Հա

Համայնք

Երեքշաբթի, 16 Մայիսի 2017 10:30

Դոկտ. Կարէն Խանլարեան. «Ընտրութիւնների միջոցով է ճշտւում երկրի թէ՛ քաղաքական, թէ՛ տնտեսական, եւ թէ՛ հասարակական ճակատագիրը»

Սիրելի հայրենակիցներ ակտիւ կերպով, ներգործօն մասնակցութեամբ ներկայ գտնւենք ընտրութիւններում, որովհետեւ այս ընտրութիւնների միջոցով է ճշտւում  երկրի թէ՛ քաղաքական, թէ՛ տնտեսական, եւ թէ՛ հասարակական ճակատագիրը, հետեւաբար խնդրանքս է, որ  մեր հայրենակիցները ինչպէս անցեալի, այս անգամ եւս մասնակցեն եւ իրենց քւէն տան յանուն բարգաւաճ Իրանի, յանուն Իրանի զարգացման  եւ արժանապատւութեան

«alikonline.ir» - Մայիսի 19-ին Իրանում կայանալիք նախագահական 12-րդ շրջանի եւ իսլամական քաղխորհուրդների 5-րդ շրջանի ընտրութիւնների կապակցութեամբ Իսլամական խորհրդարանում Թեհրանի եւ հիւսիսային իրանահայութեան պատգամաւոր դոկտ. Կարէն Խանլարեանը հանդէս է եկել հետեւեալ պատգամով: 

«Սիրելի հայրենակիցներ ակտիւ կերպով, ներգործօն մասնակցութեամբ ներկայ գտնւենք ընտրութիւններում, որովհետեւ այս ընտրութիւնների միջոցով է ճշտւում երկրի թէ՛ քաղաքական, թէ՛ տնտեսական, եւ թէ՛ հասարակական ճակատագիրը, հետեւաբար խնդրանքս է, որ մեր հայրենակիցները ինչպէս անցեալի, այս անգամ եւս մասնակցեն եւ իրենց քւէն տան յանուն բարգաւաճ Իրանի, յանուն Իրանի զարգացման եւ արժանապատւութեան: 

Իրանի Իսլամական յեղափոխութեան յաղթանակից յետոյ, արդէն մի քանի տասնեակ տարիներ է, որ ձեւաւորւել է հետեւեալ դիրքորոշումը: Մենք ունենում ենք ակտիւ մասնակցութիւն, պասիւ չենք մնում, սակայն որպէս իրանահայ չենք կարող կողմնորոշւել անբլոկ, որեւէ թեկնածուի օգտին, որովհետեւ իրանահայութիւնը եւս պատկերն է Իրանի հասարակութեանը, հետեւաբար տարբեր տեսակէտներով, տարբեր կարծիքներով մարդիկ ու հոսանքներ կան համայնքում, որոնք քաղաքական զանազան դիրքորոշումներ կարող են ունենալ եւ ունեն: Հետեւաբար չի կարելի ասել ինչ դիրքորոշում կը լինի որոշակիօրէն որեւէ թեկնածուի օգտին եւ սա է հարցի հետաքրքիր կողմը, որովհետեւ իրանահայութիւնն եւս ինչպէս Իրանի ժողովուրդը իր ապագան կապում է տարբեր թեկնածուների քաղաքական ծրագրերի հետ եւ չեմ կարծում ճիշտ լինի, վարւել բացի այդ: Սա չի նշանակում պասիւութիւն, այլ նշանակում է որ մենք կարողանանք մեր խնդիրները եւ պահանջները ներկայացնենք թեկնածուներին, որոնք երկրի հաւանական նախագահները կը լինեն: Այդ առումով էլ թւականիս մայիսի 13-ին ազգային առաջնորդարանում խորհրդակցական հանդիպում տեղի ունեցաւ, որտեղ մասնակցոււմ էին համայնքի գրեթէ քաղաքական բոլոր ակտիւիստները, պատասխանատուները, գիտական հայեացքներ եւ քաղաքական հակումներ ունեցող մարդիկ եւ այդտեղ եւս բոլորը համաձայնւեցին, որ մենք մնանք դրական չէզոքութեան դիրքերում, չկողմնորոշւենք յանուն մէկի: Այդ հանդիպմանը քննարկւեց մեր պահանջագիրը, որը վերջնական ձեւաւորում ստանալով յղւել է տարբեր թեկնածուներին: Պահանջագիրը պարունակում է մեր պահանջները ազգային-պետական մասշտաբով եւ թէ համայնքային հարցերի կապակցութեամբ:

Մէկ անգամ եւս ընտրութիւններին ակտիւ մասնակցութեան կոչ եմ ուղղում»: 

Իսլամական խորհրդարանում
Թեհրանի եւ հիւսիսային իրանահայութեան պատգամաւոր
դոկտ. Կարէն Խանլարեան

Յարակից Հրապարակումներ

Ամենաշատ ընթերցւած

Քւէարկութիւն

Արժանի՞ էր արդեօք Ռոնալդուն տարւայ լաւագոյն ֆուտբոլիստի կոչմանը:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։