյ. Աւետեանին փոխարինող մի անդամ եկեղեցական:

  • Համբարձման տօնակատարութիւն
    Համբարձման տօնակատարութիւն

    Մեր եկեղեցու տօնացոյցի համաձայն, թւականիս հինգշաբթի, մայիսի 10-ը մեր Տիրոջ Յիսուս Քրիստոսի երկինք Համբարձման տօնն էր:

    Այդ ուրախ առիթով Թեհրանի եկեղեցիներում հինգշաբթի առաւօտեան մատուցւեց Քրիստոսի երկինք Համբարձման տօնի առիթով սուրբ պատարագը:

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։