Հա

Համայնք

20/11/2013 - 11:00

ՅԻՇԱՏԱԿ - Ալբերտ Քոչարեանի յիշատակին

Հոկտեմբերի 9-ին, Թեհրանում, երկարատեւ ու ծանր հիւանդութիւնից յետոյ, իր մահկանացուն կնքեց ազգային-հասարակական ու միութենական վաստակաւոր գործիչ ճրտգ. Ալբերտ Քոչարեանը՝ խոր սուգի մատնելով իր հարազատներին, ընկերներին, գործակիցներին ու այն բոլոր անձանց, որոնք ազգային մարմիններում համագործակցել էին նրա հետ եւ օգտւել իր փորձառութիւններից:

Անց են կենում սէր ու խնդում,
Գեղեցկութիւն, գանձ ու գահ,
Մահը մերն է, մենք մահինը,
Մարդու գործն է միշտ անմահ:
(Յ. ԹՈՒՄԱՆԵԱՆ)

Հոկտեմբերի 9-ին, Թեհրանում, երկարատեւ ու ծանր հիւանդութիւնից յետոյ, իր մահկանացուն կնքեց ազգային-հասարակական ու միութենական վաստակաւոր գործիչ ճրտգ. Ալբերտ Քոչարեանը՝ խոր սուգի մատնելով իր հարազատներին, ընկերներին, գործակիցներին ու այն բոլոր անձանց, որոնք ազգային մարմիններում համագործակցել էին նրա հետ եւ օգտւել իր փորձառութիւններից:
Ալբերտի բեղուն ու բազմակողմանի գործունէութիւնը դժւար է սահմանափակել մի քանի տողերով:
Ծնւել էր 1967 թւականին, Թեհրանի Զէյթուն քաղաքամասում, Թութի եւ Թեւան Քոչարեանների բարեպաշտ ու արւեստասէր ընտանիքում, ուր կրօնի ու մշակոյթի հանդէպ սէր ու պաշտամունք էր տիրում:
Իր ուսումն ստացել է «Շանթ», «Նոր Անի» եւ «Ա. Սողոմոնեան» դպրոցներում, իսկ բարձրագոյն կրթութիւնը՝ «Էլմ-օ-սանաթ» համալսարանում՝ էլեկտրականութեան ճարտարագիտութեան ճիւղում:
Վաղ երիտասարդական տարիքից նւիրւել է ազգային-հասարակական կեանքին՝ անդամակցելով միութիւնների ու ազգային մարմինների:
Հ. Մ. «Նայիրի» միութեան հիմնադրութեան սկզբնական օրերից մինչեւ իր դառնաղէտ մահը՝ գործուն մասնակցութիւն է բերել միութեան տարբեր բաժանմունքների աշխատանքներին:
1993 թւականից մինչեւ 1997 թւականը ամենայն բծախնդրութեամբ երկու շրջան եղել է Հայ մշակութային «Նայիրի» միութեան վարչութեան անդամ:
Նա իր բնաւորութեան առաքինի գծերով, բազմապիսի ընդունակութիւններով, նաեւ ազգային ոգով տոգորւած լինելով՝ անդամակցել եւ մեծապէս օգտակար է հանդիսացել այլ հայկական միութիւնների ու պետական մարմինների, ինչպէս օրինակ՝ Իրան-Հայաստան բարեկամական միութեանը, Իրանի Հայ ճարտարապետների ու ճարտարագէտների միութեանը, Հայ համալսարանականների ընդհ. միութեանը, ուր նաեւ վարել է վարչութեան նախագահի պաշտօնը, Զէյթուն քաղաքամասի Թաղային խորհրդին, ուր վարել է հերթաբար քարտուղարի, փոխնախագահի եւ նախագահի պաշտօնները, նաեւ անդամակցել է այլ ազգային մարմինների:
Զէյթուն քաղաքամասի հայ բնակիչների կողմից մի քանի շրջան ընտրւել է Թեհրանի հայոց թեմի Պատգամաւորական ժողովի անդամ եւ իր բոլորանւէր ծառայութիւնն է մատուցել Թեհրանի, ի մասնաւորի Զէյթուն քաղաքամասի հայ համայնքին:
Տողերիս գրողը երկար տարիներ տարբեր մարմիններում ու միութիւններում համագործակցել է նրա հետ եւ վայելել նրա սիրալիր ու ընկերական ջերմ վերաբերմունքը:
Դեռ երկար տարիներ կը վայելէինք Ալբերտի կարողականութիւններն ու բարեհամբոյր բնաւորութիւնը, եթէ վաղաժամ մահը նրան չբաժանէր մեզանից:
Նրա բարի յիշատակը, համայնքում եւ Զէյթուն քաղաքամասում ունեցած ներդրումները եւ յանձնառութիւնն ու նւիրումը մշտապէս վառ կը մնան նրան ճանաչողների ու համակրողների սրտերում:
Հանգիստ՝ իր հոգուն եւ յարգանք՝ իր վաստակին:

