Հա

Համայնք

08/06/2017 - 12:10

Թեմակալ առաջնորդը ցաւակցագիր է յղել Իսլ. յեղափոխութեան առաջնորդին

Թեհրանում տեղի ունեցած ահաբեկչական գործողութիւնների կապակցութեամբ Թեհրանի հայոց թեմի առաջնորդ Տ. Սեպուհ արք. Սարգսեանը ցաւակցագիր է յղել Իսլ. յեղափոխութեան առաջնորդ այաթ. Ալի Խամենէիին:

«alikonline.ir» - Թեհրանում տեղի ունեցած ահաբեկչական գործողութիւնների կապակցութեամբ Թեհրանի հայոց թեմի առաջնորդ Տ. Սեպուհ արք. Սարգսեանը ցաւակցագիր է յղել Իսլ. յեղափոխութեան առաջնորդ այաթ. Ալի Խամենէիին:

Սրբազան Հօր ցաւակցագրում մասնաւորապէս նշւած է.

«Այաթ. Ալի Խամենէի

Առաջնորդ Իրանի Իսլամական Յեղափոխութեան եւ

Հոգեւոր Առաջնորդ Իրանի Իսլամական Հանրապետութեան

Խոր ցաւով լսեցինք անարգ ու դատապարտելի ահաբեկչական յարձակումների լուրը Իսլամական յեղափոխութեան ռահվիրայ եւ Իրանի Իսլամական Հանրապետութեան հիմնադիր՝ հանգուցեալ Իմամ Խոմէյնու յուշարձան դամբարանի եւ Իրանի Իսլամական Հանրապետութեան խորհրդարանի-Մեջլիսի վրայ, Ռամազանի ծոմապահութեան այս նւիրական օրերին։

Մօտիկից հետեւեցինք ու հետեւում ենք լուրերին, այն խոր համոզումով, որ մեր երկրի ապահովութեան ու անվտանգութեան հսկող ուժերը արթուն եւ անձնազոհ պիտի ջախջախէին ու ջախջախել են արդէն բոլոր այն ուժերը, որոնք համարձակւում են վրդովել մեր երկրի եւ ժողովրդի խաղաղ կեանքը։

Բուռն կերպով դատապարտում ենք ահաբեկչական այս արարքը եւ յիշեցնում արար աշխարհին որ Իրանի Իսլամական Հանրապետութիւնը ամուր է եւ զօրեղ եւ ինքնավստահօրէն պայքարում է ահաբեկչական շարժումների եւ նրանց ետին գտնւողների դէմ։

Մենք, յանուն մեր ողջ հայ ժողովրդին, մեր զօրակցութիւնն ենք յայտնում ձեզ եւ մեր իրանեան հայրենիքին եւ ի սրտէ աղօթում, որ Աստւած ձեզ շնորհի առողջ, արեւշատ եւ երկար կեանք, որպէսզի կարենաք երկարօրէն ղեկավարել ու առաջնորդել օրհնեալ մեր երկիրը։

Աղօթում ենք անմեղ զոհերի հոգիների խաղաղութեան եւ իրենց ընտանիքների մխիթարութեան համար։ Աղօթում ենք նաեւ վիրաւորների արագ ապաքինման եւ մեր երկրի խաղաղութեան համար։

ԱՂՕԹԱԿՑՈՒԹԵԱՄԲ՝

ՍԵՊՈՒՀ ԱՐՔ. ՍԱՐԳՍԵԱՆ

ԱՌԱՋՆՈՐԴ ԹԵՀՐԱՆԻ ՀԱՅՈՑ ԹԵՄԻ»:

Յարակից լուրեր

  • Ցեղասպանութեան խորհրդով ապրել եւ գործել ի խնդիր պայծառ ապագայի
    Ցեղասպանութեան խորհրդով ապրել եւ գործել ի խնդիր պայծառ ապագայի

    Ճիշտ հարիւր չորս տարիներ առաջ, երբ մեր ժողովուրդը իր հայրենի հողի վրայ, իր տներում պատրաստւում էր տօնելու իր Փրկչի Հրաշափառ Յարութեան տօնը, յանկարծ չարանենգ թշնամին իր սատանայական մտածումներով ու խաւարագոյն ծրագիրների իրագործման հեռանկարով սկսեց մեր ժողովրդի բնաջնջման եւ անխնայ, անգութ, անմարդկային ու գազանաբարոյ կերպերով ու միջոցներով աւելի քան մէկուկէս միլիոն մարդ գողգոթացեալ կեանքով դէպի մահ առաջնորդեց։

  • Այաթ. Խամենէիի հրամանով Իսլ. յեղափոխութեան պահակազօրի հրամանատար է նշանակւել գեներալ Հոսէյն Սալամին
    Այաթ. Խամենէիի հրամանով Իսլ. յեղափոխութեան պահակազօրի հրամանատար է նշանակւել գեներալ Հոսէյն Սալամին

    Իսլ. յեղափոխութեան առաջնորդ, Իրանի ԶՈՒ-ի գերագոյն հրամանատար. Այաթ. Սէյէդ Ալի Խամենէիի հրամանով Իսլ. յեղափոխութեան պահակազօրի հրամանատար է նշանակւել գեներալ-լէյտենանտ Հոսէյն Սալամին:

  • Ինչո՞ւ էք ողջին մեռելների մէջ փնտրում, նա այստեղ չէ, յարութիւն առաւ
    Ինչո՞ւ էք ողջին մեռելների մէջ փնտրում, նա այստեղ չէ, յարութիւն առաւ

    Քրիստոսի Հրաշափառ Յարութեան խորհրդով մեզ շնորհւած նոր կեանքը պէտք է դարձնենք մեկնակէտ աստւածատուր կեանքի, որ է սիրոյ, զոհողութեան ու նւիրումի, բարեգործութեան ու խաղաղութեան կեանք, չարի վրայ տարւած յաղթական կեանք։ Չմոռանանք, որ Քրիստոս իր Յարութեամբ չարը խափանեց եւ բարի կեանքով մեզ արժանացրեց իր շնորհքին եւ օրհնութեան։

  • Յիշատակ տասն կուսանաց
    Յիշատակ տասն կուսանաց

    Տասը կոյսերի յիշատակին նւիրւած խորհրդաւոր օրւայ առիթով, թւականիս երեքշաբթի ապրիլի 16-ի երեկոյեան Թեհրանի բոլոր եկեղեցիներում տեղի ունեցաւ տասը կոյսերին նւիրւած յիշատակի արարողութիւնը:

  • Թ. Հ. Թ. առաջնորդը շնորհաւորել է Բանակի օրը
    Թ. Հ. Թ. առաջնորդը շնորհաւորել է Բանակի օրը

    Թեհրանի հայոց թեմի առաջնոդը՝ Իրանի Իսլ. Հանրապետութեան Բանակի օրւայ կապակցութեամբ շնորհաւորական ուղերձ է յղել յեղափոխութեան առաջնորդ այաթ. Խամենէիին: Ուղերձում մասնաւորապէս նշւած է. «Մի երկրի եւ նրա ժողովրդի ապահովութեան, խաղաղ կեցութեան, անվտանգութեան երաշխիքը իր բանակն է, քաջ ու մարտունակ բանակը։

Ամենաշատ ընթերցւած

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։