Հա

Համայնք

Կիրակի, 11 Յունիսի 2017 10:20

«Ակունք»-ը՝ ձեռքի աշխատանքների միջազգային օրւայ ցուցահանդէսում 

Ցուցահանդէսին մասնակցում էր «Ակունք» կենտրոնը, որին հրաւիրել էր Թեհրանի քաղաքապետարանի 12-րդ շրջանը: «Ակունք»-ի սաների աշխատանքները ներկայացնում էին կենտրոնի աշխատակիցները եւ սաներից երկուսը՝ Էդւարդ Մատթէոսեանը եւ Անահիտ Ռոստոմեանը:

«alikonline.ir», Սիւնէ Ֆարմանեան - Երէկ յունիսի 10-ին, «Շոհադայէ հաֆթ է թիր» սրահում տեղի ունեցաւ Թեհրանի քաղաքապետարանի եւ Թեհրանի ուսումնադաստիարակչական կենտրոնի համատեղ ցուցահանդէսը, որը նւիրւած էր ձեռքի աշխատանքների միջազգային օրւան: 

Ցուցահանդէսին ներկայ էին Թեհրանի ուսումնադաստիարակչական կենտրոնի տնօրէն դոկտ. Բաղերին, ուսումնադաստիրակչական կենտրոնի վերականգնողական բաժնի փոխտնօրէնը եւ մի շարք այլ պետական այրեր: 

Ցուցահանդէսին մասնակցում էին բազմաթիւ կազմակերպութիւններ այդ թւում, նաեւ՝ «Ակունք» կենտրոնը, որին հրաւիրել էր Թեհրանի քաղաքապետարանի 12-րդ շրջանը: «Ակունք»-ի սաների աշխատանքները ներկայացնում էին կենտրոնի աշխատակիցները եւ սաներից երկուսը՝ Էդւարդ Մատթէոսեանը եւ Անահիտ Ռոստոմեանը: Նրանք արւեստասէր հանրութեանն էին ներկայացնում կենտրոնի սաների ձեռքի աշխատանքները, նկարչութիւնները, եւ այլ արւեստի գործերը: 

Ցուցահանդէսին մասնակցելը կենտրոնի անձնակազմի եւ սաների մեծ ոգեւորութեան պատճառը դարձաւ:

 

Յարակից Հրապարակումներ

  • Փարիզում բացւած ցուցահանդէսում ներկայացւած է հայկական ձեռագրեր եւ խորանի վարագոյր
    Փարիզում բացւած ցուցահանդէսում ներկայացւած է հայկական ձեռագրեր եւ խորանի վարագոյր

    Փարիզի «Insitut du Monde Arabe» թանգարանում սեպտեմբվերի 25-ին տեղի է ունեցել «Քրիստոնէութեան Ծնունդը Միջին Արեւելքում» խորագրով ցուցահանդէսը:

  • Սրբազան Հօր ձեռամբ սեպտեմբերի 8-ին, Ս. Աստւածածին եկեղեցում օրհնւեց Հ.Մ.Ա.Կ.-ի նախաձեռնութեամբ՝ Իրանի 49-րդ Համահայկական խաղերի ջահը
    Սրբազան Հօր ձեռամբ սեպտեմբերի 8-ին, Ս. Աստւածածին եկեղեցում օրհնւեց Հ.Մ.Ա.Կ.-ի նախաձեռնութեամբ՝ Իրանի 49-րդ Համահայկական խաղերի ջահը

    Իրանի 49-րդ Համահայկական խաղերը նւիրւած են լինելու «Ակունք» կենտրոնի հիմնադրման 20-ամեակին: «Ակունք» կենտրոնի սաներն ու ուսուցչական կազմը եւ տնօրինութիւնը ներկայ էին ջահի օրհնման արարողակարգին:

  • Կիեւի ազգային պատկերասրահում բացւելու է Յովհաննէս Այւազովսկու 200-ամեակին նւիրւած ցուցահանդէս
    Կիեւի ազգային պատկերասրահում բացւելու է Յովհաննէս Այւազովսկու 200-ամեակին նւիրւած ցուցահանդէս