ՅՈՎԻԿ ՄԻՆԱՍԵԱՆ

Յարակից լուրեր

  • «Armenia airways»-ը մեկնարկում է դէպի Թեհրան թռիչքներով
    «Armenia airways»-ը մեկնարկում է դէպի Թեհրան թռիչքներով

    Հայկական «Armenia airways» աւիաընկերութիւնն առաջիկայ շաբաթներին երկինք կը բարձրանայ: Ընկերութիւնն սկսելու է իրականացնել Երեւան-Թեհրան-Երեւան կանոնաւոր չւերթներ: Այս մասին տեղեկանում ենք աւիաընկերութեան ֆէյսբուքեան էջից: Ճիշտ է՝ առայժմ տոմսերի վաճառք չկայ, եւ «Զւարթնոց» օդանաւակայանի կայքում էլ չւացուցակը դեռ չի երեւում:

  • Հայոց Ցեղասպանութեան 104-րդ տարելիցին նւիրւած միջոցառում Զէյթուն քաղաքամասի միասնական նախաձեռնութեամբ
    Հայոց Ցեղասպանութեան 104-րդ տարելիցին նւիրւած միջոցառում Զէյթուն քաղաքամասի միասնական նախաձեռնութեամբ

    Հայոց Մեծ Եղեռնին նւիրւած միջոցառումների շարանում, երէկ ապրիլի 27-ին Զէյթուն քաղաքամասի Ս. Գրիգոր Լուսաւորիչ եկեղեցում, կազմակերպւել էր միասնական գեղարւեստական-դասախօսական միջոցառում, որին իրենց մասնակցութիւնն էին բերել Ս. Գրիգոր Լուսաւորիչ եկեղեցու խորհուրդը, Ս. Գրիգոր Լուսաւորիչ եկեղեցու կիրակնօրեայ դպրոցը, Հ. Մ. Մ. «Նայիրի» միութիւնը, Իրանահայ ազգային եւ մշակութային միութիւնը, Աշխարհատեսների հայկական կենտրոնը (Զէյթուն քաղաքամաս) եւ Հայաստանեայց Առաքելական Եկեղեցու հոգեւոր եղբայրակցութիւնը:

  • Հայոց Ցեղասպանութեան 104-րդ տարելիցի գլխաւոր միջոցառումները՝ Թեհրանի հայ համայնքում
    Հայոց Ցեղասպանութեան 104-րդ տարելիցի գլխաւոր միջոցառումները՝ Թեհրանի հայ համայնքում

    Թեհրանի հայոց թեմում, Հայոց Ցեղասպանութեան 104-րդ տարելիցի առիթով գլխաւոր միջոցառումների շրջագծում, ապրիլի 23-ի երեկոյեան, Ս. Սարգիս առաջնորդանիստ եկեղեցու շրջափակում Հայոց Մեծ Եղեռնի զոհերի յուշահամալիրի մօտ տեղի ունեցաւ կրօնական արարողութիւն, ժողովրդական ծաղիկների մատուցում եւ երիտասարդական համահաւաք:

  • Ճրագալոյցի եւ Ս. Յարութեան պատարագները Թեհրանի եկեղեցիներում
    Ճրագալոյցի եւ Ս. Յարութեան պատարագները Թեհրանի եկեղեցիներում

    Քրիստոսի մահը եւ Նրա մեռելներից յարութիւնը կազմում են քրիստոնէական կրօնի ու հաւատի գլխաւոր երկու սիւները:

    Քրիստոսի հրաշափառ Յարութեան ուրախ տօնի առիթով, թւականիս շաբաթ 20 ապրիլի երեկոյեան Թեհրանի բոլոր եկեղեցիներում տեղի ունեցաւ Ճրագալոյցի պատարագը, հաւատացեալների հոծ բազմութեամբ եւ ներկայութեամբ:

  • Թեհրանում է Պակիստանի վարչապետ Իմրան Խանը
    Թեհրանում է Պակիստանի վարչապետ Իմրան Խանը

    Հանրապետութեան նախագահ դոկտ. Հասան Ռոհանիի հրաւէրով, պաշտօնական երկօրեայ այցով, երէկ՝ ուշ երեկոյեան Թեհրան է ժամանել Պակիստանի վարչապետ Իմրան Խանը:

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։