Հա

Համայնք

01/11/2017 - 11:00

Միջ-եկեղեցական կարեւոր ժողով առաջնորդարանում

Հոկտեմբերի 31-ին թեմիս առաջնորդ գերշ. Տ. Սեպուհ Ս. արք. Սարգսեանի հրաւէրով Ազգային առաջնորդարանում տեղի ունեցաւ միջ-եկեղեցական իւրայատուկ ժողով:

«alikonline.ir» - Հոկտեմբերի 31-ին թեմիս առաջնորդ գերշ. Տ. Սեպուհ Ս. արք. Սարգսեանի հրաւէրով Ազգային առաջնորդարանում տեղի ունեցաւ միջ-եկեղեցական իւրայատուկ ժողով, որին մասնակցեցին Հայ Կաթողիկէ եւ Աւետարանական հոգեւոր առաջնորդներ գերշ. Սարգիս եպս. Դաւթեան, վերապատւելի Սերգէլ Շահվերդեան եւ վերապատւելի Միշէլ Աղամալեան, Արեւելքի Ասորի եկեղեցու առաջնորդ Մար Բենեամին եպիսկոպոսը իր քահանայի հետ, Ուրմիոյ քաղդէացի առաջնորդ գերշ. Տ. Մար Թումաս եպիսկոպոսը եւ թեմիս Կրօնական խորհրդի անդամներ գերշ. Տ. Մակար Ս. եպս. Աշգարեանը, արժ. Տ. Գուրգէն քհնյ. Ներսէսեանը, արժ. Տ. Մեսրոպ քհնյ. Ռատթէոսեանը, արժ. Տ. Մաշտոց քհնյ. Խաչատրեանը, արժ. Տ. Կոմիտաս քհնյ. Ղարախանեանը, արժ. Տ. Սահակ քհնյ. Խոսրովեանը, արժ. Տ. Արիստկաէս քհնյ. Շահմիրեանը եւ գերմանախօս եկեղեցու պատւելի Քիրսթընը։ Տեղեկացնում է Ազգային առաջնորդարանի Հանրային կապը:

Սոյն ժողովի հիմնական նպատակն էր խորհրդակցել Իրանում միջ-եկեղեցական խորհուրդ ձեւաւորելու վերաբերեալ։ Ժողովականները ողջունեցին Սրբազան Հօր առաջարկը եւ կարեւորութեամբ շեշտեցին քրիստոնեայ համայնքների միասնակամութիւնն ու համատեղ գործակցութիւնը։

Որոշւեց յառաջիկայում ներկայացնել ուսումնասիրւած ծրագրեր, որպէսզի հնարաւոր լինի շուտով կազմել Իրանի Եկեղեցիների խորհուրդ-մարմինը։

Յարակից լուրեր

  • Ուխտագնացութիւն Սարի-Գորգան
    Ուխտագնացութիւն Սարի-Գորգան

    Հինգշաբթի, 19 սեպտեմբեր 2019-ին, թեմիս առաջնորդ Տ. Սեպուհ Ս. արք. Սարգսեանը, իր հովւական այցելութիւնները շրջաններում, Խաչվերացի տօնի ուրախ առիթով այցելեց Սարի եւ Գորգան հայ համայնքին: Նոյն առիթով տելի ունեցաւ երկօրեայ ուխտագնացութիւն, կազմակերպութեամբ Թ.Հ.Թ. Կրօնական խորհրդի եւ համագործակցութեամբ Թ.Հ.Թ. եկեղեցիների Եկեղեցական խորհուրդներից կազմւած յատուկ ուխտագնացութեան յանձնախմբին։

  • Այցելութիւն ազգային առաջնորդարան
    Այցելութիւն ազգային առաջնորդարան

    Երկուշաբթի, սեպտ. 16-ին, թեմիս առաջնորդ Տ. Սեպուհ արք. Սարգսեանը, առաջնորդարանի իր գրասենեակում ընդունեց Իրանահայ Գրողների միութեան նախագահ՝ Գարուն Սարգսեանին եւ «Նայիրի» հրատարակչատան տնօրէն՝ Արտոյտ Զոհրաբեանին:

  • Խաչվերացի երեկոյեան պատարագն ու անդաստան թափորը Ս. Խաչ մատուռի շրջափակում
    Խաչվերացի երեկոյեան պատարագն ու անդաստան թափորը Ս. Խաչ մատուռի շրջափակում

    Ի յիշատակ Խաչի գերեդարձին Եկեղեցին հաստատեց Խաչվերացի տօնը, որ բոլոր եկեղեցիները այն տօնում են 14 սեպտեմբերին իսկ մենք հայերս այն տօնում ենք  սեպտեմբերի 14-ի ամենամօտիկ կիրակիին, երբ այն չի համընկնում կիրակի օրւան:

  • Հայաստանի Հանրապետութեան դեսպանն այցելեց առաջնորդ Սրբազանին
    Հայաստանի Հանրապետութեան դեսպանն այցելեց առաջնորդ Սրբազանին

    Հինգշաբթի, սեպտեմբերի 12-ի առաւօտեան, թեմիս առաջնորդ գերշ. Տ. Սեպուհ Ս. արք. Սարգսեանն ընդունեց Իրանի Իսլամական Հանրապետութիւնում հաւատարմագրւած Հայաստանի Հանրապետութեան արտակարգ եւ լիազօր դեսպան մեծարգոյ պրն. Արտաշէս Թումանեանին:

  • Տ. Սեպուհ արք. Սարգսեան. «Խստիւ դատապարտում ենք նման կայքերում տեղադրւած կեղծ լուրերը»
    Տ. Սեպուհ արք. Սարգսեան. «Խստիւ դատապարտում ենք նման կայքերում տեղադրւած կեղծ լուրերը»

    Իրանական ԶԼՄ-ներից «Ֆարս»-ը վկայակոչելով անյայտ աղբիւրների խօսքերը, հրապարակել է իսլամ ընդունած հայերի մասին մի յօդւած, որում ընդգծումը պահել է Մոհառամեան սգոյ ծէսերին մասնակցելու բերումով «Բուժւած հայ երիտասարդի» վրայ:

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։