Հա

Համայնք

08/03/2012 - 11:07

altԱմառային արձակուրդները աւելի հետաքրքիր եւ արդիւնաւէտ անցկացնելու համար՝ Շահինշահրի հոգեւոր հովիւ Տ. Անանիա վրդ. Գուճանեանի նախաձեռնութեամբ եւ Համայնքային վարչութեան համագործակցութեամբ կազմակերպւեցին մի շարք դասարաններ, որոնցից մէկն էլ ասեղնագործութեան դասարանն էր: Այն մեծ արձագանգ գտաւ Շահինշահրի արւեստասէր կանանց շրջանում: Դասարանը սկսեց գործել սեպտեմբեր ամսից եւ ունի շուրջ 25 աշակերտներ: Դասարանի ղեկավարն է Հիլդա Խուդաբախշեանը, որը մեծ հաճոյքով իր տարիների փորձն ու գիտելիքները փոխանցում է իր աշակերտներին:

Տկն. Հիլդան դեռ իր դպրոցական տարիներում է սկսել այս արւեստով զբաղւել եւ տարիների ընթացքում ստեղծագործել եւ կատարելագործել է իր հմտութիւնները: Նրա ուսուցման շնորհիւ՝ իր աշակերտների ձեռքերով գոյնզգոյն թելերով կտորի վրայ շունչ է առնում մեսրոպատառ այբուբենը, իսկ ծաղիկները դառնում են յաւերժ անթառամ ու մշտադալար: Տկն. Հիլդայի ասութեամբ՝ անելիքները դեռ շատ են, պէտք է դեռ շատ աշխատեն եւ հմտանան: Մտադիր են նաեւ ունենալ իրենց աշխատանքների ցուցահանդէս, որը յուսով են՝ աւելի շատ թւով երիտասարդների կը խրախուսի մասնակցելու այս դասարաններին եւ տիրապետել հայ արւեստի այս գեղեցիկ ճիւղին: Տկն. Հիլդան նշեց նաեւ, որ պէտք է պատրաստեն ամբողջովին ասեղնագործ տարազներ, որը մեծ հմտութեան կարիք ունի: Յուսով ենք, որ այս արւեստը կը փոխանցւի սերնդէսերունդ եւ կը մնայ յարատեւ:

Թղթակից՝ Ադրինէ Իսայեան

 

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։