    Ուկրայինայի մայրաքաղաք Կիեւի ազգային պատկերասրահում սեպտեմբերի 12-ին բացւելու է «Հանճարը եւ ծովը. աւանդոյթները, որոնումները, յայտնագործութիւնները» խորագիրը կրող ցուցահանդէս` նւիրւած Յովհաննէս Այւազովսկու 200-ամեակին եւ պատկերասրահի 95-ամեակին:

  • Սրճի բուրմունքով տօնավաճառ՝ «Գոֆթեգու» զբօսայգում
    Սրճի բուրմունքով տօնավաճառ՝ «Գոֆթեգու» զբօսայգում

    Այս օրերում, սուրճի սիրահարներին կարելի է գտնել քաղաքի «Գոֆթեգու» զբօսայգու ցուցահանդէսային սրահում, որտեղ ընթանում է «Իրանի միջազգային սուրճի տօնավաճառ»-ը. տօնավաճառ, որի օդը լցւած է եփած սուրճի անուշ ու թարմ բուրմունքով:

  • Հայ բեմի երախտաւորների դիմանկարները կը հանգրւանեն Հայաստանի թատերական գործիչների միութիւնում
    Հայ բեմի երախտաւորների դիմանկարները կը հանգրւանեն Հայաստանի թատերական գործիչների միութիւնում

    «ԿԱՌԼԼԵՒՈՆԻ» պատկերասրահում օգոստոսի 27-ին կայացել է ռոստովաբնակ քանդակագործ, նկարիչ Ներսէս Կիրակոսեանի ցուցահանդէսի բացումը:

    «alikonline.ir» - «ԿԱՌԼԼԵՒՈՆԻ» պատկերասրահում օգոստոսի 27-ին կայացել է ռոստովաբնակ քանդակագործ, նկարիչ Ներսէս Կիրակոսեանի ցուցահանդէսի բացումը: Այս մասին «Արմէնպրես»-ին տեղեկացրին Հայաստանի թատերական գործիչների միութիւնից՝ յաւելելով. «Ներկայացւած են վերջին մէկ տարւայ ընթացքում հեղինակի կատարած գրաֆիկական աշխատանքները: Ներկայ էին մշակոյթի եւ արւեստի գործիչներ»:

    «Այս ցուցահանդէսի գաղափարը շատ պատահական յղացավ` 2016 թւականին կայացած առաջին անհատական ցուցահանդէսի ժամանակ: Որոշեցի պատկերել հայ բեմի երախտաւորներին, որ գալիք սերունդը չմոռանայ նրանց ու յիշատակը միշտ վառ պահի»,- ասաց նկարիչը: 

    Ն. Կիրակոսեանի փոխանցմամբ` խորագիրը կը լինի շարունակելի. «Անշուշտ, ցանկութիւն կայ շարունակել այս գաղափարն ու առաջիկայում ներկայացնել հայ բեմի այլ երախտաւորների դիմանկարներ, քանի որ այստեղ ոչ բոլորն են ներկայացւած: Բանն այն է, որ այս աշխատանքներն արւած են խիստ հաշւարկով. հաշւի ենք առել թատերական գործիչների միութեան ճեմասրահը, որտեղ շուտով կը հանգրւանեն հայ բեմի երախտաւորները»: 

    ՀԹԳՄ նախագահ Յակոբ Ղազանչեանը, բարձր գնահատելով նկարչի արւեստը, պարգեւատրեց Ն. Կիրակոսեանին ՀԹԳՄ ոսկէ մեդալով` հայ բեմարւեստի երախտաւորների դիմանկարները վարպետութեամբ ստեղծելու եւ դրանք անհատոյց Հայաստանի թատերական գործիչների միութեանը նւիրաբերելու համար: 

    «Աննախադէպ գաղափար է, որի մասին անցած տարի տեղեկացայ: Պէտք է ասեմ, որ սա շատ մեծ եւ շռայլ նւեր է մեզ համար, ինչի համար շնորհակալութիւն հեղինակին: Կարծում եմ, որ այն կը ծառայի նպատակին. ցաւօք սրտի, մեր երիտասարդները շատ քիչ գիտեն հայ բեմի երախտաւորների մասին»,- ասաց Հ. Ղազանչեանը: 

    Նշենք, որ ցուցահանդէսը կը գործի մինչեւ ս. թ. սեպտեմբերի 6-ը»:

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։